ZEKHARIAH 14:16 - Khumi Common Language Bible

¹⁶ Naibaly Jerusalem mary ai tiu u nai khumichi theung i, dei kamthum khumi bawibawichi ly ati cheaungkhang sa thai nai Areng i peang nai anui y awm u iy, mymy ai chiu u ai nai py, Taichy Pawi sa u ai nai py, huni mary y saneng tleirei tym u ai.

ZEKHARIAH 14:16 ပူးပေါင်းရင်းမြစ်များ

2 NENG SATANG 8:13

Ni ly Mosi i reita kamta anawn kanichi, lo si pawi kanichi hawi, sanengrei y tlenrei sa nai pawi thomrei, angbo abawi y nai pawi, chohboleh pawi hawi Taichy pawichi khala, leng patlum nai kapathyprachi talam nai ne.

EZARA 3:4

Nichi ly reita leu pei nai kamta Taichy pawi sa u nai ne. Kani tleirei talam ai avo nai kapathyprachi py talam u.

SAM 66:4

Khaileaung pri y awm nai khumi bawibawichi ly nang ai chiu u; nichi ly nang ai palo u bo; nang i amyn y palo nai khulym thui u nai ne,” nanai Tameuh teng y pany hai u.

ISAIA 18:7

Tavochi kangpreira y awm nai huni pri i dengdairei py, kho-ban atho len nai huni khumi chengchi teng i dengdairei py, mo-cha hawi jeng asang nai huni pri khumichi teng i dengdairei py, khaileaung pri vereichi my jei hyn nai khumi teng i dengdairei py, kapathyprachi ai, ati cheaungkhang sa thai nai keung Areng my kawn pi nai neng kani tym ai. Huni khumichi ly ati cheaungkhang sa thai nai keung Areng ai chiu ai nai Zion mawi y jeu u ai.

ISAIA 19:21

Areng ly mymy ai Aikupta chengchi my pany ai nai sa ai. Huna nai khala y nichi ly mymy ai pany iy chiu u ai. Mymy teng y tawnbawi hawi kapathyprachi syn u ai. Nichi ly mymy i mo y leu meitang adeu iy, huni leu meitang adeu nai kamta sa u ai.

ISAIA 27:13

Huni neng kani tym nai khala y Asuria pri hawi Aikupta pri y pri pala nai avum nai Israela cheng bawibawichi ai palau nai baw eng ai. Nichi py Jerusalem mary y awm nai, mymy i mawi kachai salo y Areng teng jeu iy chiu ai.

ISAIA 6:5

Kaimy py, “Kai teng y athang khai naira by y leang bo. Kai ly taham si parai na ly! Ati mana nai mo nabaly kai i labeaung mang theu nai leu ngiereichi ly chai y i, chai y nai leu naini katheu reng nai khumichi theung y kaawm nai ne. Na i py vai, kai ly ati cheaungkhang sa thai nai Areng! napi nai samrang ai kaniu lawh bo,” napi.

ISAIA 66:23

“Losi pawi kanichi hawi anawn kani tym nai tleirei, khumi cheng cheaungkhangchi ly Jerusalem mary y jeu iy, kai ai chiu u ai,” nanai Areng my leu pei bo.

JEREMIA 46:18

Ati cheaungkhang sa thai nai keung kai, Areng ly samrang ne. Kai ly heng nai Tameuh ne. Tabor mawi ly mawi cheaungkhangchi tleaung y asang keh nai kamta py, Karamela mawi py pangli sahawi y asang parai naimy awm nai kamta py, nangchi ai ang tiu ai nai khumi ly khri pa-rei atho awm ai.

JEREMIA 48:15

Moba pri hawi marychi ly phra iy nichi i vui vawi patyp nai thawndeang deaungdichi ly tleh naira avum u ai. Kai ly ati cheaungkhang sa thai nai keung, napi nai samrang ne. Huni ly kai i thui nai leu ne.

JEREMIA 51:57

Huni mary i peang nai keungchi, khumi kachengchi, lu sa naichi hawi tavaimi risachi ai pavui tapai hai ai. Nichi ly i ngym chum baly, mana khala py anglaw u ai ny y. Hini ly kai samrang i thui nai leu ne; Kai ly ati cheaungkhang sa thai nai Areng ne.

HOSEA 12:9

Na i py nangchi ai Aikupta pri i dengdairei pahawi nai nangchi i Tameuh kai, Areng ly khutaha daichi ka-vymra y, nangchi kani yhmchi hawi awm nai kamta, vai py kani yhmra y awm hai ai.

JOELA 2:32

Na i py Areng teng y kasabawmra hnei nai khumi bawibawichi ly atleu naira nga u ai. Areng my leu pei nai kamta, ‘Jerusalem mary y awm nai khumi phyreichi ly deira i nai tleaung u ai; kai i vawi takhra nai khumichi ly dei y naimy awm u jo ai,’ napi.”

MIKHA 4:2

“Tameuh i Achura yhm awm nai Areng i mawi mang y kalau u sina. Mymy ly achi ai, mymy i kangai hawi vanrei awm ai nai patiu pi ai. Mymy i lam patei nai kamta tako u ai. Mymy i reita leu ly Zion mawi i dengdairei py, Areng i leu pei nai ly Jerusalem mary i dengdairei py, ang tym nai ne,” nanai thui u.

ZEKHARIAH 14:9

Naibaly khaileaung pri verei y Areng my peang ai. Khumi bawibawichi my py, mymy ai mychi i Tameuh palawn iy chiu ai i, huni amyn harei naini pany u ai.

ZEKHARIAH 9:7

Nichi ly thi abawi nai mawi py, takhra paka nai teicha teinei py, cha u ai ny y. Dei kamthum khumi ngiereichi ly kai i khumichi theung y abawi ai. Nichi ly Juda cheng theaung, nupai harei kamta lawm u ai. Ekron mary i khumichi ly Jebusi mary i khumichi kamta,kai i khumichi theung y abawi u ai.

MALAKHI 1:14

Nangmychi i beram kanghuchi theung y, no-na by y nai beramchi awm i py, kai ai tapawp iy vang teng y nai tawnbawi ai talam nai khumi ly amsawi lawi na sy. Ati mana nai mo na baly kai ly nang parai nai samrang ne iy, kai i amyn ai khumi cheng cheaungkhangchi my tahm khai jei u nai deaungkho y ne,” napi.

LUKA 19:38

“Areng i amyn y jeu nai Samrang ly taham hawi; kani pri mang y aly nai leu tym sy, salo kangteng y ly nang parai nai awm sy,” nanai Tameuh ai palo bo.

JOHAN 1:49

Nathanaela my ni teng y, “Rabbi, nang ly Tameuh i Chapo ne, nang ly Israelachi i Samrang ne,” nanai pathang.

JOHAN 7:2

Naibaly Judachi i Tai Chy pawi ly kasa bo.

AMTAW 15:17

Kai ali teang ai i, Davida i taichy anawi nai ly kaimy sa bi ai, Phra naira ngierei py kaimy sa bi ai i, Padyh teang ai, nanai

ROM AVANGCHI TENG Y PAWLA I CHA PA NAI 11:16

Katlen man nai tako kangheang phyrei ly chai nabaly, akawi bom verei ly hunai kamta ne teang; tangjyn py chai nabaly changpichi ly hunai kamta ne teang.

ROM AVANGCHI TENG Y PAWLA I CHA PA NAI 11:26

Hunaibaly Israelachi bawibawi ly hengra nga ai: “Paheng Keung ly Zion i dengdairei theu iy, Jakob teng i dengdairei Tameuh ai dawn y naira ang tama hai ai.

ROM AVANGCHI TENG Y PAWLA I CHA PA NAI 11:5

Hunai kamta khyp teang, vai dymkhawn py pahenra deaungkho y vawi nai phyreichi awm rai.

AMTENG HAI NAI 11:13

Naibaly huni neng thym khyp khala y ly kaleih khrikhri pa-rei ho i, avang kalen pui phy horei y phyrei ly anawi be bo: naibaly dei nai kamthom ly khri pa-rei jei i Tameuh ai palo u bo.

AMTENG HAI NAI 19:16

Naibaly mymy i kanih hawi phai tleaung y ly, “Samrangchi i Samrang, Arengchi i Areng,” nanai amyn tajiu angchi ne.