ZEKHARIAH 14:3 - Khumi Common Language Bible

³ Naibaly Areng ly jangni neng khala i kamta theu iy, huni khumichi ai tiu ai.

ZEKHARIAH 14:3 ပူးပေါင်းရင်းမြစ်များ

2 NENG SATANG 20:15

Jahaziela my, “Samrang hawi vanrei Juda khumichi, Jerusalem mary i khumichi awi, nangchi ly paleung phra atho di u moh. Hini tavaimi kamkawm pui hawi atiu ai nai jei u moh, nanai Areng my leu pei nai ne. Hini tavai ly nangchi i vui ny y, Tameuh i vui teu.

NEHEMIA 4:14

Kai ly mipuichi paleung bi paleung mawn nai sai kaniu i, nichi hawi vanrei, nichi i miteaung kehchi hawi peang nai keungchi teng y, “Achi i paleung ka-echi ai jei u moh; Areng ly nang parai nai hawi ka-jei hawi parai, nanai pany u ly nangchi i amjo amnau, aju chanau, yhm hlauchi i vui atiu u,” napi.

ISAIA 29:7

Huna nai khala y Tameuh i maicham mary y tiu u nai tavaimi bawibawichi hawi, nichi i tavai ateaung awm nai ngiereichi ly amang kamta py, vum y paleung adawn pasym atyhtyh nai kamta py, tama vui ai.

JOELA 3:2

Khumi cheng cheaungkhangchi ai angym hai teang iy tara chih nai leaunghawi mang y pahawi ai. Kai i khumichi ai nichi my sa nai molam y huni meingtym y nichi ai, kaimy tara chih ai. Nichi ly Israela chengchi ai, pri takhra mang y ahei hai i, kai i pri Israela ai ahei hai akyhkyh nai ne.

ZEPHANIAH 3:19

Nang ai ana nai khumichi ai kaimy pajeng ai nai neng tym ai. Kai ly kheu tabai nai khumi bawibawichi ai atleu iy, pri palara avum nai khumichi ai, mymychi i pri y pahawi ai. Nichi i kangji nga nai ly tahm awm nai mang y amtlau hai ai. Khaileaung pri khumichi my nichi ai palo u ai.

ZEKHARIAH 12:9

Naibaly kai ly Jerusalem mary y tiu nai khumi ngiereichi ai tamyh pawn ai.

JOSUA 10:10

Areng ly paleung ka-echi ai ahei phro iy preang hai bo. Huna nai khala Israela risachi ly Kibeon mary theung y, paleung ka-e neangneangchi ai tleh iy, Bethoron mawi aleaung palem i, tokalawi mang Azeka mary hawi Mekeda marychi khrairei tiu u nai ne.

JOSUA 10:14

Areng ly khumicho leaungrei i leu ai, huni kani y tangai pi nai ne. Huna nai kamta tlenrei py awm vai y, mo mang py awm ai ny y. Areng ly Israela chengchi mang y sabawm iy, tavai tiu pi lawh ly!

JOSUA 10:42

Israela chengchi i Areng Tameuh ly Israela chengchi mang y asa hai nai deaungkho y, Josua ly huni samrang bawibawichi hawi, nichi i prichi ai tiu i eaung veangveang nai ne.