ZEKHARIAH 6:6 - Khumi Common Language Bible

⁶ Keaungngo kamnumchi my ryh nai keaungngo ka-ri ly tosyh Babulon pri mang y, keaungngo kangleungchi my ryh nai keaungngo ka-ri ly nidym mang y, keaungngo kariurachi my ryh nai keaungngo ka-ri ly tokalawi mang y chei u nai ne.

ZEKHARIAH 6:6 ပူးပေါင်းရင်းမြစ်များ

ISAIA 30:6

Tameuh i hini leu pei nai ly tokalawi mang daichi ka-vymra y awm nai, daichi mawichi i vui ne. Mymy ly “Savaichi ly khrangsichi aeung nai meingtym, pavui kangsochi, naka kangkheangchi awm iy ka-jeira nawi nai meingtym y tako u prei nai ne. Huni khumichi ly mymychi ai ati kasabawmra py pei pajau y nai khumi cheng i vui y, vang kateng langseaungchi ai keaungngo kano kasauchi, kula-iuchi hawi tang iy syn u bo.

ISAIA 43:6

Nichi theu u ai nai tosyh mang py, nichi ai paka y ai nai tokalawi mang py, kaimy thuipi ai. Khaileaung pri meingtym tleirei y awm nai pri kamlora i, kai i khumichi vawi u ali teang ai.

JEREMIA 25:9

‘Kai ly tosyh mang i khumi chengchi hawi, kai i miseaung Babulon samrang Nebukhadnezar ai palau iy, Juda pri khumi bawibawichi hawi, pri deaungpa i khumi cheng bawibawichi ai tiu hai ai. Kai ly hunichi ai taphra iy phra seaungkhrang hai jojo nai deaungkho y, niu naichi ly jei naimy kaso tahyn theu u ai. Hini ly kai, Areng i thui nai leu ne.

JEREMIA 4:6

Zion mary mang y chei tapai u! Chymme naira mang y angpreng u! Patyh u moh! Areng my khri pa-rei phra naira hawi ka-jeira ai tosyh mang dengdairei ang tym hai ai.

JEREMIA 46:10

Vaini ly ati cheaungkhang sa thai nai keung Areng i kani ne. Mymy ly vaini my vawitheung tha ai. Mymy ly paleung ka-echi ai vaini my pajeng ai. Mymy i haisau ly nichi ngan bym pa-rei cha iy nichi i thi bym pa-rei nei ai. Vaini ati cheaungkhang sa thai nai keung ly Euphrat tavo sahawi tosyh ngan mang y, tawnbawichi apathyp nai ne.

JEREMIA 51:48

Tosyh ngan mang jeu iy tiu nai khumichi i kiu theung y Babulon mary tym vui nai khala, khaileaung salo y py, kani khusangra py, awm nai ngiereichi ly amo theu nai deaungkho y aeu u sau ai.

JEREMIA 6:1

Benjamin mipuichi awi, chymme naira mang y angpreng u! Jerusalem mary i nai theu u! Tekoa avang y baw eng u. Bethekarin avang y ka-ma-ra maiteaung to u. Ka-jeira hawi phra naira ly tosyh mang dengdairei ang tym ai.

Ezekiela 1:4

Kai ly angdeang kalau iy khen nai khala, tosyh ngan mang ali kamchai aho nai kaniu. Khupanym pui mang amlosadichi theu iy, huni khupanym tengpang sahawi i kani khusang ly angvang teaung na; amlosadi theu nai y kheupaja hawi atawm nai ly sadi nanai ne.

DANIELA 11:40

“Suria samrang my peang nai deung tlum nai neng kasa nai khala y, Aikupta samrang ly huni samrang ai tavai tiu ai. Suria samrang my py keaungngo atang nai risachi hawi, keaungngochi, sampho neangneang teaung iy, atho sa naimy tiu teang ai. Ni ly lem heung nanai tavo tiu kamta, pri neangneangchira kun iy peang vui ai.

DANIELA 11:9

Suria samrang ly Aikupta pri theung y kun iy tiu ai. Na i py ni ly anaw ali teang ai.

AMTENG HAI NAI 6:5

Naibaly mymy ly pajawp typ nai ka-ma-ra pa-thom nai ly su phai su baly, heng nai amjy pa-thom i nai ly, “Jeu jau,” napi nai kathai. Naibaly kai ly khen i, khen cham, keaungngo kamnum harei awm; huni tleaung y atang nai keung ly mymy i kiu y ne naira harei syn.