ZEKHARIAH 7:11 - Khumi Common Language Bible

¹¹ “Na i py kai i khumichi ly dawndan u y naimy, paleung tang u i, kai i leu tangai u y. Nichi ly mychi i kano tamym u.

ZEKHARIAH 7:11 ပူးပေါင်းရင်းမြစ်များ

2 NENG SATANG 33:10

Areng my Manase hawi khumi mipuichi ai pany hai pi teu i py, nichi ly tangai u y.

NEHEMIA 9:17

Nichi ly nang i leu tangai u y; nang i sa pi naichi tami vui; nang i patei pi nai rengrang ka-ma-rachi py pany y veng bo. Amlyh am-e naimy miseaung achei nai Aikupta pri mang y hawi ali teang ai nai lu sa nai leaungrei ai vawi takhra u nai ne. Na i py nang ly kamngochi pahen pi nai Tameuh ne; neaung hawi iy paleung sau. Pahen naira ly len parai nai deaungkho y, nang ly nichi ai khai su y nai ne.

NEHEMIA 9:26

“Na i py nang i khumichi ly nang ai tiu iy, nang i leu tangai u y; nichi ly nang i Reita leu pei naichi khai u su nai ne. mymychi ai pany hai nai keung, mymychi ai nang teng y ali teaung ai nai thui pi nai keung amochi ai padei u. Nichi ly nang i tlang tleaung y avawrei mei aniu u y nai ne.

NEHEMIA 9:29

Nang ly nangmy i parip nai leu nichi tangai ai nai pany hai bo; Reita leu pei nai patawm nai ly mymychi tlang hengra lam ne i py, nichi ly amlyh am-e naimy nang i leuchi khai u su nai ne. Nichi ly khri pa-rei paleung tang nai y, nang i leu tangai y naimy awm u.

THEU NAI 10:3

Mosi nini Aron ly samrang teng y chei i ni teng y, “Hebrai chengchi i Areng Tameuh my, ‘Kai i khumichi ly kai ai chiu u ai nai molam y nang ly akhi veangveang ai bo a?,’ ” napi.

ISAIA 28:12

Mymy ly nangchi ai chymme naimy awm ai nai pei teu i py, nangchi ly mymy i leu tangai u y.

ISAIA 46:12

Kaichi law tleaung ai nai neng ly palo rai, nanai thui nai khumi, nangchi paleung tang nai khumichi awi, kai i thui nai leu tangai u.

ISAIA 6:10

Naibaly mymy ly “Hini khumichi i paleung ly deitup naimy, nichi i kanochi ly pang naimy, meichi py paju naimy awm pa-rei so. Huna khala naini nichi ly niu pajau y, thai pajau y, pany thai y naimy awm u ai. Nichi ly niu pajau, thai pajau, pany thai pajau lawh ai nabaly, mymychi phailo mang i no-nachi tama ai nai kai teng y ali u teang ai,” nanai kai ai leu pei bo.

ISAIA 65:12

haisau hawi tleh nai avum ai. Nangchi ly kaimy palau nai khala y pathang u y. Kaimy kang thui nai khala py tangai u y. Nangchi ly kai i mo y hawi y naira sa naimy, kai i ngai y nairachi sa u lawh bo.

JEREMIA 11:10

Kai i leu tangai y naichi ly mychi i amsi pajochi i sa nai kamngochi sa u ali teang bo. Nichi ly tameuh takhrachi ai chiu u lawh. Israela chengchi hawi Juda chengchi ly kai hawi mychi i amsi pajochi asa nai Leu Maikawm ai taphra u mei nai ne.

JEREMIA 13:10

Huni khumi hawi y naichi ly kai i leu tangai y; paleung tang ra i tameuh takhrachi ai chiu iy kalop sa pi u nai ne. Hunai deaungkho y teaung ai ngo y nai akeng kawm nina kamta lawm u ai.

JEREMIA 17:23

Nichi i amsi pajochi ly kai i leu tangai u y. Nichi ly paleung tang naimy kai i leu ngai u y. Kai i parip nai py ngai u y.

JEREMIA 17:27

Na i py nichi ly kai i leu tangai y, Anawn kani ai khai takhra nai kani palawn iy teaung patawm y naimy huni kani y, Jerusalem mary katheu pa-khochi tako prei naimy, mani vawnsaichi py tawn pajau y. Tawn u lawh teu baly kai ly Jerusalem mary katheu pa-khochi mai leng vui ai. Huni mai ly Jerusalem mary i samrang yhm y kang hai ai. Huni mai ai ami py pathym u pajau ai ny y,” napi.

JEREMIA 19:15

Israela chengchi i Tameuh, ati cheaungkhang sa thai nai keung Areng my, “Nangchi ly paleung tang iy kai i leu tangai u y. Hunai deaungkho y hini mary hawi tengpang i marychi tlang tleaung y, jangni y thui yb nai kamta, pajeng naira tym hai ai,” nanai leu pei nai nichi teng y thui pi bo.

JEREMIA 35:15

Kai ly kaimy i miseaung amochi ai kang pato pi veangveang bo. Nichi my py nangchi ai nangmychi i hawi y naichi khai su iy, kahawi sa u ai nai ang thui pi bo. Nangchi ly nangmychi i amsi pajochi teng y kaimy pei nai pri y awm u jojo ai nai deaungkho y, tameuh takhrachi ai chiu u y ai nai, nangchi ai kang pany hai nai ne. Na i py nangchi ly kai i leu tangai u y, kai ai py tahm khai u y.

JEREMIA 36:31

Nangchi i sa tamang nai kamngochi deaungkho y, kai ly nang hawi nang i katu chanauchi ai, nang i bangtangchi hawi vanrei kapajeng ai. Nang hawi Jerusalem mary i khumichi, Juda khumichi ly kaimy pany hai naichi ai tahm khai u y. Hunai deaungkho y kai ly kaimy kang pajei, kang pahyn nai ka-jeira ai nangchi i tlang tleaung y kang tym hai ai, nanai leu pei nai amti pi,” napi.

JEREMIA 42:21

Vai ly nangchi teng y kang thui pi chum veng bo. Na i py nangchi ly nangmychi i Areng Tameuh my kai ai pato iy, thui hai nai leu pei nai ngiereichi akhi u nai ne.

JEREMIA 44:16

“Areng i amyn y nang i thui nai leuchi ly kaichi tangai ai nai ngai y.

JEREMIA 5:21

Mei awm ta-jai iy niu thai y, kano awm ta-jai iy thai y nai khumi, nangchi khumi ka-khumchi awi, tangai u.

JEREMIA 5:3

Areng ly ka-ym awm nai ai ngai nai ne. Mymy ly nangchi ai pajeng teu i py, nangchi ly dawndan u y. Taphra i py thui parip nai nangchi ly tangai u y. Nangchi i paleung ly lengseaung tleaung py tang u i, uikheih y.

JEREMIA 7:24

Na i py nichi ly kai i leu tangai y, tahm py khai u y. Nichi ly mychi i hawi y nai paleung katangra i theu nai ka-dawnchi kamta sa u. Nichi ly hawi ai nai tleaung y ly hawi y kehra bo.

JEREMIA 7:26

Na i py nangchi ly kai i leu tangai y, tahm py khai u y. Nangchi ly nangmychi i amsi pajochi tleaung y malawn py paleung tang iy, tiu ai ngai nai khumichi lawm u bo.

JEREMIA 8:5

Kai i khumichi awi, nangchi ly ati mana nai y kai teng i nai amphri vui iy jeu teang y lawh mo? Nangchi ly li-tapawp naira y paleung apei thleng nai deaungkho y, kai teng y ali teang ai nai akhi u bo.

Ezekiela 14:5

Huni mynchi ly Israela chengchi ai kai hawi akhan hai bo. Na i py nichi ly kai i pathang pi nai deaungkho y, kai i tlang tleaung y ka-ym awm u ali teang ai.

Ezekiela 3:7

Na i py mani Israela khumichi ly nang i leu tangai u ai ny y. Nichi ly kai i leu ai malawn py tangai u ai ny y. Nichi bawibawi ly paleung tang iy leu atangai y nai khumichi ne.

Ezekiela 5:6

Na i py huni Jerusalem mary i khumichi ly kai i leu pei naichi tangai y iy, cheng takhrachi tleaung y malawn py hawi y keh bo. Nichi ly tengpang sahawi prichira i khumichi tleaung y py, kai i reita ai akhi u bo. Jerusalem mary i khumichi ly kai i leu pei naichi khai su iy, kai i reita py patawm u y.

DANIELA 9:5

“Kaichi ly kamngo sa tamang u. Teng y naichi kasa u lawh. Amso ngai naichi ne iy ka-awi sa u lawh bo. Kaichi ly nang i leu pei naichi khai su iy, nang i sa pi nai reitachira i nai en vui lawh bo.

HOSEA 4:16

Israela khumichi ly kry rai nai si nu tanglo kamta, paleung tang u cheng lawh. Kai ly nichi ai beram chochi kamta, sui tlai naira y mana kry pajau ai mo?

ZEPHANIAH 3:2

Huni mary ly Areng i leu pei nai tangai y. Mymy i thui pi nai reita patawm y. Mymy ai ym y. Areng teng i kasabawmra py hnei y.

ZEKHARIAH 1:4

Nangchi ly nangmychi i amsi pajochi kamta so u moh. Jangni khala i amochi ly nichi teng y hawi y nai saichi anawn u ai nai thui pi teu i py, nichi ly tangai y, dawn dan u y.

MATTHAI 13:15

Ati mana nai mo nabaly hini chengchi i paleung ly kyh chawn veng bo, Nichi i kano py pang panang veng i, Nichi i mei py pasym teang. Ti y baly nichi i mei my niu lawh iy, Nichi i kano my thai lawh ai i, Nichi i paleung my pany thai lawh ai, Naibaly nichi ly hi ali teang lawh iy Nichi ai hawi kaso pi vui lawh na,’ napi.

AMTAW 7:51

“Nangchi paleung katang hawi, paleung hawi kano takip y naichi awi, nangchi ly mana khala py Phailo Kachai ai paka jojo; nangchi i amsi sangumchi i sa nai kamta nangchi py sa u jojo.

AMTAW 7:57

Na i py nichi ly athorei my aeu i mychi i kano atamym iy vanrei my ni teng y angpreng achu mang i, avang i dengdairei patheu iy lengseaung y aphi priu:

HEBRAI 12:25

Nangchi ly leu thui pi nai keung ai ngai y lawh na, nanai amkym u. Khaileaung pri y mymychi ai tau pei nai keung ai ngai y naira y malawn py pajeng naira tleaung u pajau y baly, achi, kani mang i dengdairei tau ang pei nai keung ai hi vui nai khumichi ly tleaung pajau y nai tleaung y tleaung pajau y ra ai.