ZEKHARIAH 2:12 - Khumi Common Language Bible

¹² Hunai bi baly Juda khu ly nang parai nai pri theung y, Areng i vawi patyp nai meingtym lawm ai. Jerusalem mary py mymy i khrei keh nai mary lawm ai.

ZEKHARIAH 2:12 ပူးပေါင်းရင်းမြစ်များ

2 NENG SATANG 6:6

Na i py vai kai ly Jerusalem mary y kai ai chiu ai nai meingtym palawn nai py, kai i khumichi ai peang ai nai keung y nang Davida ai kang vawi takhra nai ne,’ nanai leu pei bo,” napi.

ESTHER 6:13

Mymy i aju hawi ahawichi teng y my i avum nai leaungsai bawibawichi amti pi. Huna nai khala y aju hawi mymy i ahawi kachengchi my, “Nang ly Modekai teng y sum amteaung bo; ni ly Juda cheng ne khyp lawh baly nang ly ni ai pajau y leang; ni ly nang i tlang tleaung y pajau takengkei ai,” napi u bo.

SAM 105:15

Mymy ly “Kai i vawi takhra nai miseaungchi ai patang hai u moh; kai i amochi ai kiu pajeung kadeaung hawi py teaung u moh, nanai samrangchi ai leu pei bo.

SAM 132:13

Areng ly Zion mary ai vawi takhra bo; mymy ly huni mary y awm ai nai ngai.

SAM 132:14

“Kai ly hini mary y kaawm jojo ai; kai ly hini mary ai peang ai nai ngai.

SAM 135:4

Mymy ly Jakob ai mymy i vui hawi Israela chengchi ai, mymy i peang nai lawn ai nai py vawi takhra bo.

SAM 33:12

Areng ai Tameuh palawn iy chiu nai khumi cheng ly taham hawi; Mymy i khumi lawm ai nai vawi takhra nai khumichi ly taham hawi.

SAM 82:8

Aw Tameuh, jeu ly khaileaung pri ai peang ba; khumi cheng cheaungkhangchi ai nang ly peang nai ne.

ISAIA 14:1

Areng ly mymy i khumi Israela chengchi ai pahen ali teang nai ne. Mymy i khumichi palawn ai nai vawi takhra ai. Mymy ly nichi ai mychi i saleaung khutengra y awm u ali teang ai nai pei ai. Cheng takhra khumichi ly jeu iy nichi hawi vanrei awm u ai.

ISAIA 17:14

Nichi ly khumichi ai dym tengsa neng khala jei hyn hai teu i py, khutawi en neng khala ly by y leang bo. Hini ly kaichi pri y tiu nai khumichi i khym taham ne.

ISAIA 41:9

Kai ly nangchi ai khaileaung khuteng taki i dengdairei kang pahawi bo. Khaileaung katem i dengdairei palau nai, nangchi ly kai i miseaungchi ne. Kai ly nangchi ai nyn va ai nai tleaung y ly kang vawi takhra nai ne.

JEREMIA 10:16

Jakob i Tameuh ly mynchi kamta ny y. Mymy ly ati cheaungkhang sa nai keung ne. Israela chengchi ai mymy i khumi kypkyp lawm ai nai vawi takhra bo. Mymy i amyn ly ati cheaungkhang sa thai nai keung Areng ne.

JEREMIA 30:16

Vai ly nangchi ai ang pajawn nai khumi bawibawichi ly pajawn naira avum u iy, nangchi i paleung ka-e bawibawichi ai py, langheng y hawi u vui ai. Nangchi ai pahyp y naimy ana nai khumi bawibawichi ly mychi naimy pahyp y naimy ana naira avum u iy, nangchi ai tiu nai khumi bawibawichi py, tiu naira avum u ai.

JEREMIA 51:19

Jakob i Tameuh ly mynchi kamta ny y; mymy ly ati cheaungkhang sa nai keung ne iy, Israela chengchi ai mymy i khumi palawn ai nai vawi takhra bo. Mymy i amyn ly ati cheaungkhang sa thai nai keung Areng ne.

ZEKHARIAH 1:17

Kani pri amtaw thau naimy kai teng y, “Ati cheaungkhang sa thai nai Areng ly mymy i marychi bi-ai ali teang ai nanai py, mymy ly ang jeu ali teang ai i Jerusalem mary ai sabawm iy, mymy i peang nai mary pui palawn vui ai nanai py, amthang hai ba,” nanai ang thui pi bo.

ZEKHARIAH 3:2

Areng i amtaw thau naimy setan teng y, “Aw setan awi, Areng my nang ai kamngo pajeng sy; Jerusalem mary ai tamen nai Areng ly nang ai kamngo pajeng sy; hini khumi ly mai theung i ajiu vui nai thengbeang hawi atawm nai ne,” napi.

Leu Thui Nai 32:10

“Mymy ly nichi ai ali ho nai daichi ka-vym theung y amki ryry nai niu baly, mymy i cho chanau kypkyp kamta nichi ai hawihai palai kry nai ne.

Leu Thui Nai 32:9

Na i py Jakob i kangpreangchi ai, mymy i vui y vawi takhra bo.