ZEKHARIAH 9:10 - Khumi Common Language Bible

¹⁰ Areng my, “Kai ly Israela pri i tavai keaungngo ka-richi paheng pi vui iy keaungngochi ai Jerusalem mary mang y pahawi ai; Tavai keung y teaung nai thailihochi ai py, kataphra pawn ai. Nangchi i samrang ly pri tleireichi hawi, tavai atiu y ai nai sa chum baly, pangli harei dengdairei, takhra pangli mang py, Euphrat tavo dengdairei, khaileaung pri katem mang y khrairei py peang ai,” napi.

ZEKHARIAH 9:10 ပူးပေါင်းရင်းမြစ်များ

1 ARENG KEH 4:21

Solomon ly Euphrat tavo dengdairei Philistin pri hawi Aikupta pri khujyh khrairei awm nai pri bawibawichi ai peang nai ne. Huni prichi ly samrang teng y kahm pei u iy, samrang heng nai ryrei ly ni i anui y awm nai prichi lawm bo.

SAM 72:17

Samrang i amyn ly awm jojo sy; amyn amthang nai ly kanito kamta awm jojo sy. Tameuh ly samrang ai amtheaung naira pei nai kamta, khumi cheng cheaungkhangchi ly mychi ai py, amtheaung naira pei ai nai Tameuh teng y hnei u sy.

SAM 72:3

Pri theung y tlamsa iy, leu meitang adyh adawi naimy peang sy.

SAM 85:8

Kai ly Areng Tameuh i leu pei nai ai tangai naimy awm bo; achi ly amychi i hawi y nai lam ai khai su baly mymy ly mymy i khumichi napi nai achi ai awmnem naira pei ai, nanai adeu pi bo.

SAM 89:26

Ni ly kai teng y, “Nang ly kai i ampo hawi kai i Tameuh, nang ly kai i abyhra hawi kai i atleu keung ne,” nanai thui ai.

ISAIA 11:10

Samrang Davida kangpreang theung i amthawn nai samrang ly khumi cheng cheaungkhangchi i vui aly len nai ka-ma-ra harei lawm nai neng tym ai. Nichi ly ni i mary pui y jeu achu iy, ni ai tahm pasang ai.

ISAIA 2:4

Mymy ly khumi cheng kalenchi a-ei nai rym hai ai. Nichi py mychi i haisauchi ai li thawnra tamo, mychi i tivichi ai changpi kalei nai akeichi lawm ai nai thip palai vui ai. Khumi cheng bawibawichi ly mo mang y, mana khala py tavai atiu u ai ny y. Tavai atiu u bi ai nai py aeng u ai ny y.

ISAIA 49:6

Areng my kai ai, “Kai i miseaung, kai ly nang ai kalop kalenra y sa hai ai. Dei kamthum Israela chengchi sa thai naira haiho nga u ali teang nai khyh chang y i, khaileaung pri verei malawn py atleu naira nga ai nai, kai ly nang ai khumi cheng cheaungkhangchi i kangvang lawm hai ai,” napi.

ISAIA 60:12

Na i py nang i kalop sa ai nai ngai y nai khumichi ly tamyh pawn nai avum u ai.

HOSEA 1:7

Na i py kai ly Juda pri khumichi ai tamen ai rai. Nichi i Tameuh kai Areng ly nichi ai atleu ai. Na i py tavai atiu nai hawi py, haisau, thailiho, thailiho chyn, keaungngo, keaungngo tavaimi kamkawm hawi py, nichi ai atleu ai ny y.

HOSEA 2:18

Huna nai khala kai ly mawi kasi, tavo cheaungkhangchi hawi leu maikawm asa iy, haisau, thailiho chyn hawi tavai atiu naichi py, pri y by y vui nai deaungkho y, kai i khumichi ly tlamsa naimy awm ai nai nga u ai.

HOSEA 2:20

Kai i adeu nai vaineng molam y, kai ly nang ai pom ai. Nang ly kai ai Areng ne, nanai pany jo ai.

MIKHA 4:8

Tameuh my angdeangra mang dengdairei, mymy i khumichi ai beram typ keung kamta kry nai meingtym Jerusalem mary awi, nang ly hini pri i mary pui lawm reng nai kamta, vai py mary pui lawm ai.

MIKHA 5:4

Huni samrang ang jeu nai khala y, ni ly Areng teng i sa thai naira hawi py, my i Areng Tameuh teng i sa thai naira hawi py, mymy i khumichi ai peang ai. Khaileaung pri verei y awm nai khumi bawibawichi ly mymy i nang parai nai sai pany nai deaungkho y, my i khumichi ly chymme naimy awm u ai.

MIKHA 5:9

Israela chengchi ly paleung ka-echi ai tiu u ai.

HAKAI 2:22

pri bawibawichi ai taphra iy, nichi i sa thai naira jum hai ai. Tavai keaungngo ka-richi atang nai keungchi hawi vanrei akhum hai meuh ai; keaungngochi ly dei ai. Keaungngo atang nai risachi py, mychi tengtawi atleh u ai.

AMTAW 10:36

Naibaly mymy ly Israela kangpreangchi teng y leu taviu nai, awmnem nai Satang Kahawi Isu Krista i labeaung y thui pi nai (mymy ly ati cheaungkhang tleaung y Areng)

II KORINTH 5:18

Na i py ati cheaungkhang ly Tameuh teng i theu nai ne; mymy ly Krista deaungkho y kaichi ai amymy hawi aly hai bo, naibaly aly naira krykeung kalop ang pei bo;

II KORINTH 5:20

Hunaibaly kaichi ly Krista i jeng y savai ne i, Tameuh my kaimychi ai teaung iy ang takeng, napi pajau; Tameuh hawi aly u, nanai Krista i jeng y kaichi kang takeng nai ne.

Leu Thui Nai 11:24

Nangchi i kheu chiu nai khaileaung ngierei ly amtym u bebe ai. Nangchi i khu ka-peang ly tokalawi mang daichi ka-vym dengdai tosyh mang Lebanon mawi khrairei, nisi mang ly Euphrat tavo dengdai nidym mang Mrethe Pangli khrairei kau ai.

AMTENG HAI NAI 11:15

Naibaly kani pri i amtaw thau nai saryh i nai ly eng i, “Khaileaung pri y peang naira ly achi i Tameuh hawi mymy i Krista i peang naira lawn bo; mymy ly deungtasarei peang jojo ai,” nanai kani mang y ly raawi pajeng parai naichi theu tamangtang bo.