ZEKHARIAH 4:6 - Khumi Common Language Bible

⁶ Kani pri amtaw thau naimy kai teng y, “Nang ly Zerubabela teng y Areng my pei nai hini satang thai hai ba. Mymy ly ni teng y, nang ly nangmy i sa thai naira haiho hawi py, tavaimi kamkawm atho hawi py, hina nai sa ai ny y. Na i py kai i phailo atho hawi naini sa pajau ai.

ZEKHARIAH 4:6 ပူးပေါင်းရင်းမြစ်များ

ATITI AWM ANGCHEI NAI 41:16

Josepha my, “Samrang awi, kai py kaimy ngai ngai thui pi pachai thai y leang, na i py Tameuh my avo nai kamta thui pi pachai thai ai,” napi.

1 ARENG KEH 19:12

Kalei theu chum baly mai angveaung bo. Na i py huni mai kangveaung theung y Areng ly awm nai ny y; mai kangveaung chum baly raawi kamsyhchy theu nai ne.

2 NENG SATANG 14:11

Asa ly Areng Tameuh teng y, “Aw Areng, nang ly atho awm nai tavaimi kamkawm ai sabawm nai kamta, atho di nai tavaimi kamkawm ai py sabawm pajau. Aw kaichi i Areng Tameuh, kaichi ly nang ai paleung pado naimy nang i amyn y a-ym iy, hini khri pa-rei nawi nanai tavaimi kamkawm ai tiu ai nai theu u nai ne. Aw Areng, nang ly kaichi i Tameuh ne. Nang ai ly ami my py tiu pajau y leang,” nanai chiu sa bo.

EZARA 2:2

Nichi i lu sa nai keungchi ly Zerubabela, Josua, Nehemia, Seraiah, Relaiah, Modekai, Bilashan, Misapa, Bikavai, Rehum hawi Baanachi ne. Hinichi ly pri pala nai chochi i vawi ali teang nai Israela cheng theaungchi i nupai vuikanai ne.

EZARA 3:10

Kalop sa nai khumichi ly Achura yhm leng amteaung nai khala y pathyp pi nai keungchi ly mychi i ateaung amthyp iy, bawchi syn naimy meingtym la u nai ne. Naibaly Asah nupai theung i Levi theaungchi my sa-rachi syn u; nichi ly samrang Davida my leu pei yb nai kamta, Areng ai palo u bo.

EZARA 5:2

Sheltiel i chapo Zerubabela hawi Jehozada i chapo Josua nini ly hini amteng hai nai leuchi thai nai khala y, Jerusalem mary Achura yhm ai sa u amteaung teang bo. Amo leaung nyhrei ly nichi ai sabawm nai ne.

SAM 33:16

Samrang napi nai ly my i tavaimi kamkawm pui deaungkho y, tavai eaung nai ny y; Tavaimi risa py my i atho haiho molam y eaung nai ny y.

Parip nai leu 9:11

Kai i pany nai takhra leaungsai harei nai ly hini ne he: hini khaileaung pri y angpreng rang parai nai khumi ly ampreng acham naira tleirei y eaung jojo ai, nanai thui pajau y; sorai paleung awm nai khumi ly tavai atiu naira y eaung jojo ai, nanai thui pajau y; khumi kachengchi ly teicha teinei avaw vai y ai, nanai thui pajau y; tau cheng nai khumi ly nang jojo ai, nanai thui pajau y; sa thai naira awm nai khumi ly kalop kalenra y atheng jojo ai, nanai thui pajau y nai ne. Khumi luteng ly taham si naira avum reng.

ISAIA 30:1

Areng my, “Juda pri y peang nai khumichi ly taham si! Ati mana nai mo nabaly, nichi ly kai ai niu ngai y nai deaungkho y ne. Nichi ly kai i kangai hawi athli vui nai ka-dawnchi sa iy, kaimy pei y naimy amso amnaichi asa iy kamngo harei salo y harei panawira nai sa tamang u bo.

ISAIA 32:15

Na i py Tameuh ly mymy i phailo ai achi teng y pato pi ali teang ai. Huna nai khala y khaileaung ka-keuchi ly khaileaung kahawichi lawm iy, li khaileaungchira i amti amjangchi neangneang theu ai.

ISAIA 34:16

Heng nai amjychi satang tajiu nai Areng i cha-iu theung y hau iy phain u cham. Huni heng nai amjy harei py tama ai ny y. Mani heng nai amjy ngiereichi py, nu kalo ka-bom by y nai awm ai ny y. Hina nai kamta tym hai ai nai Areng my leu pei nai ne. Mymy ly nichi ai akachu hai ai.

ISAIA 59:19

Nidym mang dengdai nisi mang khrairei, khumi bawibawichi ly mymy i amyn hawi sa thai naira haiho ai, jei hyn naimy tahm khai u ai. Mymy ly ho parai nai tavo tui kamta py, ho parai nai ali kamta py ang jeu ai.

DANIELA 2:34

Samrang nang ly huni khumi myn pui ai khen nai thym khala y, lengseaung pui harei ly mawi i dengdairei, alyly naimy amli kathiu iy tamo hawi laikan sa nai myn pui i kheu y amli hai i, tleu piupa hai bo.

HOSEA 1:7

Na i py kai ly Juda pri khumichi ai tamen ai rai. Nichi i Tameuh kai Areng ly nichi ai atleu ai. Na i py tavai atiu nai hawi py, haisau, thailiho, thailiho chyn, keaungngo, keaungngo tavaimi kamkawm hawi py, nichi ai atleu ai ny y.

HAKAI 1:1

Pasia pri empara samrang Dari i peang nai pa-nyh saneng, tariu lo, kani harei kani y Areng my amo Hakai teng y pei nai leu ne. Huni leu pei nai ly Juda samrang i bangtang kalen Shealtiel i chapo Zerubabela hawi, pathyp pi nai keung kalen keh Jehizada i chapo Josuachi i vui ne.

HAKAI 2:21

Juda samrang i bangtang kalen Zarubabela i vui mymy ly “Kai ly kani khusang hawi khaileaung amchyh hai i,

ZEKHARIAH 6:12

Ati cheaungkhang sa thai nai Areng my, “Sai kadeu” nanai amyn nga nai khumi ly mymy i awm naira y nang chawn iy, Areng i Achura yhm sa palum teang ai.

Kati Nai 27:16

“Hengra pei keung Areng Tameuh awi, nang i khumichi ly beram typ keung by y nai beramchi kamta, lu sa pi nai keung by y nai khumichi lawm y naimy, nichi ai lu sa iy,

EPHESI 6:17

Naibaly heng naira lukhym lo u ly, Phailo i haisau py lo u,

I PETERA 1:12

Naibaly nichi ly amychi i vui ny y naimy, nangmychi i vui y atiti sa u lawh veng, nanai nichi teng y amteng hai nai bo; huni satang ly kani pri mang i dengdairei pato nai Phailo Kachai my sabawm nai, Satang Kahawi ang thui pi nai keungchi ly vai nangchi ai thui pi bo; huni atitichi ai ly kani pri i amtaw thau naichi ly bih ai nai ngai.

1 SAMUELA 14:6

Jonathan my thawndeang teng y, “Tameuh by y nai Philistia chengchi i tai naira mang y kun hawi sina; Areng my ani ai sabawm lym ai; mymy ang sabawm lawh baly, ani ly khumi di parai teu i py eaung naira nga ai,” napi.

1 SAMUELA 17:47

Mymy ly my i khumichi ai atleu ai nai molam y haisau, tivi ateaungchi teaung ai nai aly ngai y nai py, hini meingtym y awm nai khumichi my niu u ai. Mymy ly tavai leaungsai kawp keh nai ne i, nangchi bawibawi ai kai i kiu y ang-au ai,” napi.