ZEKHARIAH 8:22 - Khumi Common Language Bible

²² Sa thai naira haiho awm nai pri kalen khumichi ly ati cheaungkhang sa thai nai Areng ai chiu ai nai hawi, mymy teng i amtheaung naira hnei ai nai, Jerusalem mary y jeu u ai.

ZEKHARIAH 8:22 ပူးပေါင်းရင်းမြစ်များ

SAM 68:30

Samji theung i daichi mawi kasi, napi nai Aikupta pri ai parip kyh ba. Si katai beaungjeaungchi hawi, nithun mang abang nai si nu tanglochi, napi nai khumi chengchi ly nang teng y lu meung iy langseaung talam nai pa-rei nichi ai parip ba. Tavai atiu ai ngai nai khumichi ai ahei hai ba.

ISAIA 2:2

Isaia my vai mo mang i neng khala y vai, Achura yhm awm nai mawi ly mawi bawibawichi ai cho iy, asang keh nai lawm ai. Khumi cheng bawibawichi py, huni mawi y jeu u ai.

ISAIA 2:3

Nichi my, “Areng i mawi salo y Israela chengchi i Tameuh i Achura yhm mang y, achi lyn u sina. Mymy i kangai amtiu u sina. Mymy i vawi takhra pi nai lam y achi tako u sina,” nanai thui u ai. “Areng i reita leu ly Jerusalem mary i dengdairei py, mymy i leu ly Zion mawi salo i dengdairei py theu ai.”

ISAIA 25:7

Huni meingtym y mymy ly vengkhiu nanai paleung ka-mawn khupanym ly khumi cheng cheaungkhangchi salo i nai paheng pi vui ai.

ISAIA 49:22

Areng Tameuh my mymy i khumichi teng y, “Kai ly khumi cheng cheaungkhangchi ai ka-ma-ra patei nai khala y, nichi ly nang i cho chanauchi ai ang hawi u ai.

ISAIA 49:6

Areng my kai ai, “Kai i miseaung, kai ly nang ai kalop kalenra y sa hai ai. Dei kamthum Israela chengchi sa thai naira haiho nga u ali teang nai khyh chang y i, khaileaung pri verei malawn py atleu naira nga ai nai, kai ly nang ai khumi cheng cheaungkhangchi i kangvang lawm hai ai,” napi.

ISAIA 55:5

Vai, nangchi ly pri takhra khumichi ai palau u ai. Vaichi khala nichi ly nangchi ai pany y; na i py vai ly nangchi teng y amkawm ai nai angpreng naimy, ang jeu u ai! Israela chengchi i chai parai nai Areng Tameuh, nangchi i Tameuh ly hini atiti bawibawichi tym hai ai. Kai ly nangchi ai tahm asang naira hawi, nang parai naira pei ai”.

ISAIA 66:23

“Losi pawi kanichi hawi anawn kani tym nai tleirei, khumi cheng cheaungkhangchi ly Jerusalem mary y jeu iy, kai ai chiu u ai,” nanai Areng my leu pei bo.

JEREMIA 4:2

kai i amyn y tau iy vaineng abeu nai ly kataw kateng lawm ai. Huna nai khala y khumi cheng cheaungkhangchi ly mymychi amtheaung naira nga ai nai hnei takeng u ai. Kai ai py palo u ai,” napi.

MIKHA 4:2

“Tameuh i Achura yhm awm nai Areng i mawi mang y kalau u sina. Mymy ly achi ai, mymy i kangai hawi vanrei awm ai nai patiu pi ai. Mymy i lam patei nai kamta tako u ai. Mymy i reita leu ly Zion mawi i dengdairei py, Areng i leu pei nai ly Jerusalem mary i dengdairei py, ang tym nai ne,” nanai thui u.

MIKHA 4:3

Kamlo kangsara y awm nai atho awm nai prichi i, ka-jo ka-thuichi padyh padawi pi ai. Nichi ly mymychi i akeibochi, li thawn tamochi palawn ai nai py, tivichi ai changpi kalei nai akeichi palawn ai nai py thip u ai. Pri tengtawi tavai atiu bi ai ny y. Tavai atiu ai nai angveirym nai py, awm bi ai ny y.

HAKAI 2:7

Khumi cheng cheaungkhangchi ai taphra pawn ai. Huni khumichi i muku tangka, yhmtheaungchi ai, hini meingtym y khumichi ai syn hai ai. Achura yhm py muku tangka, yhmtheaungchi hawi kawi naimy awm ai, nanai ati cheaungkhang sa thai nai Areng my leu pei bo.

ZEKHARIAH 14:16

Naibaly Jerusalem mary ai tiu u nai khumichi theung i, dei kamthum khumi bawibawichi ly ati cheaungkhang sa thai nai Areng i peang nai anui y awm u iy, mymy ai chiu u ai nai py, Taichy Pawi sa u ai nai py, huni mary y saneng tleirei tym u ai.

ZEKHARIAH 8:21

Mary harei i khumichi ly takhra mary harei i khumichi teng y, ‘Kaichi ly ati cheaungkhang sa thai nai Areng teng y chei i chiu sa iy, mymy teng i amtheaung naira hnei u sina; kaichi hawi vanrei abang u!’ nanai thui ai.

KALATIA 3:8

Naibaly Tameuh i cha-iu ly Tameuh ly ym naira deaungkho y Cheng Takhrachi ai ly eaung hai ai, nanai pany hai rym i, “Nangmy y ly cheng cheaungkhangchi ly amtheaung hai naira nga ai,” nanai Abraham teng y Satang Kahawi thui pi yb bo.

AMTENG HAI NAI 15:4

Aw Areng, nang i amyn tahm khai y nai hawi palo y nai py ami awm ai mo? Nang leaungrei chai khyh; Nang i atiti kahawi sa naichi ly amteng hai nai deaungkho y, Cheng bawibawichi ly na i mo y tym iy ang chiu u ai,” nanai napi.

AMTENG HAI NAI 21:24

Naibaly cheng cheaungkhangchi ly huni kangvang y ly aleaung u ai i, khaileaung pri i samrangchi ly mymychi i tahm asang naira ly huni teng y tym hai ai.