ZEKHARIAH 7:10 - Khumi Common Language Bible

¹⁰ Neampachy lumaichi, nuro nukaichochi, pri takhrachochi, ti y baly kamawn kateuchi ai ano u moh; leaung leaungrei ai, patang hai ai nai tau u moh,’ napi.

ZEKHARIAH 7:10 ပူးပေါင်းရင်းမြစ်များ

SAM 140:2

Nichi ly hawi y sa ai nai avawrei dawn u iy, ajo ai nai leu pakei u jojo.

SAM 21:11

Nichi ly samrang ai padei ai nai hawi y nai ka-dawnchi sa u. Na i py eaung ai ny y.

SAM 36:4

Ni ly ira tleaung y aseaung nai thym khala, hawi y naichi dawn tau reng; ni i sa nai ngierei ly hawi y nai cheichei ne. Ni ly hawi y nai ai mana khala py khai su y.

SAM 72:4

Samrang ly khumi kamawnchi ai adyh adawi naimy tara chih pi sy; khumi kamawnchi ai sabawm pi sy; ana pumpi nai khumichi ai pasum pi sy.

THEU NAI 23:9

“Nangchi ly Aikupta pri y angvyn kamta awm u reng nai deaungkho y, angvyn i ka-dawn pany iy nangchi i pri y angvyn lawm nai cheng takhrachi ai ano moh.

LEU KACHENG 3:29

Nang i yhm deaungpachi tlang tleaung y, no nga hai ai nai ati sai py dawn reng moh. Ni ly nang ai ym naimy, nang i sahawi y awm nai khumi ne.

ISAIA 1:23

Nang i miteaung kehchi py langmeang thau naichi, kangviu ai atho pei naichi lawm u bo. Nangchi ly un langseaungchi la u teu i py, Tara jeungra y nuro nukai chochi ai amo hai u y. Lumai cheaungtichi i ka-jo ka-thuichi ai py, tangai iy chih pi y.

JEREMIA 18:18

Huna nai khala khumichi my, “Jeremia ai paleang veng sina! Achi ai parip nai pathyp pi nai keungchi, tau pei nai khumi kachengchi hawi, Tameuh i leu thui pi nai amochi ang khai pi jojo nai ne. Jeremia ai achi my seu u sina. Ni i thui nai leu py tangai u moh sina,” nanai thui u bo.

JEREMIA 49:11

Nangchi i nurochochi ai kai teng y daw jo ly kaimy khen kry ai mang. Nangchi i neampachy lumaichi ly kai teng y abyh pajau nai ne.

JEREMIA 5:28

Bym pa-rei cha ai nai nga iy veung py hawi u bo. Nichi ly hawi y naichi ai tem-ma by y pa-rei sa u nai ne. Nuro nukaichochi ai nichi i nga ai avo nai phychi py pei pi y. Pahyp y naimy ana naira avum naichi ai py, adyh adawi hai y.

JEREMIA 7:6

Pri takhra chochi, nuro nukai chochi hawi neampachy lumaichi tlang tleaung y kho sa iy, kamran hau u moh jau. Hini kachai meingtymra y khumi kahawichi ai tleh u moh jau. Tameuh takhrachi ai chiu nai ly nangchi ai phra hai nai deaungkho y, huni chiu nai ly anawn u.

Ezekiela 18:12

Ni ly khumi kamawnchi ai py li-tapawp; ami i yhmtheaung py kamjau kamteang lawm; ka-peaung vawnsaichi py paku teang y; mynchi ai chiu iy amso ngai naichi py sa.

Ezekiela 22:12

Nang theung i nang i khumi phyreichi ly un cha iy, khumi ai padei nai keungchi lawm u bo. Phyrei khumichi ly mymychi Israela chengchi teng y tangka paseng i, kamran la iy mymychi ai nang hai u. Nichi ly kai ai tami u veng bo,” napi. Hini ly sa thai naira angym nai Areng i leu ne.

Ezekiela 22:29

Huni meingtym y awm nai khumichi ly kamjau kamteang sa iy lawm u. Nichi ly khumi kamawnchi ai ana iy, cheng takhrachi ai kamjau kamteang ana u nai ne.

Ezekiela 22:7

Nang teng y awm nai mary theung i amimi py, amhm ampo ai tahm khai nai by y. Nang teng y awm nai cheng takhra khumichi ai nang ly li-tapawp iy, neampachy lumaichi hawi nurochochi ai ana bo.

AMOS 4:1

Atho di nai khumichi hawi khumi kamawnchi ai ana iy, my i juvochi teng y kaichi nei ai nai rah jeu hai, nanai leu pei iy teicha kahawi cha ai nga nai Basan si nuchi kamta, veu hawi nai Samari neampachychi awi, hini leu tangai u.

ZEKHARIAH 8:17

Nangchi ly amy tengtawi khrukhra hai ai nai ka-dawnchi so u moh. Vaineng abeu iy ka-chawi naimy pany hai u moh. Ka-chawi thui nai, teng y nai kalop hawi kamjau kamteang sa naichi ai kai ly niu ngai y,” napi.

MALAKHI 3:5

Ati cheaungkhang sa thai nai Areng my, “Kai ly tara chih ai nai nangchi teng kang jeu iy, dawi sa kawp naichi, ami i aju chanau ai taphra naichi, teng y nai pany hai nai keungchi, amy i kalop sa pi naichi tlang tleaung y sa vang kateng pei y nai khumichi, neampachy lumai, nuro nukaicho hawi cheng takhra khumichi ai kamjau kamteang ana nai khumichi hawi kai ai tahm khai y nai khumi ngiereichi ai, vaimy pany hai ai.

MATTHAI 23:13

“Na i py nangchi Reita patiu nai keungchi hawi Pharisai tapawp naichi awi, nangchi ly taham si! Nangchi ly amichi i vui kani pri my peang naira ly kho hai tawp veng iy, nangmychi py kun u y i, kun ai naichi ai py nangchi my kun ai nai pei u y.

I KORINTH 6:10

paviu naichi mo, paleung no naichi mo, pavui naichi mo, ami mi ai jo naichi mo, um paviu naichi mo ly Tameuh i pri amtym ai ny y leang.

Leu Thui Nai 27:19

“Cheng takhrachi, nurochochi, lumai nuchi i nga ai avo naichi sum hai nai khumi ly Tameuh i amsawi lawi sy,’ nanai vaineng tauh nai khala, “Khumi bawibawichi my ‘Amen!’ nanai pathang u sy.

JAKOB 5:4

Khen cham, nangchi hlau choh tyh tham naichi ai tapawp nai pei y nai vang ly aeu; naibaly choh tyn naichi i aeu nai ly Mipuichi i Areng Tameuh i kano y kun bo.

I JOHAN 3:15

Ami py amy i amjo amnau ai niu ngai y nai ngierei ly khumi ai padei nai keung ne; naibaly khumi ai padei nai keung ami py deungtasarei hengra ni i paleung theung y awm nai ha py by y leang, nanai ly nangchi pany.