ZEKHARIAH 8:8 - Khumi Common Language Bible

⁸ Jerusalem mary y awm u ai nai nidym, nisi mang i dengdairei, nichi ai kapahawi ai. Nichi ly kai i khumichi lawm ai. Kai py nichi i Tameuh lawm ai i, nichi ai leu meitang hawi ka-ym awm naimy peang ai.

ZEKHARIAH 8:8 ပူးပေါင်းရင်းမြစ်များ

ATITI AWM ANGCHEI NAI 17:8

Vai, nang ly angvyn kamta awm nai hini pri bawibawichi ai nang hawi nang i kangpreangchi teng y kaimy pei ai. Kanan pri verei ly nang i kangpreangchi i vui deungtasarei pri lawm ai; kai py nichi i Tameuh lawm ai,” napi.

JEREMIA 11:4

Huni Leu Maikawm ly nichi ai tamo paheung pui hawi atawm nai Aikupta pri i dengdairei, kaimy pahawi nai thym khala y, kai ly nichi i amsi pajochi hawi asa nai Leu Maikawm ne. Kai ly huni khumichi ai kai i leu tangai ai nai hawi, kaimy sa hai nai kalop ngiereichi sa u ai nai leu pei nai ne. Nichi ly kai i leu pei naichi tangai u lawh ai nabaly, kai i khumichi lawm iy, kai py nichi i Tameuh lawm ai.

JEREMIA 23:8

Nichi ly huna nai tleaung y kai ai ly Israela khumichi ai tosyh pri mang i dengdairei py, nichi ai ahei hai nai pri takhrachira i nai py, pahawi ali teang nai Tameuh kangheng palawn iy vaineng abeu u ai. Naibaly nichi ly mychi i saleaung khutengra y awm ai nai nga u ai,” napi.

JEREMIA 24:7

Kai ly Areng ne, nanai pany ai ngai nai paleung nichi teng kapei pi ai. Hunaibaly nichi ly kai i khumichi lawm u ai i, kai py nichi i Tameuh lawm ai. Ati mana nai mo nabaly nichi ly paleung hawi verei, kai teng y vawi u teang ai nai deaungkho y ne.

JEREMIA 31:1

Areng my, “Kai ly Israela cheng bawibawichi i Tameuh lawm iy, nichi py kai i khumichi lawm u ai nai neng kani ly tym dudu bo.

JEREMIA 31:33

Nichi hawi kai asa nai Leu Maikawm kangtha ly hini ne. Kai ly kaimy i reita leu ai nichi i paleung theung y kapakun pi ai. Kai ly nichi i Tameuh lawm iy, nichi ly kai i khumichi lawm u ai.

JEREMIA 32:41

Nichi teng y hawi naira pei ai naini kangai khyh; hini pri y awm jojo ai nai meingtym sa pi ai.

JEREMIA 4:2

kai i amyn y tau iy vaineng abeu nai ly kataw kateng lawm ai. Huna nai khala y khumi cheng cheaungkhangchi ly mymychi amtheaung naira nga ai nai hnei takeng u ai. Kai ai py palo u ai,” napi.

Ezekiela 11:20

Huna nai y nichi ly kai i reitachi kry iy kai i leu pei naichi hawihai palai tangai u ai. Nichi ly kai i khumichi lawm iy kai py nichi i Tameuh lawm ai.

Ezekiela 36:28

Huna nai khala nangchi ly nangmychi i amsi pajochi teng y awm ai nai nga u ai. Nangchi ly kai i khumichi lawm iy, kai py nangchi i Tameuh lawm ai.

Ezekiela 36:33

Sa thai naira angym nai Areng my, “Nangchi ai kamngo cheaungkhangra i nai kang pachai nai khala, kai ly nangchi ai nangmychi i marychira y awm teang ai nai pei ai. Phra seaungkhrang naichi ai py, palum ali teang ai nai pei ai.

Ezekiela 37:25

Nichi ly mychi i amsi pajochi awm reng nai pri, kai i miseaung Jakob teng y kaimy pei nai pri y awm u ai. Nichi kamta nichi i cho chanauchi hawi, nichi i kangpreang bawibawichi py, huni pri y awm u jojo ai. Kai i miseaung Davida kamta samrang ly nichi ai peang jojo ai.

Ezekiela 37:27

Kai ly huni meingtym y nichi hawi vanrei awm iy, nichi i Tameuh lawm ai. Nichi py kai i khumichi lawm u ai.

HOSEA 11:11

Tavochi kamta Aikupta pri i dengdairei py, buhu kamta Asuria pri i dengdairei py, akheang u kaliki ai. Kai ly nichi ai mychi i saleaung khuteng y hawi ali teang ai. Hini ly kai, Areng my pei nai leu ne.”

JOELA 3:20

Kai ly tleh naira avum nai khumichi i vui vawitheung tha ai. Khumi kamngochi ai tlamsa naira pei ai ny y. Na i py Juda pri hawi Jerusalem mary ai ly deungtasarei khumichi awm naira lawm hai ai. Kai, Areng my py Zion mawi salo y awm ai,” napi.

Levi 26:12

Kai ly nangchi hawi vanrei awm ai; kai ly nangchi i Tameuh ne i, nangchi py kai i khumichi lawm ai.

ZEKHARIAH 10:10

Kai ly nichi ai Aikupta pri hawi Asuria pri dengdairei hawi ali teang iy, mychi i saleaung khutengra y meingtym tahyh pi ai. Nichi ai Kilead pri hawi Lebanon prira y py, meingtym tahyh pi ai. Naibaly khumichi awm naira meingtym akeaung y na pa-rei awm ai.

ZEKHARIAH 10:6

“Kai ly Juda khumichi ai atho awm hai iy, Israela khumichi ai atleu ai. Kai ly nichi ai pahen iy, mychi i saleaung khuteng mang y pahawi teang ai. Nichi ly kaimy mana khala py khai su vai y nai khumichi kamta lawm ai. Kai ly nichi i Areng Tameuh ne iy, nichi i chiu sa nai pathang pi ai.

ZEKHARIAH 13:9

Naibaly kai ly tangka ai mai hawi pachai nai kamta, dei kamthum phy thomrei y phyrei ai pachai ai. Nichi ai cham iy khen ai. Kai ly muku ai cham nai kamta, nichi ai cham ai. Naibaly nichi ly kai teng y chiu sa u ai, Kai py pathang pi ai. Nichi ly kai i khumichi ne, nanai nichi teng y thui pi ai. Nichi my py kai ly mychi i Tameuh ne, nanai pany u ai,” napi.

ZEKHARIAH 2:11

Huni neng khala y khumi cheng cheaungkhangchi ly Areng teng y ahihawi u iy, mymy i khumichi lawm u ai. Mymy ly nangchi theung y awm ai. Kai ai mymy pato nai ne, nanai py, nangchi pany u ai.

AMTENG HAI NAI 21:3

Naibaly areng atehra theung i dengdairei ly raawi pajeng naimy, “Khen cham, Tameuh i awm naira ly khumichi theung y awm bo: mymy ly nichi teng y awm hai ai i, nichi py mymy i khumichi lawm ai; Tameuh kypkyp my ly nichi teng y awm hai ai i, mymy ly nichi i Tameuh lawn ai.

AMTENG HAI NAI 21:7

Pajau nai keung ngierei ly hunichi ai amtym ai; naibaly kai ly ni i Tameuh kalawn ai i, ni py kai i chapo lawn ai.