ZEKHARIAH 7:13 - Khumi Common Language Bible

¹³ Nichi ly kai i leu pei nai tangai u y nai deaungkho y, ati cheaungkhang sa thai nai Areng ly nichi i chiu sa nai raawi tangai pi y.

ZEKHARIAH 7:13 ပူးပေါင်းရင်းမြစ်များ

LEU KACHENG 21:13

Khumi kamawnchi i vo tangam nai raawi thai ai nai ngai y nai khumi ly mymy naimy kasabawmra hnei nai, vo tangam nai khala ly ami py thai ai ny y.

LEU KACHENG 28:9

Reita leu pei naichi ai tangai y nai khumi i chiu sa nai ly Tameuh my paso ai.

ISAIA 1:15

“Nangchi kiu pheu iy chiu sa u nai khala y, kai ly nangchi mang y hi iy kang khen pi ai ny y. Nangchi i kiuchi ly kamngo thi akau nai deaungkho y, nangchi mana tanrei ham parai naimy chiu sa u teu i py, kang tangai pi ai ny y leang.

ISAIA 50:2

Kai ly kaimy i khumichi ai atleu ai nai jeu nai thym khala y, ati mana nai y nichi ly kai ai ka-vum so u y lawh mo? Kaimy palau nai khala, ati mana nai y pathang u y lawh mo? Kai ly nichi ai atleu pajau y na pa-rei, atho di nai sai a? Kaimy pangli ai leu pei baly tui kang hai pajau. Tavochi ai khutaha daichi ka-vym lawm hai vui pajau nai ne. Huni tavochi ra y tui by y nai deaungkho y, ngochi ly dei be bo.

JEREMIA 11:10

Kai i leu tangai y naichi ly mychi i amsi pajochi i sa nai kamngochi sa u ali teang bo. Nichi ly tameuh takhrachi ai chiu u lawh. Israela chengchi hawi Juda chengchi ly kai hawi mychi i amsi pajochi asa nai Leu Maikawm ai taphra u mei nai ne.

JEREMIA 11:11

Hunai deaungkho y nichi i tlang tleaung y kaimy tym hai ai nai ka-jeira i nai, nichi ly law tleaung u ai ny y, nanai kai Areng my pany hai bo. Kasabawmra nga ai nai nichi aeu u nai khala py, kaimy pathang pi ai ny y.

JEREMIA 11:14

Jeremia awi, huni khumichi i vui hawi nichi i jeng y takeng pi moh; ahui py ahui pi moh; chiu py so pi moh. Nichi patang naira avum nai khala, sabawm ai nai kai teng y aeu u teu i py, kai ly katangai pi ai ny y,” napi.

JEREMIA 14:12

Nichi ly biu hai naimy kasabawmra hnei takeng teu i malawn py, kai ly khumichi i aeu nai raawi katangai pi ai ny y. Nichi ly kai teng y leng patlum nai kapathypra hawi katalamrachi talam i py, kai ly kawn pi ai ny y. Huna nai kakawn pi ai nai tleaung y ly tavai keung y dei hai ai. Takang theu hai iy no kanghawi y dei hai asi,” napi.

JEREMIA 14:2

“Juda pri ly vo tangam naimy awm; Juda marychi ly paha naimy awm bo. Huni mary i khumichi ly paleung mawn nai deaungkho y, khaileaung y jawn u na bo. Jerusalem mary ly aeu iy kasabawmra hnei u bo.

JEREMIA 7:27

“Hunai deaungkho y Jeremia awi, nang ly hini leuchi ai nichi teng y thui pi keng teu i py, nichi tangai u ai ny y. Nang ly nichi ai palau teu i py, nichi ly pathang u ai ny y.

TANGAM NAI LEU 3:44

Kaichi i chiu sa nai ly kado theu naira veng nanai khupanym ai, ta-i pajau y.

Ezekiela 14:3

Mymy ly “Nang khumicho awi, hini khumichi ly mynchira y paleung apei u nai y, huni mynchi my nichi ai tamang hai bo. Nichi ly kai teng i leu pathang nai nga u ai nai athang khai u a?

Ezekiela 20:3

Mymy ly “Nang khumicho awi, nang ly nichi ai, ‘Nangchi ly sa thai naira angym nai kai Areng i kangai deng ai nai jeu u nai a? Kai ly Tameuh kangheng ne nai deaungkho y, nangchi i deng nai ngiereichi kang pathang pi ai ny y. Huni ly sa thai naira angym nai kai, Areng i leu ne,’ nanai leu pei nai amti pi.

Ezekiela 8:18

Nichi ly dengkeaung changpi ai notareangra y bi naimy kai ai mei aniu y nai sa nai ly khen cham; nichi ly kai i khri pa-rei kado theu naira angym pa-rei avum u ai. Kai ly nichi ai kangheng patleaung ai ny y; mana mo i py kapahen ai ny y. Nichi ly kai teng y tao pajeng parai naimy aeu iy chiu sa u teu i py, kai ly kapathang pi ai ny y,” napi.

MIKHA 3:4

Nangchi ly Areng teng y vo naimy hnei takeng nai neng tym ai. Na i py mymy ly nangchi ai pathang pi ai ny y. Nangchi ly hawi y naira sa nai deaungkho y, mymy ly nangchi i hnei takeng nai raawi tangai pi ai ny y.

LUKA 13:25

Yhmkeung my angthau iy katheu kho veng nai bo y nangchi ly angam mang y angdo iy, ‘Areng, peaung pi kyh,’ nanai katheu y takhei nai khala y ni my ly, ‘Nangchi ma mang i awm nai mo kang pany kang pacha y leang,’ nanai ang pathang ai;

JAKOB 4:3

Nangchi hnei, na i py nangchi i hnei nai teng y nai deaungkho y ngo y, nangmychi i ngai phi teng y naira y teaung ai nai tau lawh nai y.