ZEKHARIAH 13:9 - Khumi Common Language Bible

⁹ Naibaly kai ly tangka ai mai hawi pachai nai kamta, dei kamthum phy thomrei y phyrei ai pachai ai. Nichi ai cham iy khen ai. Kai ly muku ai cham nai kamta, nichi ai cham ai. Naibaly nichi ly kai teng y chiu sa u ai, Kai py pathang pi ai. Nichi ly kai i khumichi ne, nanai nichi teng y thui pi ai. Nichi my py kai ly mychi i Tameuh ne, nanai pany u ai,” napi.

ZEKHARIAH 13:9 ပူးပေါင်းရင်းမြစ်များ

2 SAMUELA 7:24

Nang ly Israela chengchi ai deungtasarei, nangmy i khumi lawm hai bo. Aw Areng, nang ly nichi i Tameuh lawm bo.

JOBA 23:10

Na i py Tameuh ly kai i kheukanchi niu nai ne. Mymy ly kai ai cham lawh baly, kai teng y kamngo by y, nanai pany ai.

JOBA 28:1

Tangka tai nai tangka angawmchi, muku patlawn nai meingtymchi awm.

SAM 144:15

Hina nai kamta awm nai pri ly taham hawi; Areng ly Tameuh ne, nanai ym nai khumichi ly taham hawi.

SAM 43:4

Huna nai khala y aw Tameuh, kai ly nang i maicham mang y ahihawi ai. Kai ly nang teng i amo theu naira kanga nai ne. Aw Tameuh, kai i Tameuh, nang ai taro beu naimy kang palo ai.

SAM 50:15

Patang naira avum nai neng khala, kai teng y chiu so u; kai ly nangchi ai atleu ai. Nangchi my py kai ai palo u ai,” nanai leu pei bo.

SAM 91:15

Nichi my kai ai palau nai khala y, kai ly pathang pi ai; nichi patang naira avum nai khala y, kai ly nichi hawi vanrei awm ai; kai ly nichi ai atleu iy tahm pasang ai.

LEU KACHENG 17:3

Muku hawi tangka ai mai hawi cham; khumi i paleung ai ly Areng my cham nai ne.

Solomon i khulym 2:16

Kai i khrei nai ai ly kaimy peang; kai ai py ni my ang peang teang.

ISAIA 43:2

Nangchi ly tui thiu mang y tapai nai khala y, kai ly nangchi hawi vanrei awm ai. Ngari kamtangchi ly nangchi ai khiu ai ny y. Nangchi ly mai theung y aleaung nai khala y, mai my kang ai ny y. Khri pa-rei cham nairachi ly nangchi ai no patang nairachi tym hai ai ny y.

ISAIA 48:10

Tangka ai mai y pachai nai kamta, kai ly nangchi ai ngari kamtang mai hawi cham chum nai ne. Na i py nangchi ai ly vang teng y nai kaniu.

ISAIA 58:9

Nangchi chiu sa nai khala y tangai pi ai. Nangchi kasabawmra hnei nai khala y kang pathang pi ai. “Nangchi ly pahyp y naimy ana naichi anawn iy, teng y naimy neng hai nai amkyn khala, chai y nai leu ngiereichi khai su;

JEREMIA 24:5

“Babulon mary mang y abang naichi ly thaidu athai kahawichi hawi atawm, nanai Israela chengchi i Tameuh kai, Areng my adawn pasym iy, kai ly neaung hawi parai naimy kry ai.

JEREMIA 31:33

Nichi hawi kai asa nai Leu Maikawm kangtha ly hini ne. Kai ly kaimy i reita leu ai nichi i paleung theung y kapakun pi ai. Kai ly nichi i Tameuh lawm iy, nichi ly kai i khumichi lawm u ai.

JEREMIA 32:38

Naibaly nichi ly kai i khumichi lawm iy, kai py nichi i Tameuh lawm ai.

JEREMIA 9:6

Nichi ly kamngo sa ai nai khai su y. Nichi ly li-tapawp u tamyhtyh nai ne. Areng my mymy i khumichi ly kai ai khai su bo, napi.

Ezekiela 11:20

Huna nai y nichi ly kai i reitachi kry iy kai i leu pei naichi hawihai palai tangai u ai. Nichi ly kai i khumichi lawm iy kai py nichi i Tameuh lawm ai.

Ezekiela 14:11

Israela chengchi ly kai ai khai su nai y, mymychi kypkyp kamngora anum y ai nai hina nai kasa ai. Nichi ly kai i khumichi lawn ai i, kai py nichi i Tameuh lawm ai,” napi. Hini ly sa thai naira awm nai Areng i thui nai leu ne.

Ezekiela 20:38

Nangchi theung i tiu nai khumichi hawi kamngo awm nai khumichi ai nawi su ai. Nichi ai mymychi vai awm nai pri i nai theu hai pawn ai. Na i py Israela pri y vawi ali teang ai nai pei ai ny y. Huna nai khala kai ly Areng ne, nanai nangchi pany u ai,” napi.

Ezekiela 36:28

Huna nai khala nangchi ly nangmychi i amsi pajochi teng y awm ai nai nga u ai. Nangchi ly kai i khumichi lawm iy, kai py nangchi i Tameuh lawm ai.

Ezekiela 37:27

Kai ly huni meingtym y nichi hawi vanrei awm iy, nichi i Tameuh lawm ai. Nichi py kai i khumichi lawm u ai.

DANIELA 11:35

Lu sa nai khumi kachengchi theung i phyrei khumichi ly tleh naira avum ai. Na i py huna nai tleh naira avum u nai molam y, khumichi i paleung ly chai ai. Hunichi ly Tameuh my khai pi nai neng tym pa-rei awm jo ai.

DANIELA 12:10

Khumi neangneangchi ly paleung chai u ai. Khumi hawi y naichi ly pany thai naira by y i, hawi y naira sa u veangveang ai. Khumi kacheng naini, pany thai naira nga ai.

JOELA 2:32

Na i py Areng teng y kasabawmra hnei nai khumi bawibawichi ly atleu naira nga u ai. Areng my leu pei nai kamta, ‘Jerusalem mary y awm nai khumi phyreichi ly deira i nai tleaung u ai; kai i vawi takhra nai khumichi ly dei y naimy awm u jo ai,’ napi.”

Levi 26:12

Kai ly nangchi hawi vanrei awm ai; kai ly nangchi i Tameuh ne i, nangchi py kai i khumichi lawm ai.

ZEKHARIAH 10:6

“Kai ly Juda khumichi ai atho awm hai iy, Israela khumichi ai atleu ai. Kai ly nichi ai pahen iy, mychi i saleaung khuteng mang y pahawi teang ai. Nichi ly kaimy mana khala py khai su vai y nai khumichi kamta lawm ai. Kai ly nichi i Areng Tameuh ne iy, nichi i chiu sa nai pathang pi ai.

ZEKHARIAH 12:10

“Kai ly Davida i kangpreangchi hawi Jerusalem mary i takhra khumichi ai pahen ai nai phailo, chiu sa ai kawp nai phailo hawi angym hai ai. Nichi ly mychi i haisau hawi thun iy padei nai khumi ai khen iy, chapo leaungrei awm khyh nai i vui y vo tangam nai kamta, huni khumi i vui vo tangam u ai. Nichi ly chapo chalu dei nai khumichi kamta, khri pa-rei vo tangam u ai.

ZEKHARIAH 8:8

Jerusalem mary y awm u ai nai nidym, nisi mang i dengdairei, nichi ai kapahawi ai. Nichi ly kai i khumichi lawm ai. Kai py nichi i Tameuh lawm ai i, nichi ai leu meitang hawi ka-ym awm naimy peang ai.

AMTAW 2:21

Naibaly hina nai ne ai, Ami py Areng i amyn y palau nai ngierei ly heng ai,’ napi.

HEBRAI 8:10

Ati mana nai mo nabaly huni neng bo y ly Kai ly Israelachi dengtheung teng y leu maikawm khai nai ly hini ne he, nanai Areng my napi: Mymychi dawn naira y kai i leu pei naichi kapachei iy Nichi i paleung y py katajiu teang ai; Naibaly kai ly nichi i vui y Tameuh kalawn ai i, Nichi ly kaimy i vui y kai i khumichi lawn ai;

JAKOB 1:12

Cham naira kham pajau tanga nai keung ly taham hawi, cham pajau nai bo y ni ly Areng my mymy ai tamen naichi teng y adeu nai hengra lukym nga ai.

I PETERA 4:12

Amjo amnau ngai parai naichi awi, nangmychi ai cham ai nai, nangchi i tlang tleaung y tym nai, nangchi theung y awm nai mai kamta cham naira ly rengrang tlai, nanai dawn u moh:

AMTENG HAI NAI 21:7

Pajau nai keung ngierei ly hunichi ai amtym ai; naibaly kai ly ni i Tameuh kalawn ai i, ni py kai i chapo lawn ai.

AMTENG HAI NAI 8:10

Naibaly kani pri i amtaw thau nai pa-thom i nai ly eng i, ka-si kalen pui harei, maiteaung kamta angveaung nai ly kani mang i dengdairei ang tla bo; naibaly huni ly tavo phy thomrei y phyrei tleaung y hawi, tuinochi tleaung y py tla bo:

AMTENG HAI NAI 8:11

huni ka-si amyn ly Tareng Sang Chy ne: naibaly tui phy thomrei y phyrei ly tareng sang chy lawn bo; hunaibaly tui ai ly kho hai nai deaungkho y khumi neangneangchi dei bo.

AMTENG HAI NAI 8:12

Naibaly kani pri i amtaw thau nai palyh i nai ly eng i, kanito phy thomrei y phyrei hawi, lo phy thomrei y phyrei hawi, ka-sichi phy thomrei y phyrei py chau bo; hunaibaly nichi phy thomrei y phyrei ly kaveng lawn veng bo; kanithun py phy thomrei y phyrei ly angvang y, vum py hunai kamta ne teang.

AMTENG HAI NAI 8:7

Naibaly kangman keh nai ly eng i, ji hawi mai, thi hawi abawi paraw para naimy awm tamangtang bo; hunichi ai ly khaileaung y aphi kathiu bo; naibaly khaileaung phy thomrei y phyrei ly kang bebe bo, dengkeaungchi py phy thomrei y phyrei ly kang bebe bo, acha kangheng bawibawi py kang bebe teang bo.

AMTENG HAI NAI 8:8

Naibaly kani pri i amtaw thau nai pa-nyh i nai ly eng i, mawi pui ka-tawm kang thym naimy pangli y aphi kathiu bo: naibaly pangli phy thomrei y phyrei ly thi lawn vui bo;

AMTENG HAI NAI 8:9

naibaly pangli i heng nai amjy phy thomrei y phyrei ly dei i, paleaungchi py phy thomrei y phyrei ai ly taphra bo.