ZEKHARIAH 5:4 - Khumi Common Language Bible

⁴ Ati cheaungkhang sa thai nai keung Areng my, kai ly hini amsawi ai kapato ai i, huni ly kai i amyn y tau iy ka-chawi leu thui nai khumi ngiereichi hawi, kangviu khumi ngiereichi i yhmchira y awm ai. Huni yhmchi py amsawi leu theu vui nai khala, phra seaungkhrang naimy awm ai,” napi.

ZEKHARIAH 5:4 ပူးပေါင်းရင်းမြစ်များ

JOBA 18:15

Vai ly ni i kanih yhm theung y kan deichi hei iy, no michi padei pawn chum baly, khumi takhrachi my athum u vui ai.

JOBA 20:26

Ni i pateung achu nai vawnsai ngiereichi ly tama pawn ai; khumi my paeng y nai mai ly ni hawi ni i yhm dengtheung bawibawichi ai kang vui ai.

JOBA 8:15

Nichi ly khanglo sanghang yhm ai abang hau lawh baly, huni khanglo sanghang yhm ly nichi i abang hau nai khaw pajau na a? Kalangvui ai kho sa iy amkhaw lawh baly, huni kalangvui ly nichi i amkhaw nai khaw hai pajau na a?,” nanai thui u bo.

JOBA 8:22

Na i py nang i tlang tleaung y niu ngai y naichi ai kangji nga hai ai. Khumi hawi y naichi i awm nai yhmchi py, tama pawn ai.

LEU KACHENG 3:33

Areng ly khumi hawi y naichi i yhm ai amsawi lawi hai iy, khumi kahawichi i yhm ai ly amtheaung hai nai ne.

ISAIA 24:6

Hunai deaungkho y Tameuh ly khaileaung y vaineng lawi hai bo. Khaileaung i khumi bawibawichi py, mychi i sa tamang nai kamngo vang amtym u bo. Dei kamthumchi py di tleaung dira nai ne.

JEREMIA 2:26

Areng my, “Patiu naira avum nai neng khala y kangviu khumi ly kangji nga nai kamta, nang i samrangchi, samrang i cho chanauchi, pathyp pi nai keungchi, amochi, nangchi Israela cheng mipui bawibawichi ly kangji nga u ai.

HOSEA 4:2

Nichi ly leu meitang teaung y nai, ka-chawi thui nai, khumi ai padei nai, ami i yhmtheaung paviu nai, ami i aju chanau ai taphra nai, hunichi sa nai ne. Reita ai dawndan y nai awm ngaulau iy, khumichi ai avaw avawrei padei u bo.

HOSEA 4:3

Hunai deaungkho y hini pri ly jengha ai i, heng nai amjy cheaungkhangchi dei u be ai. Amso tawnbawichi, tavochi hawi, pangli theung y awm nai ngochi malawn py dei u ai,” napi.

AMOS 3:10

Areng my, “Nichi ly mychi i yhm puichi ai athorei my lawm nai hawi khrukhra hai iy nga nai vawnsaichi hawimy kawi hai na bo. Nichi ly leu meitang ai malawn py pany thai u y.

ZEKHARIAH 5:3

Naibaly kani pri amtaw thau naimy kai teng y, “Pri vereira y amki ai nai amsawi leu ly huni cha aeangra y tajiu nai ne. Cha aeang pheirei mang y ly kangviu khumi ngiereichi ly hini pri i dengdairei, paheng vui naira avum u ai nanai py, takhra pheirei mang y ly vaineng abeu atyhtyh iy ka-chawi thui nai khumi bawibawichi ly tamyh pawn naira avum u ai nanai py, tajiu nai ne.

ZEKHARIAH 8:17

Nangchi ly amy tengtawi khrukhra hai ai nai ka-dawnchi so u moh. Vaineng abeu iy ka-chawi naimy pany hai u moh. Ka-chawi thui nai, teng y nai kalop hawi kamjau kamteang sa naichi ai kai ly niu ngai y,” napi.

MALAKHI 3:5

Ati cheaungkhang sa thai nai Areng my, “Kai ly tara chih ai nai nangchi teng kang jeu iy, dawi sa kawp naichi, ami i aju chanau ai taphra naichi, teng y nai pany hai nai keungchi, amy i kalop sa pi naichi tlang tleaung y sa vang kateng pei y nai khumichi, neampachy lumai, nuro nukaicho hawi cheng takhra khumichi ai kamjau kamteang ana nai khumichi hawi kai ai tahm khai y nai khumi ngiereichi ai, vaimy pany hai ai.

Leu Thui Nai 28:16

“Areng ly nangchi i marychi hawi li hlauchira y amsawi lawi hai ai.

Leu Thui Nai 7:26

Huni mynchi ai nangmychi i yhm y syn u moh, syn lawh baly mynchi kamta nangchi py amsawi lawi u ai. Mynchi ly Areng i amsawi lawi nai deaungkho y, mynchi ai jei paso ai nai tla.

JOSUA 9:20

Achi i asa yb nai vaineng molam y, nichi ai tlamsa naira pei ai nai tla. Achi my adeu nai leu patawm y baly, Tameuh my achi ai ang pajeng ai.