ZEKHARIAH 9:16 - Khumi Common Language Bible

¹⁶ Huni neng kani tym nai khala, beram typ keung ly beram kanghuchi ai ka-jeira i nai atleu nai kamta, nichi i Areng ly mymy i khumichi ai atleu ai. Nichi ly areng lukhymra i vang kateng lengseaungchi kamta, mymy i pri y kangvang sangso angvang ai.

ZEKHARIAH 9:16 ပူးပေါင်းရင်းမြစ်များ

SAM 100:3

Areng ly Tameuh ne, nanai pany u. Mymy ly achi ai sa iy, achi ly mymy i ne. Achi ly mymy i khumichi ne; mymy kry nai beram kanghuchi ne.

THEU NAI 28:21

Israela theaung holai nyhrei amyn ai, lengseaung holai nyhreira, ha harei y Jakob i chapo leaung leaungrei i amyn tajiu ai nai tla.

THEU NAI 28:9

Vang kateng Mahura lengseaung nyhrei la iy, hunira y Jakob i chapo leaung holai nyhreichi i amyn tajiu ai nai tla.

ISAIA 40:10

Ati cheaungkhang sa thai nai Areng ly mymy atleu nai khumichi aipalau iy, sa thai naira hawi peang ai nai ang jeu ai.

ISAIA 54:12

Nang i angdeangrachi ai amia hawi, nang i apai katheu pa-khochi ai lengseaung vang katengchi hawi, nang i apai dengpangchi ai vang katengchi hawi, sa palai teang ai.

ISAIA 60:14

Nangchi ai pahyp y naimy ana nai khumichi i kangpreangchi ly nangchi teng y jeu iy, lu meung naimy ang chiu u ai. Vaichi khala y nang ai khumi aniu y nai khumi bawibawichi ly nang i kheu keung y ambeu iy chiu u ai. Nichi ly nang ai, ‘Israela chengchi i chai parai nai Areng i mary pui Zion mary,’ nanai py palau u ai.

ISAIA 60:3

Khumi cheng cheaungkhangchi ly nang i kangvang awm naira mang py, samrangchi ly nang i khawn kani si ko nai sangso mang py ang jeu u ai.

ISAIA 62:3

Nang ly Areng i vui y apu parai nai areng lukhym lawm ai.

JEREMIA 23:3

Kai ly kai i khumichi ai ahei hai nai prichira i awm rai naichi ai kala iy, mychi i pri y katha ali teang ai. Nichi ly cho chanau neangneang sa iy, khumi peung u ai.

JEREMIA 31:10

Areng my, “Aw khumi cheng cheaungkhangchi awi, kai i leu pei nai tangai u iy, kai i leu ai pangli vai pri kamlochira y thai hai u. Israela chengchi ai ahei hai nai keung kai ly nichi ai kachu ai. Beram typ nai keung ly my i beram kanghuchi ai kry nai kamta, kai ly nichi ai kry ai.

JEREMIA 31:11

Kai ly Israela chengchi ai miseaung i nai lawi hai bo. Nichi ai atho len nai khumi chengchi kiu i nai atleu pi bo.

Ezekiela 34:11

“Sa thai naira angym nai kai, Areng my nangchi teng y leu pei nai ly ahei khrikhra nai bo y pakym ali teang nai beramchi ai beram typ nai keung my kry nai kamta, kai ly kaimy i beramchi ai hau iy kry ai. Kani khaileaung veng nai neng kani y nichi ahei khrikhra nai meingtym tleireira i nai, nichi ai kapalau ali teang ai.

Ezekiela 34:31

“Kai i beramchi, kai i pacho panei nai beram kanghuchi, nangchi ly kai i khumichi ne iy, kai ly nangchi i Tameuh ne,” nanai sa thai naira angym nai kai, Areng my leu pei nai ne.

MIKHA 5:4

Huni samrang ang jeu nai khala y, ni ly Areng teng i sa thai naira hawi py, my i Areng Tameuh teng i sa thai naira hawi py, mymy i khumichi ai peang ai. Khaileaung pri verei y awm nai khumi bawibawichi ly mymy i nang parai nai sai pany nai deaungkho y, my i khumichi ly chymme naimy awm u ai.

MIKHA 7:14

Aw Areng, nangmy vawi takhra nai khumichi ai, beram typ nai keung kamta kry kyh ba. Nichi ly daichi theung y ahei akyhkyh teu i py, huni meingtym i paitiu khuta hawi nai khaileaung my, nichi ai taki teungtareung na sy. Nichi ai jangni khala y achachi peung nai Basan pri hawi Kilead prichira y sui tlai hai nai kamta, vai py hini pri y awm hai ba.

ZEPHANIAH 3:20

Ahei dan nai nangchi i chengchi ai mychi i pri mang y hawi ali teang nai neng tym ai! Kai ly nangchi ai khaileaung pri verei y amthang hai ai. Nangchi ai nang chawn hai teang ai,” napi. Hini ly Areng my thui pi nai leu ne.

HAKAI 2:23

Kai i miseaung tatang Zerubabela awi, huni kani y kai ly nang ai kang la ai i, kai i jeng y peang hai ai. Nang ly kaimy vawi takhra nai khumi ne,” napi bo. Hini ly ati cheaungkhang sa thai nai Areng my thui nai leu ne.

ZEKHARIAH 10:6

“Kai ly Juda khumichi ai atho awm hai iy, Israela khumichi ai atleu ai. Kai ly nichi ai pahen iy, mychi i saleaung khuteng mang y pahawi teang ai. Nichi ly kaimy mana khala py khai su vai y nai khumichi kamta lawm ai. Kai ly nichi i Areng Tameuh ne iy, nichi i chiu sa nai pathang pi ai.

ZEKHARIAH 8:23

Huni neng kani y Juda khumi leaungrei ai, cheng takhra khumi leaung horeichi my, ‘Tameuh ly nang hawi vanrei awm, nanai kaichi thai bo. Hunai deaungkho y kaichi ly nangchi hawi vanrei, sih hawi amdai ahawi ai nai ngai,’ nanai thui ai,” napi.

LUKA 12:32

Kamkawm di naichi awi, jei u moh; Ngampo my ka-peang ang pei nai ly khri pa-rei ang kawn.

JOHAN 10:27

Kai i beramchi ly kai i raawi thai, kai py nichi ai kapany, nichi py kai teng y abang u i,