ZEKHARIAH 4:14 - Khumi Common Language Bible

¹⁴ Huna nai khala kani pri amtaw thau nai my, “Hinichi ly khaileaung pri verei y peang nai keung, Tameuh i kalop sa ai nai mymy vawi takhra iy khai takhra pi nai khumi leaung nyhrei ne,” ang napi.

ZEKHARIAH 4:14 ပူးပေါင်းရင်းမြစ်များ

1 ARENG KEH 17:1

Kilead pri Tishbe mary y awm nai amo Elija ly samrang Ahad teng y, “Kani nai ai, nanai kaimy kang thui pi ali y ryrei ly mo mang saneng nyh, saneng thomrei sala y kani khang ai. Kadam py tla ai ny y, nanai kai i chiu nai Tameuh kangheng Areng i amyn y kang thui pi,” napi.

EZARA 5:2

Sheltiel i chapo Zerubabela hawi Jehozada i chapo Josua nini ly hini amteng hai nai leuchi thai nai khala y, Jerusalem mary Achura yhm ai sa u amteaung teang bo. Amo leaung nyhrei ly nichi ai sabawm nai ne.

SAM 110:4

“Nang ly pathyp pi nai keung kalen keh Melkhizedeka kamta, deungtasa pathyp pi nai keung lawm ai,” nanai Areng my vaineng abeu iy adeu pi nai ne i, huni adeu nai ly phra ai ny y.

SAM 2:6

Mymy ly “Tahm asang parai nai kai i Zion mawi salo y, kaimy vawi takhra nai samrang ai kaimy kapalyn bo,” napi.

SAM 89:20

Kai i miseaung Davida ai asitui leih iy, kaimy samrang kapalyn nai ne.

THEU NAI 29:7

Hunaibaly ni i lu tleaung y asitui lei iy, tahm palyn pi ai nai tla.

THEU NAI 40:15

Naibaly nichi ai pathyp pi nai keung kalop sa hai ai nai, nichi i ampo ai tahm palyn pi nai kamta, nichi ai py tahm palyn nai asitui leih iy au patyp ai nai tla. Nichi ai hina nai kamta tahm palyn nai asitui leih khala naini, nichi i katu chanauchi ly pathyp pi nai keung y amtym u jojo ai,” napi.

ISAIA 5:1

Tangai ba, kai i ahawi hawi ni i kreip akhobai molam y hini khulym ly nang ai kaimy kang thui pi ai. Khri pa-rei paitiu khuta hawi nai mawi salo y kai ahawi i kreip akhobai awm.

ISAIA 54:5

Nang ai sa nai keung ly nang i juvo kamta, nang ai ang kry ai. Ni i amyn ly ati cheaungkhang sa thai nai keung Areng ne. Israela chengchi i chai parai nai Tameuh ly nang ai atleu ai. Mymy ly khaileaung pri y peang nai keung ne.

JEREMIA 49:19

Kai ly Jordan tavo jeungrei y awm nai daichi kabeng theung i dengdairei, heng-a nai sui tlai naira meingtym y theu nai khrangsi kamta theu iy, Edom chengchi ai mychi pri i nai paryh pawn ai. Hunaibaly kai ly huni pri y peang ai nai samrang leaungrei vawi takhra pi ai. Kai ai ami hawi pata pajau ai mo? Kai ai ami tiu pajau ai mo? Mani samrang ly kai ai awi pajau ai mo?

Levi 8:12

Huni bo y ni ly asitui maidenrei hawi Aron i lu tleaung y leih iy, pathyp pi nai keung y tahm palyn bo.

MIKHA 4:13

Areng my, “Jerusalem mary i khumichi awi, paleung ka-echi ai tiu ai nai chei u! Kai ly nangchi ai tamo taki hawi kheupaja muikenchi awm nai si katai kamta, atho awm hai ai. Nangchi ly pri neangneangchi ai ati piupa pajau nai deaungkho y, ta-li ta-pang hawimy nichi i nga nai yhmtheaung katuichi ai lawm vui iy, kani khaileaung peang nai keung kai, Areng teng y talam u,” napi.

ZEKHARIAH 6:13

Ni ly Achura yhm sa ai nai keung, samrang hawi ataing nai phum-ang nga ai nai khumi ne nai deaungkho y, mymy i chengchi ai peang ai; my i areng atehra sahawi y pathyp pi nai keung leaungrei ly angdo iy, ni hawi vanrei tlamsa naimy amkawm ai.

ZEKHARIAH 6:5

kani pri amtaw thau naimy, “Hunichi ly ali amjy palyhreichi ne; huni alichi ly khaileaung pri verei y peang nai keung Areng mo i dengdairei vai, theu u naichi ne,” nanai pathang.

LUKA 1:19

Naibaly kani pri i amtaw thau nai my ly pathang i mymy teng y, “Kai ly Kabriela, Tameuh i mo y angdo reng nai ne: nang hawi arum ai nai hawi, hini satang kahawi kang thui pi ai nai ang pato nai he.

Leu Thui Nai 10:8

Mawisalo y Areng ly Levi theaungchi teng y Leu Maikawm Pawm kry ai nai py, pathyp pi nai keung kalop sa ai nai py, mymy i amyn y amtheaung hai nai kalop py au nai ne. Nichi ly vaini khrairei huni kalopchi sa u bo.

JOSUA 3:11

Khaileaung pri verei ai peang nai Areng i Leu Maikawm Pawm ly nangchi ai lu sa iy, Jordan tavo angpeang nai khala, Tameuh kangheng ly nangchi theung y awm, nanai nangchi pany u ai.

JOSUA 3:13

Khaileaung pri verei ai peang nai keung Areng i Leu Maikawm Pawm angjeaung nai pathyp pi nai keungchi, tavo tui ai chiu phai chiu baly tavo syh mang leaung kathiu nai tui ly anawn iy, meingtymrei y am-eng cheng vui ai,” napi.

AMTENG HAI NAI 11:4

Hunini ly olive dengkeaung nyhrei hawi, maisi khai naira nyhrei py khaileaung pri i Areng i mo y angdo nai ne.

1 SAMUELA 10:1

Naibaly Samuela ly Olive asitui adym sa iy, Sawla i lu y lei chum baly ni ai pachawm naimy, “Areng ly nang ai mymy i khumi Israela chengchi i samrang y khai takhra pi bo; nang ly mymy i khumichi ai peang iy, paleung ka-echi my ana naira i nai, ama ha ai nai tla ai. Areng ly nang ai mymy i khumichi ai peang nai keung lawm hai iy khai takhra pi bo, nanai ka-ma-ra ly hini ne.

1 SAMUELA 16:1

Areng my Samuela teng y, “Nang ly Sawla i vui y mana tanrei paleung si hai jo ai mo? Kaimy ni ai ly Israela samrang i nai kapala vui bo; na i py Olive asitui syn iy, Bethlehem mary y awm nai Jesai napi nai khumi leaungrei teng y chei; kai ly ni i chapo leaungrei ai, samrang lawm ai nai vawi takhra yb veng bo,” napi.