ZEKHARIAH 8:23 - Khumi Common Language Bible

²³ Huni neng kani y Juda khumi leaungrei ai, cheng takhra khumi leaung horeichi my, ‘Tameuh ly nang hawi vanrei awm, nanai kaichi thai bo. Hunai deaungkho y kaichi ly nangchi hawi vanrei, sih hawi amdai ahawi ai nai ngai,’ nanai thui ai,” napi.

ZEKHARIAH 8:23 ပူးပေါင်းရင်းမြစ်များ

ATITI AWM ANGCHEI NAI 31:41

Nang hawi vanrei patang ahawi nai saneng apomrei avum bo. Nang i chaniu leaung nyhrei ai pom ai nai kaimy saneng holai palyhrei kalop kang sa pi; nang i tawnbawi kanghuchi ai saneng tariurei kang kry pi bo. Huna tanrei kang sa pi teu i py nang my kai i nga ai nai vang tlen horei palai vui asai rai.

ATITI AWM ANGCHEI NAI 31:7

Na i py ni ly kai ai tapawp nai hawi kai i vang nga nai py tlen horei ang katheung pi veng nai ne. Na i py kai i tlang tleaung y hawi y sa ai nai Tameuh my ni ai paka nai ne.

2 ARENG KEH 2:6

Naibaly Elija my Elisa teng y, “Vai ly hi y awm jo ba; Areng my kai ai Jordan tavo mang y chei ai nai leu ang pei bo,” napi. Na i py Elisa my, “Kai ly nang hawi amprei ai ny y, nanai deungtasarei heng nai Areng hawi nang i tlang tleaung y kai i ka-ym awm nai sai y vaineng abeu bo,” napi. Naibaly nini ly chei hawi bo.

1 NENG SATANG 12:18

Tameuh teng i Phailo ly Amasai tlang tleaung y tym i, kangkhym y risa leaung phaireichi i tavailu areng lawm nai Amasai my, “Jese i chapo Davida awi, kaichi ly nang i khumichi ne! Tameuh ly nang mang y awm! Nang hawi vanrei nang ai sabawm nai khumichi ly eaung naira ngo u sy!” nanai aeu u bo. Davida ly nichi ai kawn i, mymy i tavaimi theung y miteaung kehchi lawm hai bo.

2 NENG SATANG 15:9

Areng ly Asa hawi vanrei awm, nanai niu nai deaungkho y, Ephraim, manase hawi Simeon khu ka-peang theung i khumi neangneangchi ly Asa mang y abawi u iy, ni i pri y ang pyn u nai ne. Asa ly hini khumi bawibawichi ai py, Benjamin hawi Juda khumichi ai py, angym u ai nai leu pei bo.

ESTHER 8:17

Samrang i leu pei nai satang tym nai pri khu ka-peang hawi mary neangneangchira y Juda chengchi ly amo theu parai naimy cha nei u i, amo theu nai pawichi sa u nai ne. Cheng takhra neangneangchi ly Juda chengchi ai jei u nai deaungkho y Juda reita y kun u bo.

JOBA 19:3

Nangchi ly kai i tlang tleaung y mei aniu y ryry naimy, kangji kangai by y na pa-rei thui preaung u bo.

Parip nai leu 11:2

Nang i rang pala nai ly meingtym neangneangra y palo ba; ati mana nai mo nabaly, nang ly hini khaileaung pri y mana khala khym taham kasi hawi avum na mo, nanai pany pajau y nai deaungkho y ne.

ISAIA 3:6

Cheng theaung amjychi ly mychi theung i khumi leaungrei ai vawi takhra iy, “Ati py ne sy, nang teng y baichu ateaungchi awm rai nai ne. Hunai deaungkho y vai, patang naira avum nai neng khala y, kaichi ai lu so pi ba,” nanai thui u nai neng tym ai.

ISAIA 4:1

Huni neng tym nai khala y neampacho leaungrei ai neampachy leaung saryhreichi my katanmeuh iy, “Kaichi ly kaimychi cha ai nai hawi ateaung ai nai i vui ly ka-vo sa pajau nai ne. Juvo dengtheung by y nai molam y kangji ngo y ai nai, nang ai kaichi i juvo palawn ai nai pei ba,” nanai thui u ai.

ISAIA 45:14

Areng my Israela chengchi teng y leu pei nai ly “Aikupta pri hawi Ethiopia pri i yhmtheaung katuichi ly nangchi nga u ai. Seba pri i khumi len ka-sangchi ly nangchi teng y miseaung achei u ai. Nichi ly sengkry hawi pakheng naimy, nangchi nithun abang u ai. Nichi ly nangchi i mo y lu meung naimy, hina nai thui pi u ai; ‘Tameuh ly nangchi hawi vanrei awm bo; mymy leaungrei naini Tameuh ne.

ISAIA 45:24

“Nichi ly kaimy deaungkho y eaung naira hawi atho ham naira nga u nai ne, nanai thui u ai. Na i py kai i niu ngai y nai khumi bawibawichi ly tahm anem u ai.

ISAIA 55:5

Vai, nangchi ly pri takhra khumichi ai palau u ai. Vaichi khala nichi ly nangchi ai pany y; na i py vai ly nangchi teng y amkawm ai nai angpreng naimy, ang jeu u ai! Israela chengchi i chai parai nai Areng Tameuh, nangchi i Tameuh ly hini atiti bawibawichi tym hai ai. Kai ly nangchi ai tahm asang naira hawi, nang parai naira pei ai”.

ISAIA 60:14

Nangchi ai pahyp y naimy ana nai khumichi i kangpreangchi ly nangchi teng y jeu iy, lu meung naimy ang chiu u ai. Vaichi khala y nang ai khumi aniu y nai khumi bawibawichi ly nang i kheu keung y ambeu iy chiu u ai. Nichi ly nang ai, ‘Israela chengchi i chai parai nai Areng i mary pui Zion mary,’ nanai py palau u ai.

ISAIA 60:3

Khumi cheng cheaungkhangchi ly nang i kangvang awm naira mang py, samrangchi ly nang i khawn kani si ko nai sangso mang py ang jeu u ai.

ISAIA 66:18

Nichi i sa nai, dawn naichi kai pany. Kai ly pri tlei tleireichira i khumichi ai kachu ai nai kang jeu ai. Nichi ly akachu u nai khala y kai i sa thai naira mana tanrei ham na mo, nanai niu u ai. Mymychi ai pajeng nai keung ly kai naini ne, nanai py pany u ai. Na i py kai ly phyreichi ai tlamsa naira pei ai. Kai ly nichi ai kai i satang thai vai y, kai i sa thai naira len parai nai niu vai y nai

MIKHA 5:5

Naibaly pri py tlamsa ai. Asuria chengchi ly kaichi i pri y tiu nai, kaichi i amtangrachi taphra iy kun u nai khala y, kaichi theung y atho awm nai luchi ai pato ai i, paleung ka-echi ai tiu ai.

ZEPHANIAH 3:19

Nang ai ana nai khumichi ai kaimy pajeng ai nai neng tym ai. Kai ly kheu tabai nai khumi bawibawichi ai atleu iy, pri palara avum nai khumichi ai, mymychi i pri y pahawi ai. Nichi i kangji nga nai ly tahm awm nai mang y amtlau hai ai. Khaileaung pri khumichi my nichi ai palo u ai.

Kati Nai 14:22

hini khumichi theung i amimi py huni pri y kun ai nai ngo y; nichi ly kai i nang parai nai kangvang sangso py, Aikupta pri hawi daichi ka-vym theung y kai i sa nai rengrang tlai naichi niu teu i py, nichi ly kai ai tahm khai y jojo iy, kai i leu py tangai u y.

LUKA 8:44

ami py hawi so pi thai y bo; ni ly mymy i nithun mang chei iy ni i kanih tawn y nam; naibaly mymy i thi ahaw nai ly tlenrei khyh my akyn praw ryp.

AMTAW 19:12

hunaibaly mymy i tlang i atamui nai kanih mo baichu mo no naichi teng y syn i, nichi i no naira ly lawi bo, mymychi taku theung i dengdairei vawinamchi py theu.

I KORINTH 14:25

hunaibaly ni ly ambeu iy Tameuh ai chiu ai i, Tameuh ly nangchi theung y awm tatang, nanai thui ai.

JOSUA 8:35

Josua ly neampachy hawi deaungdichi, nichi hawi vanrei awm nai cheng takhrachi raurei, Israela cheng bawibawichi i mo y, Mosi my pei nai Reita ngiereichi phain pi nai ne.