ZEKHARIAH 12:12 - Khumi Common Language Bible

^12-14 Huni pri theung y awm nai yhm dengtheung tleitleireichi ly vo tangam u ai. Samrang Davida i kangpreang yhm dengtheung, Nathan i kangpreang yhm dengtheung, Levi kangpreang yhm dengtheung, Shimei i kangpreang yhm dengtheung, takhra yhm dengtheungchi napi nai, huni pri y awm nai yhm dengtheungchi ly paleung si vo tangam u akyhkyh ai. Yhm dengtheung ha hareichira y py, neampachochi takhra, neampachychi takhra vo u ai.

ZEKHARIAH 12:12 ပူးပေါင်းရင်းမြစ်များ

2 SAMUELA 12:1

Areng ly amo Nathan ai Davida teng y pato nai deaungkho y, Nathan ly chei i samrang teng y, “Kanirei nai khala y mary hareira y khumi leaung nyhrei awm. Leaungrei ly nang i, leaungrei nai ly mawn parai.

2 SAMUELA 5:14

Jerusalem mary y awm nai thym khala y, ni i vui tapen pi nai cho chanauchi ly: Shammua, Shobab, Nathan, Solomon,

THEU NAI 12:30

Huni vum y samrang py, mymy i bangtangchi py, Aikupta khumi bawibawichi py, ang thau u iy, vo u lengleang na bo. Ati mana nai mo na baly chapo chalu dei y nai yhm ly harei py by y nai deaungkho y ne.

JEREMIA 13:18

Areng ly kai teng y, “Samrang hawi my i amhm i apu parai nai areng lukhymchi ly mychi lu i nai tla pawp veng bo i, nichi teng y mymychi i samrang atehra i nai satlo u sy, nanai thui pi.

JEREMIA 3:21

Mawi aheungchi salo y raawi thai nai ne. Huni raawi ly Israela mipuichi i kamngo theung y anum naimy mymychi i Areng Tameuh ai tami u veng nai deaungkho y, vo tangam nai tarawi y hnei takeng u nai raawi ne.

JEREMIA 31:18

“Israela chengchi i paleung si naimy takeng nai ly kai thai bo. ‘Aw Areng, kaichi ly aveng nai sicho hawi atawm; na i py nang ly kaichi ai leu tangai ai nai patiu pi nai ne. Kaichi ai pahen ali teang kyh ba. Kaichi ly nang teng y vawi ali teang ai nai angveirym bo. Nang ly kaichi i Areng Tameuh ne.

JEREMIA 4:28

Khaileaung ly vo tangam ai; kani khusang ly veng pam na bo. Areng my leu pei chum baly mymy paleung ly takhra lawh ai ny y. Paleung y dawn pasym chum baly mymy ly palai teang ai ny y.

JOELA 2:16

Khumichi ai pangym iy, tahm awm nai achupui angvei u rym. Saneng len nai khumichi ai palau iy, deaungdi katheangchi hawi kanu nei thym naichi ai angym hai u; apom ang vawi nai aju juvochi malawn py, mymychi i yhm takunchi khai su ai nai tla ai.

ZEKHARIAH 12:11

Huna nai khala Jerusalem mary y vo tangam nai ly Mekido adym y Hadad Rimon mary i vui vo tangam nai kamta, khri pa-rei atawm ai.

MATTHAI 24:30

huna nai kha y ly Khumi i Chapo i ka-ma-ra ly kani mang y amteng ai: naibaly huna nai khala y ly khaileaung pri i cheng cheaungkhangchi ly vo iy paleung y atum ai i, Khumi i Chapo ly atiti sa thai naira hawi khri pa-rei nang parai naira hawi kani mang i khupanym tleaung y jeu nai niu ai.

LUKA 3:31

huni ly Melea i chapo ne, huni ly Menna i chapo ne, huni ly Matatha i chapo ne, huni ly Nathan i chapo ne,

I KORINTH 7:5

Chiu sa ai nai apei hawi thai ai nai hawi, amkawm hawi bi thai ai nai, kra y nai sala chy i vui y avo na hawi mei nai ny y baly, apei y ai nai so moh, ti y baly amkym pajau y nai deaungkho y Setan my nangni ai parawi lawh na.

AMTENG HAI NAI 1:7

Khen u cham, mymy ly khupanym theung y ang jeu ai bo; naibaly mei bawibawi hawi, ni ai thun naichi py mymy ai niu ai; naibaly khaileaung pri cheng cheaungkhangchi ly mymy deaungkho y vo hang u ai. Ne sy. Amen.