ZEKHARIAH 14:18 - Khumi Common Language Bible

¹⁸ Aikupta chengchi ly Taichy Pawi sa ai nai akhi u lawh teu baly, nichi ly huna nai akhi nai molam y, Areng my pato nai no kanghawi avum u ai.

ZEKHARIAH 14:18 ပူးပေါင်းရင်းမြစ်များ

ISAIA 60:12

Na i py nang i kalop sa ai nai ngai y nai khumichi ly tamyh pawn nai avum u ai.

ISAIA 66:23

“Losi pawi kanichi hawi anawn kani tym nai tleirei, khumi cheng cheaungkhangchi ly Jerusalem mary y jeu iy, kai ai chiu u ai,” nanai Areng my leu pei bo.

MIKHA 5:8

Daichi mawi kanghu theung y tym nai khrangsi kamta py, beram kanghuchi theung y tym nai khrangsi kamta py, dei kamthum Israela chengchi ly cheng takhrachi theung y tym ai. Khrangsi ly beram kanghuchi theung y kun iy, beramchi ai kei piupa ai i, ami my py atleu pajau ai ny y.

ZEKHARIAH 14:12

Areng ly Jerusalem mary ai tiu nai khumi cheng cheaungkhangchi tlang tleaung y, ka-jei awm nai no kanghawi tym hai ai. Nichi ly heng nai thym khala y my, ngan tlangchi veaung ai. Nichi i meichi hawi palaichi py veaung ai.

ZEKHARIAH 14:15

Paleung ka-e tairachi i keaungngo, kula-iu, keaungngo kano kasau napi nai tawnbawichi tlang tleaung y py, ka-jei awm nai no kanghawi tym hai ai.

ZEKHARIAH 14:19

Hini ly taichy pawi so y lawh baly Aikupta pri hawi takhra prichi avum ai nai pajeng naira ne.