ZEKHARIAH 2:6 - Khumi Common Language Bible

^6-7 Areng my mymy i khumichi teng y, “Kai ly nangchi ai pri tleirei y ahei hai bo. Na i py nangchi pri pala naira avum nai khumichi awi, vai, nangchi ly Babulon pri dengdairei preang iy, Jerusalem mary y vawi u teang.

ZEKHARIAH 2:6 ပူးပေါင်းရင်းမြစ်များ

ATITI AWM ANGCHEI NAI 19:17

Naibaly kani pri amtaw thai nai nini theung i leaungrei my, “Nangchi tleaung ai nai angpreng u! Nithun mang y khen u ali bi moh; adym y py anawn u moh. Mawi salo mang phai angpreng u, naibaly nangchi tleaung u ai,” napi.

SAM 44:2

Nangmy naimy cheng takhra khumichi ai patheu vui iy, nang i khumichi ai hini pri y meingtym pala pi nai py, cheng takhra khumichi ai kamngo pajeng iy, nangmy i khumichi ai lo pa, nang chawn hai nai satang py thui pi bo.

ISAIA 48:20

Babulon pri i dengdairei theu u; tlamsa naimy tako u! “Areng ly mymy i miseaung Israela chengchi ai atleu bo! nanai satang ai amo theu parai naimy aeu u; meingtym tleirei y amthang hai u.

ISAIA 55:1

Areng my, “Tui ahai nai khumi bawibawichi awi, jeu u; hi y tui awm! Paisa tangka by y nai khumichi awi jeu u ly, choh van iy cho u! Kanu tui hawi kreip hang vang u! nangchi ati sai py vang tlo y leang!

JEREMIA 1:14

Mymy ly kai teng y, “Hini pri y awm nai khumi bawibawichi tlang tleaung y tosyh mang dengdairei, patang naira tym ai.

JEREMIA 15:4

Juda pri y Hezakia i chapo samrang Manase my peang nai thym khala, Jerusalem mary y atitichi sa nai molam y, kai ly khaileaung pri verei i khumi bawibawichi my hunichi niu khala ly kaso theu hai ai.”

JEREMIA 3:18

Israela ly Juda hawi amkawm iy khumichi hawi vanrei, nangchi i amsi pajochi teng y kaimy pei nai pri y, tosyh mang dengdairei ang jeu u ai,” nanai thui hai bo.

JEREMIA 31:10

Areng my, “Aw khumi cheng cheaungkhangchi awi, kai i leu pei nai tangai u iy, kai i leu ai pangli vai pri kamlochira y thai hai u. Israela chengchi ai ahei hai nai keung kai ly nichi ai kachu ai. Beram typ nai keung ly my i beram kanghuchi ai kry nai kamta, kai ly nichi ai kry ai.

JEREMIA 31:38

Areng my, “Mary pui verei ai Hananela angdeangra i ka-so, mary taki i katheu pa-kho khrairei, palum teang ai nai neng ly ang tym ai.

JEREMIA 31:8

Kai ly huni khumichi ai tosyh mang dengdairei kapahawi ai. Nichi ai khaileaung katem i nai kapahawi ai. Nichi hawi vanrei mei kamjuchi hawi, kheu kambaichi py, neampachy jeubomchi hawi tapen enten nai neampachychi py abang u ryp ai. Nichi ly cheng kalenchi kamta ang vawi u ai.

JEREMIA 50:8

“Aw Israela khumichi awi, Babulon mary i dengdairei preang u! Huni mary i nai theu u! Theu kasa u!

JEREMIA 51:45

Israela khumichi awi, huni mary i dengdairei theu u! Khumi bawibawichi kangheng tleaung ai nai, kai i khri pa-rei kado theu naira i nai preang u pawn jau.

JEREMIA 51:50

Areng my Babulon mary y awm nai mymy i khumichi teng y leu pei nai ly “Nangchi ly deira i nai law tleaung u bo! Vaimy theu u! Kaneu u moh! Nangchi ly nangmychi i pri hawi palo parai teu i py, nangchi i Areng napi nai kai ai pany u. Jerusalem mary ai py pany u.

JEREMIA 51:6

Babulon mary i nai theu u! Nangchi ly kangheng tleaung ai nai theu u! Babulon mary i kamngo molam y dei u atyhtyh moh. Vai kai ly nichi hawi amlau nai kamngo pajeng iy vawitheung katha nai ne.

Ezekiela 11:16

Naibaly kai Areng my leu pei nai ly “Nichi ai kamlora i cheng takhrachi hawi vanrei awm ai nai pato iy pri takhra y ahei hai teu i py, kani tanarei sala nichi awm naira y nichi hawi vanrei kai kaawm ai.

Ezekiela 17:21

Mymy i tavaimi kahawi kehchi ly tavai keung y dei u ai; dei kamthumchi ly meingtym tleirei y ahei u ai. Huna nai khala kai, Areng i leu pei nai ne, nanai nangchi pany u ai,” napi.

Ezekiela 5:10

Naibaly Jerusalem mary i amhm ampochi ly mymychi i cho chanauchi ngan cha u ai; cho chanauchi my py mychi i amhm ampochi i ngan cha u teang ai. Nangchi i dei kamthumchi ai py kai ly pajeng iy, meingtym tleirei y ahei hai ai.”

Ezekiela 5:12

Nangchi theung i phy thomrei y phyrei khumichi ly marychi theung y no kanghawi, kajeu kanglam y dei u ai. Takhra phy thomrei y phyreichi ly mary angam mang y haisau tamo y dei u ai. Huni bo i phy thomrei y phyrei ai ly ali theung y pakheang pawn iy kaimy haisau hawi tleh ai.

DANIELA 11:4

Na i py ni i sa thai naira khri pa-rei len nai thym khala y, empara pri ly phra iy phy palyhrei lawm vui ai. Ni i kangpreang ny y nai khumichi ly huni pri y peang u ai. Na i py nichi ly huni samrang tanrei, sa thai naira awm ai ny y.

AMOS 9:9

“Paho tleaung y chohnei alai nai kamta, kai i leu hawi Israela khumichi ai alai vui ai. Khumi cheng cheaungkhang theung y alai chum baly, ataing y nai khumi ngiereichi ai ly kaimy charyh vui ai.

ZEKHARIAH 1:16

Jerusalem mary ai pahen nai sai patei ai nai, kavawi ali teang nai ne. Kai i Achura yhm sa palum teang iy, Jerusalem mary pui ai py, sa palum u teang ai nai tla ai,” napi.

MATTHAI 24:31

Naibaly baw katym pajeng parai nai eng iy, mymy i kani pri i amtaw thau naichi ai ly pato ai; naibaly nichi ly mymy i vawi takhra naichi ai ly khuteng taki palyhrei i dengdairei, kani katem i nai katem y khrairei pangym achu ai.

MARKA 13:27

Huna nai khala y ly mymy ly kani pri i amtaw thau naichi ai pato ai i, mymy i vawi takhra naichi ai ly khuteng taki palyhrei i dengdairei, khaileaung katem i nai kani katem y khrairei pangym achu ai.

Leu Thui Nai 28:64

“Areng my nangchi ai khaileaung pri khuteng taki y tym pa-rei, khumi cheng cheaungkhangchi theung y ahei hai ai. Huna nai khala nangchi hawi nangmychi i amsi pajochi chiu vai y nai dengkeaung, lengseaungchi hawi sa nai tameuhchi chiu u ai.

AMTENG HAI NAI 18:4

Naibaly kani pri mang i dengdairei raawi takhra my ly, “Kai i khumichi awi, nangchi ly mymy i kamngo nairachi hawi amkawm y ai nai hawi, mymy i tlang tleaung y tym nai patang hai naira y phy ngo u teang y ai nai py, mymy teng i dengdairei theu u jau:

RUTHI 4:1

Boaza ly mary apai pa-kho leu arum nai meingtym y chei i hu y ateh bo. Naibaly Elimeleka i amjo amnau yhmtheaung kamtym kypkyp ly tym i, ni ly vaichi khala Boaza my thui nai khumi ne. Boaza my ni ai palau i, “Amjo amnau ngai parai nai awi, hi mang y jeu ly ateh rai,” napi. Naibaly mymy ly chei tapai i hu y ateh bo.