ZEKHARIAH 11:9 - Khumi Common Language Bible

⁹ Naibaly kai i beram kanghuchi teng y, “Kai ly nangchi i beram typ keung sa ai nai ngai y leang bo. Dei ai nai beramchi ly dei palai jau sy; tleh ai avo nai beramchi ly tleh naira avum u teu na sy; dei kamthum beramchi py, mychi tengtawi apadei u ai,” nanai thui bo.

ZEKHARIAH 11:9 ပူးပေါင်းရင်းမြစ်များ

JEREMIA 19:9

Paleung ka-echi ly mary katanmeuh iy nichi ai tleh ai nai atho sa u ai. Nichi ly mychi tengtawi acha u ai. Mychi i cho chanauchi ai malawn py cha u ai,” nanai leu thui pi ai nai kai ai leu pei nai ne.

JEREMIA 23:33

Areng my kai teng y, “Jeremia awi, kai i khumichi theung i leaungrei my mo, amo my mo, pathyp pi nai keung my mo, ‘Areng i leu pei nai ly ati mo?’ nanai ang deang nai khala y, ‘Nangchi ly Areng my kai vui mynjine nai y, nangchi ai paleang vui ai,’ nanai pathang pi ba.

JEREMIA 23:39

Kai ly nichi ai akhi iy nichi hawi nichi i amsi pajochi ai pei pi nai mary hawi vanrei, kai teng i nai kamlo y aphi vui ai.

JEREMIA 43:11

Nebukhadnezar ly ang jeu iy Aikupta pri y tiu i, eaung ai. Ni ly no kanghawi y dei ai nai khumichi ai, no kanghawi y dei hai ai. Langheng y hawi ai nai khumichi ai langheng y hawi ai. Tavai keung y dei ai nai khumichi ai, tavai keung y dei hai ai.

Ezekiela 5:10

Naibaly Jerusalem mary i amhm ampochi ly mymychi i cho chanauchi ngan cha u ai; cho chanauchi my py mychi i amhm ampochi i ngan cha u teang ai. Nangchi i dei kamthumchi ai py kai ly pajeng iy, meingtym tleirei y ahei hai ai.”

HOSEA 4:6

Kai i khumichi ly kai ai pany u y nai deaungkho y, pajeng naira avum u ai. Nangchi pathyp pi nai keungchi ly kai ai pany y i, kai i thui pi nai leu ai py tangai u y nai deaungkho y, kai ly nangchi ai kang khai su bo. Nangchi i chapochi ai py, pathyp pi nai keungchi ne, nanai kang palawn pi ai ny y.

ZEKHARIAH 13:8

hini pri i khumi phy thomrei y phy nyhrei ly dei ai.

MATTHAI 15:14

Nichi ai paka u reng moh; lam patei nai keung mei kamju teu. Hunaibaly mei kamju ai mei kamju my lam patei baly angawm y tla mei ai,” napi. Naibaly Petera my niteng y,

MATTHAI 21:19

Naibaly mymy ly lam teng y thaidu keung niu i chei tapai iy, ngam ny y baly ati sai py niu y; naibaly mymy ly huni teng y, “Vai dengdairei deungtasa khrairei athai moh sy,” napi.

MATTHAI 21:43

Hunai deaungkho y kang thui pi, Tameuh i peang naira ly nangchi teng i nai la pi veng ai i, huni pri i athai kamta athai ai nai cheng teng y au ai.

JOHAN 12:35

Naibaly Isu my nichi teng y, “Kangvang ly tanarei chy sala y nangchi theung y awm rai; kaveng my nangchi ai kai y ai nai kangvang awm nai sala y pavai u; ami py kaveng y pavai nai ly mymy i tako ai naira pany y.

JOHAN 8:21

Naibaly mymy ly nichi teng y, “Kai ly chei veng ai bo he, nangchi ly kai ai hau ai i, nangchi i kamngo awm jo naimy dei u ai: kai i chei ai naira y nangchi jeu thai y leang,” napi bi.

JOHAN 8:24

Hunai deaungkho y chy bo, ‘Nangchi i kamngo awm jo naimy dei u ai,’ kang napi nai ly; huni ly kai ne, nanai nangchi ym y baly, nangchi i kamngo awm jo naimy dei u thle thle ai,” napi.

AMTENG HAI NAI 22:11

Hawi y sa nai khumi ly hawi y nai so palai sy: chai y nai khumi ly chai y nai awm palai sy: khumi kahawi ly atiti kahawi so rai sy: khumi kachai ly chai nai awm rai sy.