ZEKHARIAH 7:14 - Khumi Common Language Bible

¹⁴ Ali kamchai kamta aho hai iy, pri takhra mang y ahei hai pawn bo. Hini hawi nai pri py, khumi angso savai tlang nai meingtym lawm vui bo,” napi.

ZEKHARIAH 7:14 ပူးပေါင်းရင်းမြစ်များ

2 NENG SATANG 36:21

Na i py amo Jeremia dengdairei Areng my thui pi nai leu angym hai nai ly “Anawn kani y ja yvui lawh nai y, pany jo ai nai molam, huni pri y saneng vui saryhrei, khumi angso savai angau ai,” napi.

SAM 58:9

Nichi ly athang khai y nai neng khala y acha keungchi kamta, ateng pawn nai avum u bo; Tameuh ly khri pa-rei kado theu nai deaungkho y, nichi ai tama hai pawn ai.

ISAIA 17:13

Huni pri i khumichi ly tui sampyhchi kamta, athorei my mo mang y lyn u bo. Na i py Tameuh my nichi deaungkho y khrikhri pa-rei thui parip nai khala y, nichi ly mawi para ra i spryhchi kamta py, ali tengkalengra y akheang nai choh-ali kamta py, athawn u veng bo.

ISAIA 21:1

Hini leu pei nai ly Babulon mary i vui ne. Khutaha daichi ka-ym theung y aho prei nai ali tengkaleng kamta, ka-jeira ly jei hawi parai nai pri mang dengdairei ang tym ai.

ISAIA 60:15

“Nang ly khumi angso savai tlang iy nyn va nai niu ngai y naira avum nai mary lawm y leang bo. Kai ly nang ai nang parai iy apu parai nai, deungtasarei amo theu ai hawi nai mary lawm hai ai.

ISAIA 66:15

Areng ly mai kangveaung atang iy ang jeu ai. Mymy ly my i kado theu hai nai khumichi ai pajeng ai nai, ali lengli atang iy ang jeu ai.

JEREMIA 12:10

Cheng takhra samrangchi malawn py, kai i kreip akho taphra u nai ne. Nichi ly kai i li hlauchi ai chiu u piupa veng bo. Apu parai nai kai i pri nai tui by y nai daichi ka-vym lawm hai u bo.

JEREMIA 23:19

Mymy i kado theu naira ly khumi hawi y naichi i lu y aho nai ali kamchai hawi atawm nai ne.

JEREMIA 30:23

Mymy i kado theu nai ly khumi kamngochi i lu y aho nai ali kamchai hawi atawm. Huni kado theu naira ly mymy i sa ai tau nai ngiereichi so angym pajau y ryrei ly rym ai ny y. Hinichi ai mymy i khumichi ly mo mang i neng kani y, chaipyn naimy pany u ai.

JEREMIA 36:19

Naibaly samrang i bangtangchi my, “Nang hawi Jeremia ly preang iy aheu hawi ai nai tla. Nangni i awm naira ly ami ai py pany hai moh,” nanai Baru teng y thui pi u bo.

JEREMIA 44:6

Hunai deaungkho y kai ly Juda marychi hawi Jerusalem lamchi salo y, kai i kado theu naira kaleih iy, huni marychi ai mai kang hai ai. Huni marychi ly phra seaungkhrang naimy awm iy, vaini niu nai kamta khumichi i mei ka-niu y ka-jeira lawm bo.

JEREMIA 5:15

Areng my Israela mipuichi teng y, “Kai ly nangchi ai tiu hai ai nai pri kamlora i khumi kamkawm harei kang hawi ai. Nichi ly atho len iy jangni jangkhawn i khumi cheng, nangchi pany thai y nai leu katheu nai khumi cheng ne.

JEREMIA 52:30

samrang lyn nai apom phai thomrei saneng y Nebuzaradan my hawi nai leaung chungvai saryh taja vui palyh pa-ngo leaung pangrei ne i, bawibawi ly leaung sang palyh pa-ngo chungvai tariurei ne.

Ezekiela 12:19

Sa thai naira awm nai Areng my pei nai hini leu ai ly Israela pri Jerusalem mary y vai, awm u rai nai khumichi i vui ne, nanai thui pi. Huni khumichi ly kaso theu naimy teicha teinei cha u ai nai tla ai i, jei hyn naimy tui py nei u ai nai tla ai. Khumi luteng ly reita leu ai pipi dawn y nai deaungkho y, nichi i pri ai khumi angso savai tlang nai lawm hai ai.

Ezekiela 22:15

Kai ly nang i khumichi ai pri tleirei hawi, khumi cheng cheaungkhangchi theung y ahei hai iy, nang i hawi y sa naichi anawn hai ai.

Ezekiela 5:10

Naibaly Jerusalem mary i amhm ampochi ly mymychi i cho chanauchi ngan cha u ai; cho chanauchi my py mychi i amhm ampochi i ngan cha u teang ai. Nangchi i dei kamthumchi ai py kai ly pajeng iy, meingtym tleirei y ahei hai ai.”

DANIELA 8:9

Huni taki palyhrei theung i taki hareira y, taki kangti harei sai. Huni taki kangti ly tokalawi ngan, nisi ngan hawi adeu nai pri mang y khrairei, sa thai naira awm nai ne.

HOSEA 9:17

Nichi ly kai i chiu nai Tameuh i leu tangai u y nai deaungkho y, mymy ly nichi ai khai su ai. Nichi ly pri takhrachira y amki naimy awm u ai.

JOELA 2:3

Akhu-tamachi ly amti amjangchi ai mai kamta cha bo. Khaileaung ly nichi i mo y Eden akho hawi atawm iy, nichi i lawi ly amti amjang by y nai, khutaha meingtym hawi atawm. Nichi teng i dengdairei law tleaung nai amti amjang, nanai by y.

Levi 26:22

Kai ly nangchi i awm naira y mawi kasichi kapato ai i, nangchi i cho chanauchi, si, beramchi ai kei hai ai. Khumi maidenreichy awm khyh nai y, aki aleaung nai khumi angso awm ai ny y.

Levi 26:33

Kai ly nangchi teng y tavai takai tym hai iy, nangchi ai pri takhra mang y ahei hai ai. Nangchi i pri ly khumi angso by y iy nangchi i marychi py phra seaungkhrang ai.

AMOS 1:14

Hunai deaungkho y kai ly Rabah mary apaichi salo y mai kani nai hai iy, Rabah amtangra yhmchi ai maidym satlawi palawn vui ai. Naibaly tavai atiu nai kani y aeu nai katyn amsau nai thai iy, atiu nai ly ali kamchai kamta, khri pa-rei ho na ai.

NAHUM 1:3

Areng ly kado theu praw vai y leang; na i py mymy ly sa thai naira awm iy kamngo awm nai khumichi ai pajeng y naimy mana khala py khai su y leang. Areng i chei naira tleirei y, ali kamchai theu reng; khupanymchi ly mymy kheu anui i spryhchi ne.

HABAKKUK 3:14

Nang i thailiho chyn ly tavailu areng ai ko nai pri leu vui bo. Ni i tavaimi kamkawm ly ali kamchai kamta, kaichi ai hm pawn ai nai ang jeu u. Nichi ly khumi kamawnchi ai ana pumpi nai khumichi kamta, khri pa-rei paleung ateng hai u bo.

ZEPHANIAH 3:6

Areng my, “Kai ly khumi cheaungkhangchi ai, kataphra be veng bo. Nichi i marychi ai kataphra pawn iy, mary apaichi, amtangrachi ai py phra seaungkhrang hai bo. Marychi ly khumi angso savai tlang iy, lamchi ra py aleaung ali nai by y, khumi leaungrei py by y leang bo.

ZEKHARIAH 2:6

Areng my mymy i khumichi teng y, “Kai ly nangchi ai pri tleirei y ahei hai bo. Na i py nangchi pri pala naira avum nai khumichi awi, vai, nangchi ly Babulon pri dengdairei preang iy, Jerusalem mary y vawi u teang.

ZEKHARIAH 8:1

Ati cheaungkhang sa thai nai Areng i leu ly Zekhariah teng y tym.

ZEKHARIAH 9:14

Areng ly mymy i khumichi awm naira y jeu iy, thailihochi hawi amlosadi theu nai kamta ko ai. Kani pri tavai luchi i Areng ly baw eng iy, tokalawi mang aho nai ali kamchai hawi vanrei, ang jeu ai.

Leu Thui Nai 28:33

Nangchi kalop sa akawm parai naimy pati nai amti amjang bawibawichi ai pri takhra i khumichi my la pi vui ai. Nangchi ly ana panang nai bo baly ati sai py ngo u y ai.

Leu Thui Nai 28:49

Areng ly nangchi ai tiu hai ai nai nangchi hawi leu atlyh y nai khaileaung pri katemra i khumi cheng harei ang tym hai ai. Huni khumichi ly ahmtlau my ni nai kamta, nangchi ai ang tiu ai.

Leu Thui Nai 28:64

“Areng my nangchi ai khaileaung pri khuteng taki y tym pa-rei, khumi cheng cheaungkhangchi theung y ahei hai ai. Huna nai khala nangchi hawi nangmychi i amsi pajochi chiu vai y nai dengkeaung, lengseaungchi hawi sa nai tameuhchi chiu u ai.

Leu Thui Nai 4:27

Areng ly nangchi ai pri tleirei y ahei hai ai; huni pri y nangchi i khumi maidenreichy naini heng u ai.