ZEKHARIAH 5:6 - Khumi Common Language Bible

⁶ Kaimy, “Huni ly ati mo?” nanai deng. Kaini pri amtaw thau naimy, “Huni ly takhu harei ne iy pri vereichi i kamngo ai pata nai ne,” nanai pathang.

ZEKHARIAH 5:6 ပူးပေါင်းရင်းမြစ်များ

Levi 19:36

Siju amto, sie khyry katengchi teaung ai nai tla. Kai ly nangchi ai Aikupta pri i dengdairei pahawi nai nangchi i Areng Tameuh ne.

AMOS 8:4

Nangchi i pri theung y kajeu alam naichi ai chiu piupa iy, khumi kamawnchi ai ana nai khumichi awi, hini leu tangai u.

AMOS 8:5

Nangchi my thui nai ly “Kaichi ly chohpui chomaw jo ai nai ngai; chai nai kani kheih ai nai malawn py ajeng pajau y na bo. Anawn kani ly mana khala y kheih ai mo? Huni kani kheih baly kaichi ly teng y nai takhu teaung hawi, teng y nai sie khyrychi teaung iy vang palyn nai jo ai.

AMOS 8:6

Vang teng y nai choh pui chomaw ai vang palyn iy jo ai. Kalai kangngym pe pajau y nai khumi kamawn ai hau iy, miseaung palawn ai nai phainai bomrei vang by y nai hawi van ai,” nanai thui u bo.

MIKHA 6:10

Khumi hawi y naichi i yhmchira y, teng y nai kalop hawi nga nai vawnsaichi awm. Nichi ly teng y nai sie khyrychi teaung u bo. Huni teng y nai sie khyrychi ai kai ly niu ngai nai ne.

ZEPHANIAH 1:9

Myn y chiu nai khumichi kamta sa naichi ai py, mychi i yhmkeung yhmy lawm nai vawnsaichi nga angym hai ai nai molam, khumichi ai padei naichi ai py, kaimy tamyh pawn ai,” napi.

ZEKHARIAH 5:7

Huni takhura y kima hawi sa nai tleangkhym awm. Huni tleangkhym ly kai khen nai thym khala my am-eaung bo. Naibaly huni takhu theung y neampachy leaungrei ateh nai awm lawh ly!