ZEKHARIAH 7:12 - Khumi Common Language Bible

¹² Mychi i paleung ai lengseaung kamta tang hai u bo. Ati mana nai mo na baly jangni i amochi dengdairei leu pei naichi tangai y nai deaungkho y, ati cheaungkhang sa thai nai Areng ly khri pa-rei kado theu nai ne.

ZEKHARIAH 7:12 ပူးပေါင်းရင်းမြစ်များ

2 NENG SATANG 36:13

Zedekiah ly samrang Nebukhadnezar ai tiu. Nebukhadnezar ly mymy tlang tleaung y ka-ym awm ai nai, ni ai athorei my Tameuh i amyn y, vaineng abeu hai bo. Zedekiah ly paleung tang i uikheih y. Israela chengchi i Areng Tameuh teng y ali teang y naimy awm bo.

2 NENG SATANG 36:16

Na i py nichi ly Tameuh i amtaw thauchi ai panui hai iy, leu pei nai tangai u y. Amochi ai panui hai u bo. Na i py kangkhym y Areng ly khri pa-rei kado theu nai deaungkho y, nichi tleaung pajau ai nai pei y.

JOBA 9:4

Tameuh i cheng naira hawi sa thai naira ly len parai nai deaungkho y, ami py mymy ai tiu pajau ai ny y.

SAM 50:17

Nang ly kaimy kang thui kang parip nai ngai y lawh; kai i reita leu pei nai khai su bo.

THEU NAI 7:13

Samrang ly Areng my thui yb nai kamta paleung tang i, Mosi nini Aron i leu py tangai pi y nai ne.

ISAIA 46:12

Kaichi law tleaung ai nai neng ly palo rai, nanai thui nai khumi, nangchi paleung tang nai khumichi awi, kai i thui nai leu tangai u.

ISAIA 48:4

Nangchi ly tamo kamta tang naimy kheupaja kamta khri pa-rei tang iy, paleung tang u ai, nanai kapany.

ISAIA 6:10

Naibaly mymy ly “Hini khumichi i paleung ly deitup naimy, nichi i kanochi ly pang naimy, meichi py paju naimy awm pa-rei so. Huna khala naini nichi ly niu pajau y, thai pajau y, pany thai y naimy awm u ai. Nichi ly niu pajau, thai pajau, pany thai pajau lawh ai nabaly, mymychi phailo mang i no-nachi tama ai nai kai teng y ali u teang ai,” nanai kai ai leu pei bo.

ISAIA 65:12

haisau hawi tleh nai avum ai. Nangchi ly kaimy palau nai khala y pathang u y. Kaimy kang thui nai khala py tangai u y. Nangchi ly kai i mo y hawi y naira sa naimy, kai i ngai y nairachi sa u lawh bo.

JEREMIA 17:1

Areng my, “Juda khumichi awi, nangchi i kamngo ai tamo chakaleaung hawi tajiu typ bo. Huni kamngo ai nangchi i paleung pheira y meaung y cheng tai nai chakaleaung hawi tajiu typ iy, nangchi i maicham takichira y thiu pi yb bo.

JEREMIA 17:23

Nichi i amsi pajochi ly kai i leu tangai u y. Nichi ly paleung tang naimy kai i leu ngai u y. Kai i parip nai py ngai u y.

JEREMIA 26:19

Juda samrang Hezekia hawi khumichi ly Mikha ai padei u y. Huna nai padei ai nai tleaung y Hezekia ly Areng ai jei nai deaungkho y, mymy i kangai sa ai nai atho sa nai ne. Huna nai khala y Areng ly nichi i tlang tleaung y ka-jeira tym hai ai, nanai leu pei yb teu i py, mymy i paleung amtlau hai bo. Vai achi ly amychi i tlang tleaung y jei ai hawi parai nai ka-jeira tym ai nai sa u lawh ly” napi u bo.

JEREMIA 42:21

Vai ly nangchi teng y kang thui pi chum veng bo. Na i py nangchi ly nangmychi i Areng Tameuh my kai ai pato iy, thui hai nai leu pei nai ngiereichi akhi u nai ne.

JEREMIA 5:3

Areng ly ka-ym awm nai ai ngai nai ne. Mymy ly nangchi ai pajeng teu i py, nangchi ly dawndan u y. Taphra i py thui parip nai nangchi ly tangai u y. Nangchi i paleung ly lengseaung tleaung py tang u i, uikheih y.

JEREMIA 7:20

Hunai deaungkho y kai i Areng ly kaimy i khri pa-rei kado theu nai ai, hini Achura yhm y kaleih ai. Khumichi hawi tawnbawichi tlang tleaung y py, dengkeaungchi hawi amti amjangchi salo y py kaleih ai. Kai i kado theu nai ly ami py pathym pajau y nai mai hawi atawm ai.

Ezekiela 11:19

Nichi ai paleung adyh adawi hai iy paleung kangtha hawi ka-dawn kangtha kapei ai. Kai ly nichi i lengseaung kamta tang nanai paleung la pi vui iy, leu atangai nai paleung kapei ai.

Ezekiela 14:5

Huni mynchi ly Israela chengchi ai kai hawi akhan hai bo. Na i py nichi ly kai i pathang pi nai deaungkho y, kai i tlang tleaung y ka-ym awm u ali teang ai.

Ezekiela 2:4

Nichi ly paleung tang iy kai ai tahm khai u y; kai ati cheaungkhang sa thai nai Areng my ati thui pi nai mo, nanai nichi teng y amti pi ai nai nang ai, nichi theung y kang pato ai.

Ezekiela 36:26

Kai ly nangchi ai paleung kangtha hawi ka-dawn kangtha kang pei ai. Nangchi theung i lengseaung kamta tang nai paleung la vui iy, leu tangai nai paleung kang pei ai.

ZEKHARIAH 1:2

Ati cheaungkhang sa thai nai Areng my Zekhariah teng y, “Kai, Areng ly nangchi i amsi pajochi ai, khri pa-rei kado theu hai bo.

ZEKHARIAH 7:7

Hini ly Jerusalem mary nang chawn nai neng khala y, jangni amochi deung y Areng my pei nai leu ne. Huna nai khala mary sahawi i avangchira y naini, khumi neangneang awm u nai ny y. Tokalawi ngan mang y hawi nidym ngan mang i mawi kheutangchira y py awm u nai ne.

MATTHAI 13:15

Ati mana nai mo nabaly hini chengchi i paleung ly kyh chawn veng bo, Nichi i kano py pang panang veng i, Nichi i mei py pasym teang. Ti y baly nichi i mei my niu lawh iy, Nichi i kano my thai lawh ai i, Nichi i paleung my pany thai lawh ai, Naibaly nichi ly hi ali teang lawh iy Nichi ai hawi kaso pi vui lawh na,’ napi.

MARKA 4:12

hunaibaly nichi ly niu mang ly niu thai u ai i, dawn naira pipi pany y ai: kano y py thai u ai i, pipi pany thai y ai: ti y baly nichi ly hi ali teang ai i pahen naira ngo u vui lawh na,” napi.

LUKA 8:12

Naibaly lam teng y tla naichi ly leu thai naichi ne, naibaly diabola ly jeu i, nichi ly ym y iy pahengra ngo thai y ai nai, nichi i paleung theung i nai leu la pi praw veng.

AMTAW 28:27

hini chengchi i paleung ly kyh chawn veng bo i, Nichi i kano py pang panang veng i, Mychi i mei py pasym teang; Ti y baly nichi i mei my niu lawh iy, Nichi i kano my thai lawh ai i, Nichi i paleung my pany thai lawh ai. Naibaly nichi ly ali teang lawh iy Kai ly nichi ai hawi so pi vui lawh na,’ nanai napi nai ly.

II PETERA 1:21

Thui rym nai leu ha py khumi i kangai y theu vai y leang: huni ny y naimy Phailo Kachai my khumichi ai dawn hai iy Tameuh teng i dengdairei thui nai ne.