ZEKHARIAH 9:12 - Khumi Common Language Bible

¹² Nangchi pri pala naira avum nai khumichi awi, vawi u ali teang; athang khai naira awm u bo. Nangchi ly phrumai by y nai meingtym y vawi u teang. Nangchi i avum nai ngari kamtang tleaung y amtheaung naira phy nyhrei nangchi teng y kang pei ai, nanai vai, kaimy kang thui pi bo.

ZEKHARIAH 9:12 ပူးပေါင်းရင်းမြစ်များ

JOBA 42:10

Huna nai Joba ly my i ahawi leaung thomrei i vui chiu sa pi chum nai khala, Areng ly ni ai nang chawn hai teang i, vaichi khala i tleaung y phy nyhrei, yhmtheaung katuichi pei pi nai ne.

ISAIA 24:22

Tameuh ly samrangchi ai theaung tla naichi kamta, angawm hareira y ake chi-u na pa-rei paeung cheng ai. Pajeng ai nai neng tym y ryrei ly nichi ai, mymy ly theaung y paeung jo ai.

ISAIA 38:18

Tavau pri y ly nang ai ami py palo thai y leang. Khumi kadeichi ly nang i ka-ym awm naira y ym pajau y.

ISAIA 40:2

Jerusalem mary i khumichi ai atho pei u. Nichi ly ngari kamtang kra parai pa-rei avum nai deaungkho y, nichi i kamngochi ai vai, kaimy pahen pi bo, nanai nichi teng y thui pi u. Kai ly nichi i kamngo nai ai pajeng nai tym angym hai bo,” napi.

ISAIA 49:9

Theaung tla nai khumichi teng y, ‘Amy ngaingai theu u!’ nanai py, kaveng theung y awm nai khumichi teng y, ‘Kangvang y theu u!’ nanai py kang thui pi ai. Nichi ly mawi aheungchira y teicha tlai nai beramchi hawi atawm ai.

ISAIA 52:2

Aw Jerusalem mary! Nangmy my ai atho sa iy, law tleaung ai nai so. Spryh theung i nai ang thau iy, nangmy i areng atehra y ateh ba! Langheng y hawi nai Zion mary i khumichi awi! nangchi ai ang kawm nai sengkrychi su u pawn jau.

ISAIA 61:7

Nangchi i kangji kangai nga nai hawi sum nairachi ly tem ai bo. Nangchi ly naimychi i pri y awm naimy, nangchi i yhmtheaungchi py, phy nyhrei nang panawi bi ai. Nangchi ly deungtasarei amo theu ai nai nga u ai.

JEREMIA 14:8

Nang naini Israela chengchi i vui athang khai naira ne. Kaichi ka-jeira avum nai khala y, atleu pi nai keung ne. Ati mana nai y nang ly kaichi i pri angvyn kamta, dymreichy jei khyh nai khuleaung angvyn amlawn lawh mo?

JEREMIA 16:19

Aw Areng, nang ly kai ai kry iy atho pei bo. Patang naira avum nai khala sabawm bo. Khaileaung pri katemra i dengdairei khumi cheng cheaungkhangchi ly nang teng y jeu iy, “Kaichi i amsi pajochi chiu nai tameuhchi ly tameuh ka-chawi ne, atyhtyh teu. Hawi naira pei pajau y nai mynchi ne.

JEREMIA 17:13

Aw Areng, nang ly Israela chengchi i athang khai naira ne. Nang ai khai su nai ngiereichi ly kangji nga u ai. Nichi ly hengra tuino, napi nai Areng nang ai khai su nai deaungkho y, spryhra y tajiu nai amynchi kamta, tama u pawn ai.

JEREMIA 31:17

Nang ly mo mang i vui athang khai naira awm; Nang i cho chanauchi ly yhm y vawi u ali teang ai. Hini ly kai, Areng i thui nai leu ne.

JEREMIA 31:6

‘Jeu u, achi i Areng awm naira Zion mawi y chei u sina,’ nanai Ephraim mawichi saleung i tamcheaungchi my aeu nai neng kani ly ang tym angchi khyp ai,” napi.

JEREMIA 50:28

(Babulon pri i dengdairei law tleaung nai tavai kamtangchi ly Jerusalem mary y tym u iy, mymy i Achura yhm ai Babulon khumichi my taphra nai molam y, achi i Areng Tameuh ly nichi ai ati mana vawitheung tha mo, nanai thui pi u bo.)

JEREMIA 51:10

Areng ly “Kai i khumichi my, ‘Achi ly hawi, nanai Areng my patei bo. Achi ly Jerusalem mary i khumichi teng y chei iy achi i Areng Tameuh my sa nai atitichi thui u sina,’ nanai aeu u bo,” napi.

Ezekiela 37:11

Tameuh my kai teng y, “Nang khumicho awi, Israela chengchi ly huni hiuchi hawi atawm teang. Nichi my kaichi ly hiu kapeaungchi ne i, dei nai teu bo; mo mang i vui athang khai naira by y leang bo, nanai thui u nai ne.

HOSEA 2:15

Ni i kreip akhochi py hawi hai teang iy, Akhaw, napi nai kamtang leaung hawi ai, athang khai naira katheu lawm hai ai. Ni ly saneng theang nai neng, Aikupta pri i dengdairei theu nai khala i kamta, kai ai tamen ali teang ai.

JOELA 3:16

Areng ly Zion mawi salo y aeu bo. Jerusalem mary i dengdairei aeu. Khaileaung hawi kani khusang py amchyh u bo. Na i py mymy ly mymy i khumichi ai ama hai ai.

MIKHA 4:8

Tameuh my angdeangra mang dengdairei, mymy i khumichi ai beram typ keung kamta kry nai meingtym Jerusalem mary awi, nang ly hini pri i mary pui lawm reng nai kamta, vai py mary pui lawm ai.

NAHUM 1:7

Areng ly hawi, mymy i khumichi patang naira avum nai khala, ama hai bo. Mymy teng y abyh nai khumichi ai kry.

HEBRAI 6:18

Hunaibaly Tameuh ly ka-chawi thui ai nai vuilam ny y nai, pipi palai lawh thai y naira nyhrei tabom nai deaungkho y, achi, lawi naira hau naichi ly achi i mo y athang khai naira ang khai pi nai ai ly patawn thleng thai ai nai, khri pa-rei khaw hai naira nga thai ai.

HEBRAI 6:19

Achi ly huni athang khai naira ai ly phailo i cheuha kakhaw hawi ka-ym awm nai nga bo; huni ly kanih jang nai theung y khrairei kun nai ne.