ZEKHARIAH 9:14 - Khumi Common Language Bible

¹⁴ Areng ly mymy i khumichi awm naira y jeu iy, thailihochi hawi amlosadi theu nai kamta ko ai. Kani pri tavai luchi i Areng ly baw eng iy, tokalawi mang aho nai ali kamchai hawi vanrei, ang jeu ai.

ZEKHARIAH 9:14 ပူးပေါင်းရင်းမြစ်များ

JOBA 37:9

Ali kamchai ly tokalawi ngan mang dengdai khri pa-rei savai nai ali ly tosyh ngan mang dengdairei theu reng nai ne.

SAM 18:14

Mymy ly thailihochi ko naimy, paleung ka-echi ai ahei hai pawn bo. Amlosadi theu hai naimy nichi ai angpreng hai bo.

SAM 18:15

Aw Areng, nang ly paleung ka-echi ai kado katheu hang hai nai raawi hawimy parip nai khala, suida pangli paichi khaileaung py, khaileaung i sangum langdengchi py, am-eaung seaungkhrang na bo.

ISAIA 18:3

Khaileaung pri y awm nai khumi bawibawichi awi, khaileaung salo y awm u nai khumi bawibawichi awi, tangai u! Mawi saleungra y pado ai nai ka-ma-ra tamkhawn ai khen angdeang u!

ISAIA 21:1

Hini leu pei nai ly Babulon mary i vui ne. Khutaha daichi ka-ym theung y aho prei nai ali tengkaleng kamta, ka-jeira ly jei hawi parai nai pri mang dengdairei ang tym ai.

ISAIA 27:13

Huni neng kani tym nai khala y Asuria pri hawi Aikupta pri y pri pala nai avum nai Israela cheng bawibawichi ai palau nai baw eng ai. Nichi py Jerusalem mary y awm nai, mymy i mawi kachai salo y Areng teng jeu iy chiu ai.

ISAIA 30:30

Areng ly khumi bawibawichi teng y phum-ang angym nai raawi thai hai iy, mymy i kado theu nai haiho avum hai ai. Mai kadeu kangveaungchi, kani pajyh nai, ji amaichi tla nai hawi, khri pa-rei kani nai hai ai.

ISAIA 31:5

Tavo ly my i tabu salo mang akheang taki naimy cho ai kry nai kamta, ati cheaungkhang sa thai nai keung Areng ly Jerusalem mary ai ama hai iy, paleung ka-echi ai tiu ai,” nanai kai ai leu pei nai ne.

ISAIA 66:15

Areng ly mai kangveaung atang iy ang jeu ai. Mymy ly my i kado theu hai nai khumichi ai pajeng ai nai, ali lengli atang iy ang jeu ai.

HABAKKUK 3:11

Khri pa-rei rang nai thailiho chynchi ly angvang thlithlup iy, tivichi ly kangvang sadi nai khala y, kanito hawi lo ly anawn veng bo.

HABAKKUK 3:14

Nang i thailiho chyn ly tavailu areng ai ko nai pri leu vui bo. Ni i tavaimi kamkawm ly ali kamchai kamta, kaichi ai hm pawn ai nai ang jeu u. Nichi ly khumi kamawnchi ai ana pumpi nai khumichi kamta, khri pa-rei paleung ateng hai u bo.

ZEKHARIAH 12:8

Huni neng khala Jerusalem mary y awm nai khumichi ai, Areng ly kry ai. Hunaibaly nichi theung i atho di keh naichi malawn py, Davida kamta atho ham ai. Davida i katu chanauchi ly kani pri i amtaw thau nai kamta py, Tameuh mymy kypkyp py, nichi ai lu sa iy pahawi ai.

ZEKHARIAH 14:3

Naibaly Areng ly jangni neng khala i kamta theu iy, huni khumichi ai tiu ai.

ZEKHARIAH 2:5

Areng ly mymy naimy mary kamkira y, mai apai kamta awm iy nang parai nai hawimy, huni mary y awm ai, nanai leu adeu yb veng bo,” nanai thui.

MATTHAI 24:31

Naibaly baw katym pajeng parai nai eng iy, mymy i kani pri i amtaw thau naichi ai ly pato ai; naibaly nichi ly mymy i vawi takhra naichi ai ly khuteng taki palyhrei i dengdairei, kani katem i nai katem y khrairei pangym achu ai.

MATTHAI 28:20

leu kang pei nai bawibawi tangai ai nai nichi ai patiu u. Naibaly khen cham, kaimy kypkyp ly neng tem pa-rei py nangchi teng y kang awm jojo ai,” napi.

ROM AVANGCHI TENG Y PAWLA I CHA PA NAI 15:19

ka-ma-rachi hawi rengrangchi atiti sa thai naira y py, Phailo Kachai i atiti sa thai naira y py, kai ai angteaung nai atiti sa naichi ny y baly kai ly ati sai py kathui vam y leang. Hunaibaly Jerusalem avang hawi huni tengtang i dengdairei Hurikon pri y khairei Krista i Satang Kahawi ly meingtym tleirei y kathuipi angym bo.

HEBRAI 2:4

Tameuh my py ka-ma-rachi hawi, atiti rengrangchi hawi, atiti sa thai naira cheaungkhang hawi, mymy i ngai nai kamta Phailo Kachai i atiti paji naichi deaungkho y nichi hawi pany hai bo.

JOSUA 10:42

Israela chengchi i Areng Tameuh ly Israela chengchi mang y asa hai nai deaungkho y, Josua ly huni samrang bawibawichi hawi, nichi i prichi ai tiu i eaung veangveang nai ne.

AMTENG HAI NAI 6:2

Naibaly kai ly khen i, khen cham keaungngo kangleung harei awm i, huni tleaung y atang nai keung ly thai syn bo; naibaly areng lukhym mymy teng y pei bo; mymy ly pajau nai thym khala y pajau ra ai nai theu bo.