ZEKHARIAH 6:5 - Khumi Common Language Bible

⁵ kani pri amtaw thau naimy, “Hunichi ly ali amjy palyhreichi ne; huni alichi ly khaileaung pri verei y peang nai keung Areng mo i dengdairei vai, theu u naichi ne,” nanai pathang.

ZEKHARIAH 6:5 ပူးပေါင်းရင်းမြစ်များ

1 ARENG KEH 19:11

Naibaly Areng my ni teng y, “Tapiu theung i nai theu iy, mawi saleung kai i mo y angdo ba,” napi. Hunaibaly Areng ly ni i sahawi mang tako prei i, ali kamchai aho hai bo. Hunai deaungkho y mawichi ly ako i, lengseaungchi py kawi phro pawn nai ne. Na i py Areng ly huni ali kamchai theung y awm nai ny y; ali aho nai anawn nai khala y kaleih theu; na i py huni kaleihra y awm nai ny y.

1 ARENG KEH 22:19

Mikha my Ahab teng y thui pi bi nai ly “Vai ly Areng i leu pei nai tangai ba! Areng ly kani pri mang y awm nai mymy i atehra tleaung y ateh nai ai py, mymy i sahawi y kani pri amtaw thau naichi angdo nai ai py kaniu bo.

JOBA 1:6

Tameuh i mo y kani pri mang ichiahihawi nai neng kani tym nai khala, setanpy nichi hawi vanrei abawi teang.

SAM 148:8

kani amai hawi khupanymchi awi, mymy i leu tangai nai ali kamchaichi awi, khaileaung mang dengdairei Areng ai palo u.

SAM 68:17

Areng ly atho awm parai nai tavai ka-ri sang neangneangchi hawi, Sinai mawi i nai chai parai nai meingtymra y ang jeu bo.

ISAIA 54:5

Nang ai sa nai keung ly nang i juvo kamta, nang ai ang kry ai. Ni i amyn ly ati cheaungkhang sa thai nai keung Areng ne. Israela chengchi i chai parai nai Tameuh ly nang ai atleu ai. Mymy ly khaileaung pri y peang nai keung ne.

JEREMIA 49:36

Kani mang khuteng taki palyhra i dengdairei aho nai ali ly Elam pri mang y aho hai iy, khumichi ai meingtym tleirei y ahei hai ai. Huni patang nai khumichi tym y nai pri harei py awm ai ny y.

Ezekiela 11:22

Heng nai amjychi ly akheang u amteaung nai khala amlira kheuchi py abawi rau nai ne. Israela chengchi i Tameuh i nang parai nai kangvang ly nichi i tlang tleaung y tym bo.

Ezekiela 37:9

Tameuh my kai teng y, “Nang khumicho awi, ali teng y amo leu thui pi; khuteng taki palyhrei mang aho ly hini khumi kadeichi heng ali teang ai nai taho hai thai nai ali pakun pi ai nai, sa thai naira angym nai Areng my leu ang pei, nanai ali teang y leu pei,” napi.

DANIELA 11:4

Na i py ni i sa thai naira khri pa-rei len nai thym khala y, empara pri ly phra iy phy palyhrei lawm vui ai. Ni i kangpreang ny y nai khumichi ly huni pri y peang u ai. Na i py nichi ly huni samrang tanrei, sa thai naira awm ai ny y.

DANIELA 7:10

Huni areng atehra mang dengdairei, tavo leaung nai kamta kangvang sangso theu. Huni meingtym y ly mymy i kalop sa nai khumi sang neangneangchi awm. Mymy i mo y angdo naimy kalop sa nai py, meaung neangneangchi awm nai ne. Tara chih nai neng amteaung ai bo i, cha-iuchi kadai u bo.

DANIELA 7:2

Ali ly khuteng taki palyhrei mang aho nai deaungkho y, pangli tui saleung y tuisampyh khri pa-rei amsau na.

ZEKHARIAH 4:14

Huna nai khala kani pri amtaw thau nai my, “Hinichi ly khaileaung pri verei y peang nai keung, Tameuh i kalop sa ai nai mymy vawi takhra iy khai takhra pi nai khumi leaung nyhrei ne,” ang napi.

ZEKHARIAH 6:1

Takhra paleung mei y amteng hai nai harei kaniu bi bo. Hini neng khala kai ly kheupaja mawi nyhrei sala mang ang theu nai, keaungngo ka-ri palyhrei niu.

MATTHAI 18:10

“Hini khumi theangchichy naichi theung y leaungrei ai pate y ai nai amkym u; nichi i kani pri i amtaw thau naichi my ly kani pri mang i Ngaai i meimai ly niu u jojo, nanai kang thui pi nai bo he.

MATTHAI 24:31

Naibaly baw katym pajeng parai nai eng iy, mymy i kani pri i amtaw thau naichi ai ly pato ai; naibaly nichi ly mymy i vawi takhra naichi ai ly khuteng taki palyhrei i dengdairei, kani katem i nai katem y khrairei pangym achu ai.

LUKA 1:19

Naibaly kani pri i amtaw thau nai my ly pathang i mymy teng y, “Kai ly Kabriela, Tameuh i mo y angdo reng nai ne: nang hawi arum ai nai hawi, hini satang kahawi kang thui pi ai nai ang pato nai he.

HEBRAI 1:14

Nichi bawibawi ai ly kalop sa ai nai phailo, paheng naira amtym ai nai keungchi ai sabawm ai nai pato nai ny y nai sai a?

HEBRAI 1:7

Naibaly mymy ly kani pri i amtaw thau naichi i molam y, “Ni ly mymy i kani pri i amtaw thau naichi ai ly ali y lawn hai reng, Ni i kalop sa nai keungchi ai py mai kangveaung y lawn hai reng,” ang napi.

JOSUA 3:11

Khaileaung pri verei ai peang nai Areng i Leu Maikawm Pawm ly nangchi ai lu sa iy, Jordan tavo angpeang nai khala, Tameuh kangheng ly nangchi theung y awm, nanai nangchi pany u ai.

AMTENG HAI NAI 7:1

Huni bo y kacheng y hawi, pangli y hawi, dengkeaung ngierei y py ali my hm y ai nai, khaileaung i ali palyhrei paka naimy kani pri i amtaw thau nai leaung palyhreichi ai ly khaileaung taki palyhrei y angdo nai kaniu.