ZEKHARIAH 12:4 - Khumi Common Language Bible

⁴ Huna nai khala kai ly huni khumichi i keaungngochi ai, kapajei iy keaungngo atang nai risachi ai pathu hai ai. Juda khumichi ai kaimy kry ai. Paleung ka-echi i keaungngochi ai ly mei paju hai ai.

ZEKHARIAH 12:4 ပူးပေါင်းရင်းမြစ်များ

1 ARENG KEH 8:29

Nang ai chiu ai nai nangmy vawi takhra pi nai, hini Achura Yhm ai vum kanithun typ pi jojo kyh ba. Hini Achura Yhm mang y mo tha naimy kai, chiu sa nai khala tangai pi kyh ba.

2 ARENG KEH 6:14

keaungngo atang nai risachi, tavai ka-richi hawi tavaimichi ai huni meingtym y pato. Nichi ly vum y tym u i, mary y katanmeuh bo.

2 ARENG KEH 6:18

Suria tavaimichi sahawi y tym nai kala Elisa my, “Aw Areng, hini khumichi ai mei paju hai pawn ba! nanai chiu sa i, Areng my huni khumichi i mei paju hai pawn bo.

2 NENG SATANG 6:20

Hini Achura yhm ai vum, kanithun kry pi ba. Hini meingtym y nang ai chiu ai nai tla, nanai nangmy leu pei nai deaungkho y, hini Achura yhm mang y motha naimy, kai chiu sa nai khala tangai pi kyh ba.

2 NENG SATANG 6:40

“Aw kai i Tameuh, vai kaichi ai khen iy, hini meingtym y chiu sa naichi tangai pi kyh ba.

2 NENG SATANG 7:15

Kai ly hini Achura yhm kry pi ai. Hini Achura yhm y chiu sa naichi pathang pi ai.

NEHEMIA 1:6

Aw Areng, kaichi ai khen ly nang i miseaung Israela chengchi i vui, vum kanithun kai i chiu sa hnei takeng nai tangai pi kyh ba. Israela chengchi ne nai kaichi ly kamngo sa tamang nai khumichi ne, nanai kai my ahui bo. Kaichi i amsi pajochi hawi kai ly kamngo sa bo.

ISAIA 24:21

Kani khusang ai peang nai vawinamchi hawi khaileaung y peang nai samrangchi ai, Areng my pajeng nai neng tym ai.

ISAIA 37:17

Aw Areng, vai kaichi i hnei nai tangai pi kyh ly kaichi ai khen ba. Tameuh kangheng napi nai nang ai thui tamawn nai keung Senakheri i thui nai ngiereichi tangai cham.

JEREMIA 24:6

Nichi ai kry iy hini pri y kapahawi ali teang ai. Kai ly nichi ai taphra y naimy kapalum ai; akyn vui y naimy kaui ai.

Ezekiela 38:4

Kai ly ni ai pahi iy ni i kajai y tamo leangkhawnchi hawi vawn iy, ni i tavaimichi hawi vanrei ryh jo ai. Ni i tavaimichi ly keaungngochi, ateaung ka-tawmri keaungngo atang nai tavaimichi kawi angym naimy, khri pa-rei hubai nawi na. Tavaimi ngireichi py khupui katheang kalen hawi, haisauchi pa u nai ne.

Ezekiela 39:20

Kaimy sa pi nai cha nei pawira y nichi ly keaungngochi hawi keaungngo atang nai risachi, tavaimichi hawi tavai keung y abawi naichi i ngan cha ai nai nga u ai. Hini ly sa thai naira angym nai kai, Areng my pei nai leu ne,” napi.

DANIELA 9:18

Aw Tameuh, kaichi i hnei takeng nai tangai pi kyh ba. Kaichi ai khen ly nang i amyn hawi sa nai huni mary i patang nai ai, pany pi kyh ba. Kaichi ly kaimychi i hawi nai, kateng sa nai molam y ny y naimy, nang i pahen naira len parai nai saho y chiu kang sa.

ZEKHARIAH 10:5

Juda khumichi ly lamchira i aneaung kapan theung y, paleung ka-echi ai chiu piupa nai tavaimichi kamta, eaung naira nga u ai. Areng ly nichi hawi vanrei awm nai deaungkho y, nichi ly paleung ka-e keaungngo atang nai risachi ai malawn py tiu nai pajau vui ai.

ZEKHARIAH 12:11

Huna nai khala Jerusalem mary y vo tangam nai ly Mekido adym y Hadad Rimon mary i vui vo tangam nai kamta, khri pa-rei atawm ai.

ZEKHARIAH 12:3

Na i py huni neng khala y kai ly Jerusalem mary ai, ji parai nai lengseaung pui kamta lawm hai ai. Huni lengseaung pui ai atho sa iy kateang nai khumichi ly no nga u ai. Khaileaung pri y awm nai khumi cheaungkhangchi ly huni mary ai katanmeuh iy tiu u ai.

ZEKHARIAH 12:5

Naibaly ati cheaungkhang sa thai nai Areng Tameuh ly ‘Jerusalem mary y awm nai mymy i khumichi ai atho pei bo, nanai Juda nupaichi ly mychi tengtawi katheu u ai.’

ZEKHARIAH 12:6

“Naibaly kai ly Juda nupaichi ai, kangmaru mai kamta py, choh myn jawn nai hlau y kang nai mai kamta py lawm hai ai. Nichi ly mychi tengpang sahawi i awm nai khumi cheng bawibawichi ai tamyh u pawn ai. Jerusalem mary i khumichi ly mychi i mary theung y chymme naimy awm u ai.

ZEKHARIAH 14:15

Paleung ka-e tairachi i keaungngo, kula-iu, keaungngo kano kasau napi nai tawnbawichi tlang tleaung y py, ka-jei awm nai no kanghawi tym hai ai.

ZEKHARIAH 9:8

Kai ly kaimy i pri ai mani tavaimichi py, tako prei thai y ai nai kry ai. Samrang hawi y naichi ai py, kai i khumichi ai ana ai nai pei ai ny y. Kai i khumichi patang naira avum nai kaniu bo,” napi.

AMTAW 17:30

Hunaibaly Tameuh my achi i pany y khala i neng ly dawn pi y leang; na i py vai ly meingtym tleirei i khumi bawibawichi ai uikhei ai nai leu ang pei bo;

Leu Thui Nai 28:28

Areng my nangchi theung y pathu nai, mei paju nai, mynkym nai, huna naichi tym ai.