ZEKHARIAH 7:5 - Khumi Common Language Bible

⁵ Mymy ly “Mipuichi hawi pathyp pi nai keungchi ly saneng vui saryh ryrei, pa-ngo lo hawi saryh lo theung y biu hai iy, paleung si nai ka-ma-ra patei u nai ly kai ai tahm pasang nai ny y.

ZEKHARIAH 7:5 ပူးပေါင်းရင်းမြစ်များ

2 ARENG KEH 25:23

Huni satang thai u nai khala y, tamawi aseih y nai Juda tavai luchi hawi risachi ly Mizapa mary y awm nai Kedalia teng y tym u. Huni tavai luchi ly Nethaniah i chapo Ismaela, Kareah i chapo Johanan, Netopha mary i Tanhumeth i chapo Seraiah hawi Maaka mary i khumi Jezaniachi ne.

2 ARENG KEH 25:25

Na i py saryh lo tym nai khala, samrang amjy theung i Elishama i katu, Nathania i chapo Ismaela ly khumi leaung horeichi hawi Mizapa mary y chei iy, tiu i padei vui bo. Ni ly Kedalia hawi vanrei awm nai Israela chengchi hawi Babulon chengchi ai py padei nai ne.

ISAIA 43:23

Nangchi ly leng patlum ai nai beramchi, kai teng y syn u y. Nangchi i kapathyprachi hawi palo nai ly kai ai ny y. Kai ly katalamrachi kang hnei nai molam y, nangchi ai mynji kang tleang hai y leang. Mui katuichi kang hnei nai molam py, nangchi i paleung akawm hai y leang.

ISAIA 58:3

Huni khumichi my, “Areng ly achi ai mana khala py niu y lawh baly, achi ly ati mana nai y biu hai u ai bo? Mymy ly achi i tahm apanem nai ai pany pi y lawh baly, ati mana nai achi ly biu hai patang atyhtyh ai mo?,” napi. Areng my nichi teng y, “Meitang khyp nangchi ly biu hai nai thym khala, amy i vui kamran hau iy, nangmychi i vui kalop sa nai khumichi ai ana u bo.

JEREMIA 25:11

Hini pri verei ly phra seaungkhrang naimy awm iy, niu nai khumichi jei hyn naira lawm ai. Pri deaungpa i khumi cheng bawibawichi py, saneng vui saryh tym pa-rei Babulon samrang i miseaung y achei u ai.

JEREMIA 29:10

“Areng my, ‘Babulon mary saneng vui saryhrei chih nai khala y, kai ly nangchi ai kang khen ali teang ai. Kaimy leu adeu hai nai kamta nangmychi pri y kang pahawi ali teang ai.

JEREMIA 52:12

Babulon samrang Nebukhadnezar i peang nai saneng holai takaw, pa-ngo lo, kani horei kani y samrang y tau pei nai bangtang hawi, tamcheaungchi i tavailu areng Nebuzaradan ly Jerusalem mary theung y kun bo.

DANIELA 9:2

Ni i peang angchei nai saneng y kai, Daniela ly baibul leusaichi amtiu i, amo Jeremia teng y Areng my leu pei nai kamta, saneng vui saryh tym pa-rei, Jerusalem mary phra ai nai satangchi adawn pasym bo.

HOSEA 7:14

Nichi ly ym tatang nai paleung hawi chiu so u y. Amymy ai atlym hai iy, aeu naimy tangam u bo. Nichi ly choh bai palo hawi kreip hang nga ai nai chiu sa nai khala y, myn y chiu nai khumichi kamta, amymy ai tamo kalem nga hai iy, hnei takeng reng. Nichi ly kai ai tiu u lawh ly!

ZEKHARIAH 1:12

Naibaly kani pri amtaw thau nai my, “Aw ati cheaungkhang sa thai nai Areng, Jerusalem mary hawi Juda marychi ai nang i kado theu nai ly saneng vui saryhrei awm bo; huni marychi ai pahen y naimy, mana tanrei awm jo ai mo?,” napi.

ZEKHARIAH 7:4

Hini ly kai teng y Areng my pei nai leu ne.

ZEKHARIAH 7:6

Cha pawi, nei pawi sa u nai py, mymychi kangai dam ai nai teu,” napi.

ZEKHARIAH 8:19

Palyh lo, pa-ngo lo, saryh lo hawi lo horei khala y sa nai biu hai nai pawichi ly Juda khumichi i vui amo theu naira lawm ai. Nangchi ly kateng lam hawi tlamsa naira ngai ai nai tla,” napi.

MATTHAI 23:5

Nichi i atiti sa nai bawibawi ly khumi i ka-niu y sa nai teu; nichi ly la-phawi vui bei kalen sa i kanih tawn py len parai sa;

MATTHAI 6:16

“Naibaly nangchi ly biu hai nai neng khala y py tapawp nai khumichi i kamta meimai takhui sui nai awm u moh; nichi ly khumichi i mei ka-niu y biu hai nai amny thai ai nai mymychi i meimai aneaung hai run lawh. Meitang khyp kang thui pi, nichi ly mymychi i kawn nai vang nga be veng bo.

MATTHAI 6:2

Hunaibaly nang ly amichi teng y atiti pei baly khumichi i palo naira nga thai ai nai, tapawp nai khumichi i achura yhm hawi lam y sa reng nai kamta ly nang i mo y baw eng hai reng moh. Meitang khyp kang thui pi, nichi ly mymychi i kawn nai vang nga be veng bo.

MATTHAI 6:5

“Naibaly nangchi ly chiu sa khala y tapawp naichi i kamta sa ai nai tlo y: nichi ly khumichi my niu thai ai nai achura yhm y hawi lam kangpreira y py angdo nai tarawi y chiu sa ai nai ngai parai lawh. Meitang khyp kang thui pi, nichi ly mychi i kawn nai vang nga be veng bo.

I KORINTH 10:31

Hunaibaly nangchi cha i py nei i py, nangchi i sa nai ngierei y py Tameuh ai palo ai nai so u bebe.

II KORINTH 5:15

hunaibaly heng naichi ly amymy i vui y heng nai ny y leang bo, nichi i jeng y dei nai hawi angthau bi naii vui y heng u lawh thai ai nai, mymy ly bawibawichi i dei ai nai jeng y dei nai ne.

KOLOSA 3:23

Mymy i tavawi tha nai, yhmtheaung amtym ai nai ly Areng teng i dengdairei nga ai nai pany u iy, nangchi i sa nai ngierei ly khumi i vui kamta so y naimy,