ZEKHARIAH 12:2 - Khumi Common Language Bible

² “Kai ly Jerusalem mary ai kreip hang khau lawm hai ai. Mary tengpang sahawi i khumi cheng cheaungkhangchi ly huni kreip hang nei iy nei cha ala naichi kamta, atlym u khikha ai. Nichi ly Jerusalem mary ai katanmeuh iy tiu u nai khala, takhra Juda marychi py, katanmeuh naira avum ai.

ZEKHARIAH 12:2 ပူးပေါင်းရင်းမြစ်များ

SAM 75:8

Areng ly kado theu naira napi nai ma-hang nai kreip hang khau ly mymy i kiu y syn. Huni kreip hang ai mymy lei nai khala, khumi hawi y naichi ly nei u bo; nichi ly maidenreichy py by y na pa-rei nei u pyn nai ne.

ISAIA 51:17

Aw Jerusalem mary, anglaw jau! Amymy ai apalaw ly ang thau jau! Areng my kado theu nai deaungkho y, nang ai pei nai khaura i pajeng nai kreip hang nang ly nei bo. Huni ai nei nai deaungkho y pavui tapai nai ne.

JEREMIA 25:15

Israela chengchi i Areng Tameuh my kai teng y, “Nang ly kai i kado theu naira kawi nai hini kreip hang khau ai, kai teng i nai la iy nang ai kang pato nai khumi cheng cheaungkhangchi ai panei.

JEREMIA 25:17

Hunai deaungkho y kai ly Areng kiu i nai khau la iy, kai ai mymy i pato nai khumi cheng cheaungkhangchi teng y, huni kado theu naira hang kapanei nai ne.

JEREMIA 49:12

Pajeng naira avum ai nai avo y naichi malawn py, pajeng naira avum u lawh baly, nangchi ly pajeng naira khau nei y naimy awm u ai, nanai athang khai u a? Nangchi ly meitang khyp, kamngo khau nei u ai!

JEREMIA 51:57

Huni mary i peang nai keungchi, khumi kachengchi, lu sa naichi hawi tavaimi risachi ai pavui tapai hai ai. Nichi ly i ngym chum baly, mana khala py anglaw u ai ny y. Hini ly kai samrang i thui nai leu ne; Kai ly ati cheaungkhang sa thai nai Areng ne.

JEREMIA 51:7

Babulon mary ly kai i kiu y syn nai muku khau hawi, khaileaung pri verei ai pavui hai nai kreip hang khau hawi atawm. Khumi cheng cheaungkhangchi ly huni khau i kreip hang nei iy, pathu tapai u be bo.

JEREMIA 8:14

Tameuh i khumichi my, “Achi ly ati mana nai y ateh u tliu lawh mo? Jeu u ly amtangra marychi mang y angpreng iy, achi dei u sina. Achi i Areng Tameuh ly achi ai dei hai bo. Achi ly mymy i tlang tleaung y kamngo sa nai deaungkho y, mymy ly achi nei ai nai dei asi abawi nai tui panei bo.

HABAKKUK 2:16

Nangchi ly tahm awm ai nai tleaung y, kangji nga ai nai neng tym ai. Nangmychi kypkyp py, neicha iy pavui tapai u ai. Areng ly nangchi ai kamngo pajeng nai khau nei hai ali teang iy, nangchi i tahm awm nai ai ly kangji nga nai mang y tym hai ai.

ZEKHARIAH 14:14

Juda khumichi ly Jerusalem mary i vui y amtang hai ai i, khumi cheng cheaungkhangchi i yhmtheaung katuichi napi nai muku tangka hawi ateaung alang neangneangchi ai, atiura i nga nai vawnsai palawn iy la pi pawn ai.

ZEKHARIAH 14:2

Areng ly Jerusalem mary y tiu ai nai pangym iy hawi ai. Huni mary ai ly peang vui ai. Yhmchira i nai lawm vui ai i, neampachychi ai ly pajang u ai. Khumi phy ka-hyhrei ly pri pala naira avum u ai; huni bo i phy ka-hyhrei ly huni mary i nai asyh u ai ny y.

AMTENG HAI NAI 14:10

huni khumi kypkyp my py Tameuh i kado theu naira kreip athai hang, ati sai py abawi y naimy mymy i kado theu nai khau y tui abawi y naimy katlen yb nai ly nei ai nai tla ai; naibaly kani pri i amtaw thau naichi i mei ka-niu y hawi, Beram Cho i mei ka-niu y py mai hawi kan y ni ai patang hai takengkei ai:

AMTENG HAI NAI 16:19

Naibaly avang pui my ly phy thomrei lawn i, cheng cheaungkhangchi i avangchi py anawi be bo; naibaly mymy i kado theu nai ka-teng ny y nai kreip athai hang khau ly huni teng y tuih ai nai, Babulon avang pui ly Tameuh i mo y pany jo nai awm bo.

AMTENG HAI NAI 18:6

Huni i chih nai kamta khyp my chih u teang, mymy i atiti sa nai kamta ly phy nyhrei heung u ly:mymy i atiti katlen yb nai khau y ly mymy i vui y phy nyhrei katlen hai u.