ZEKHARIAH 14:12 - Khumi Common Language Bible

¹² Areng ly Jerusalem mary ai tiu nai khumi cheng cheaungkhangchi tlang tleaung y, ka-jei awm nai no kanghawi tym hai ai. Nichi ly heng nai thym khala y my, ngan tlangchi veaung ai. Nichi i meichi hawi palaichi py veaung ai.

ZEKHARIAH 14:12 ပူးပေါင်းရင်းမြစ်များ

2 NENG SATANG 21:15

Nangmy py tavaira y khri pa-rei no nai mi, kani tleaung kanirei nora nora ai,” nanai ne.

JOBA 18:13

Khri pa-rei hawi y parai nai angvawichi ly ni i ngan tlang verei kawibiu iy, kiu kheuchi veaung hai bo.

SAM 90:11

Nang i kado theu nai haiho ai ly ami avum bawi pajau ai mo? nang i kado theu nai ly mana tanrei jei ai hawi na mo, nanai ami pany pajau ai mo?

Levi 26:16

kai ly nangchi ai kang pajeng ai; asi sa iy hawi thai y nai no-na mo, mei paju hai nai hawi atho di hai nai no-na mo, nangchi teng y kang tym hai ai. Nangchi ly amti amjangchi pati i py, kamran by y ai; ati mana nai mo na baly nangchi i paleung ka-echi ly nangchi ai tiu nai pajau ai i, nangchi i pati nai amti amjangchi cha u pawn nai deaungkho y ne.

Levi 26:18

“Nangchi ly huna tanrei pajeng naira avum u i py, kai i leu tangai y asai baly, kai ly nangchi i tlang tleaung y pajeng naira phy tlen saryhrei kang tym hai panawi bi ai.

Levi 26:21

“Nangchi ly kai ai ka-awi sa iy kai i leu tangai y asai baly, kai ly pajeng naira phy tlen saryhrei kang tym hai panawi bi ai.

Levi 26:24

kai ly nangchi ai nithun thun pi vui iy, angchei i tleaung y pajeng naira ty keh nai phy tlen saryhrei kang tym hai panawi bi ai.

Levi 26:28

kai ly kado theu kang tlau ai i, vaichi khala i tleaung y ty keh nai pajeng naira phy tlen saryhrei kang tym hai panawi bi ai.

ZEKHARIAH 1:15

Kai ly kaimy i khumichi tlang tleaung y tym ai nai kado theu nai kam-yh nai thym y, tlamsa naimy awm ai nga u nai khumi bawibawichi ly kai i khumichi avum nai ngari kamtang panawi ra bo. Naibaly kai ly huni khumichi ai khri pa-rei kado theu hai nai deaungkho y,

ZEKHARIAH 12:9

Naibaly kai ly Jerusalem mary y tiu nai khumi ngiereichi ai tamyh pawn ai.

ZEKHARIAH 14:15

Paleung ka-e tairachi i keaungngo, kula-iu, keaungngo kano kasau napi nai tawnbawichi tlang tleaung y py, ka-jei awm nai no kanghawi tym hai ai.

ZEKHARIAH 14:18

Aikupta chengchi ly Taichy Pawi sa ai nai akhi u lawh teu baly, nichi ly huna nai akhi nai molam y, Areng my pato nai no kanghawi avum u ai.

ZEKHARIAH 14:3

Naibaly Areng ly jangni neng khala i kamta theu iy, huni khumichi ai tiu ai.

ZEKHARIAH 2:4

Angchei i kani pri amtaw thau naimy ni teng y, “Jerusalem mary y awm u nai khumi angso hawi tawnbawichi ly khri pa-rei nawi parai nai deaungkho y, huni mary y lengseaung apai tapang pajau ai ny y, nanai suju amto syn nai deaungdi teng y angpreng iy thui pi.

AMTAW 12:23

Naibaly mymy ly Tameuh teng y palo naira pei y nai deaungkho y, Areng i kani pri i amtaw thau nai my ly tlenrei khyh my ni ai no hai iy kaleung my cha i dei bo.

Leu Thui Nai 28:21

Nangchi teng y no kanghawi harei bo y harei tym nai deaungkho y, nangchi peang ai nai pri y leaungrei py heng nai awm ai ny y.

Leu Thui Nai 28:22

Areng ly nangchi teng y bau iy keaungno nai chym thai nai no-nachi tym hai ai. Kani khang nai, ali kabi aho nai pajengrachi deaungkho y, nangchi i amti amjangchi py phra ai. Nangchi myh kang ai nai pa-rei hini kamtangchi avum hai ai.

Leu Thui Nai 28:59

mymy ly nangchi hawi nangchi i kangpreangchi teng y asi atang i py hawi lei y nai no-na hawi ka-jei hawi nai kanghawichi tym hai ai.

AMTENG HAI NAI 17:16

Naibaly nang i niu nai taki horei hawi mawi kasi my py neampachy kamleaung ai niu ngai y ai i, ni ai ly ati sai py ny y nai hawi tlang ka-keu naimy khai ai, ni i ngan py cha u ai i mymy ai mai y kang hai bebe ai.