ZEKHARIAH 9:4 - Khumi Common Language Bible

⁴ Na i py Areng ly huni mary i nang chawn nai ngiereichi ai la pi pawn iy, pangli tui y aphi vui ai. Huni mary py mai kang vui ai.

ZEKHARIAH 9:4 ပူးပေါင်းရင်းမြစ်များ

LEU KACHENG 10:2

Li-tapawp iy nga nai yhmtheaung katuichi ly nang i vui kamran by y. Na i py neaung hawi naira my ly nang i hengra atleu pajau.

LEU KACHENG 11:4

Dei naira avum nai kani y yhmtheaung katui my ly nang ai aso hai y leang; na i py neaung hawi naira my ly nang i tlang ai atleu pajau.

ISAIA 23:11

Areng ly pangli salo y kiu pheu iy, huni prichi ai phra hai pawn bo. Phoenisiachi i ka-sum ka-pai sa nai meingtymchi taphra pawn ai nai py, leu pei pi veng bo.

Ezekiela 26:17

Huna nai y nichi ly nang ai vo hai nai khulym thui u nai ly amthang parai nai mary ly phra veng lawh bo ly! Pangli sahawi y awm nai marychi ly taphra naira avum lawh bo. Hini mary i khumichi ly panglichi ai peang nai ne. Pangli peang y awm nai khumichi ai py jei hyn hai bo.

Ezekiela 28:16

Nang ly ka-jo ka-van sa nai kalop nawi nai deaungkho y, kamjau kamteang sa nai hawi, kamngo nairachi sa lawh bo. Hunai deaungkho y kai ly kai i chai parai nai mawi salo i nai, nang ai athorei my theu hai nai ne. Aw tamcheaung typ nai kani pri amtaw thau nai awi, sadi nanai vang kateng lengseaungchira i nai nang ai kang paryh bo.

Ezekiela 28:18

Nang ly ka-jo ka-van sa naira y huna nai hawi y nai sa i, nang i kamngo nai deaungkho y, nang i chiu nai meingtymchi ai chai hai y bo. Huna nai y nang ai vai khen nai khumi bawibawichi i mo y, kai ly nang i mary ai maitlawi lawm na pa-rei kang hai ai. Kaichi ly maitlawi naini niu u ai.

Ezekiela 28:2

Mymy ly “Nang khumicho awi, “Turu samrang teng y sa thai naira angym nai kai, Areng i leu pei nai amti pi ai nai ly: nang ly paleung len amlyh naimy nangmy ai tameuh ne na iy, pangli my katanmeuh nai samrang atehra tleaung y tameuh kamta ateh ai nai nga, nanai thui bo. Nang ly tameuh kamta cheng naira awm, nanai athang khai teu i py, nang ly tameuh ny y, khumicho teu.

Ezekiela 28:8

Nang ai py angawm theung y pala iy pangli tui y dei naichi kamta dei ai.

JOELA 3:8

Kai ly nangchi i cho chanauchi ai, Juda khumichi i miseaung ka-jo ka-van lawm hai ai. Juda khumichi py nichi ai palo parai nai Seba khumichi teng y jo vui ai. Hini ly kai, Areng i kang thui pi nai leu ne.

AMOS 1:10

Hunai deaungkho y kai ly Turu mary apaichi salo y mai kani nai hai iy, Turu amtangra yhmchi ai maidym satlawi palawn vui ai.

ZEKHARIAH 9:5

Hina nai ai Asakelon mary ly niu iy, jei hyn ai. Kaza mary py niu i, paleung mawn, kaso theu ai. Ekron mary py hunai kamta ne iy, ni i athang khai naichi phra pawn ai. Kaza mary ly samrang kangpreang leu baw ai i, Asakelon mary ly khumi angso savai tlang naimy awm ai.