ZEKHARIAH 11:8 - Khumi Common Language Bible

⁸ Kai ly kai ai niu ngai y nai beram typ keung leaung thomrei tlang tleaung y kham pajau y nai deaungkho y, nichi ai loreira y my kapaheng vui bo.

ZEKHARIAH 11:8 ပူးပေါင်းရင်းမြစ်များ

1 ARENG KEH 11:25

Rezon py Solomon heng nai ryrei ly Israela chengchi ai ka-jo hau jojo nai ne.

SAM 106:40

Hunai deaungkho y Areng ly mymy i khumichi ai kado theu hai; nichi ai paso nai ne.

SAM 5:5

Paleung len naichi ly nang i mo y kun ai nai ngo y; nang ly khumi hawi y nai bawibawichi ai niu ngai y bo.

SAM 78:9

Tavai ateaung thailihochi pa u nai Ephraim cheng theaungchi ly tavai atiu nai kani y angpreng u pawn nai ne.

ISAIA 49:7

Khumi cheng cheaungkhangchi my niu ngai y nai khri pa-rei avum iy, samrang hawi y naichi i miseaung teng y, Israela chengchi i chai parai nai Tameuh, atleu keung my, “Pri peang nai samrangchi ly nang ai law tleaung hai iy tahm ang khai u ai. Samrang i chapochi my py nang ai niu iy, tahm khai nai lu meung u ai.” Ati mana nai mo nabaly ka-ym awm nai Areng napi nai Israela chengchi i chai parai nai Tameuh ly nang ai vawi takhra nai deaungkho y ne,” napi.

JEREMIA 12:8

Kaimy vawi takhra nai kai i yhmtheaung kamtymchi ly daichi theung i khrangsichi kamta, kai ai ang tiu u lawh bo. Nichi ly kai ai ang hang hai nai deaungkho y, kai ly nichi ai kaniu ngai y bo.

JEREMIA 14:21

Nang i leu adeu naichi pany pi jo kyh ly khensi-me moh kyh ba. Nang i nang parai nai sai apu nai areng atehra, napi nai Jerusalem mary ai tahm panem moh kyh ba. Nang ly kaichi hawi asa nai Leu Maikawm ai taphra moh kyh ba.

JEREMIA 6:30

Kai, Areng ly nichi ai khai su bo. Hunai deaungkho y nichi ai tangka chang ei, nanai palau ai,” napi.

Ezekiela 14:5

Huni mynchi ly Israela chengchi ai kai hawi akhan hai bo. Na i py nichi ly kai i pathang pi nai deaungkho y, kai i tlang tleaung y ka-ym awm u ali teang ai.

Ezekiela 16:45

Nang ly ngamhm adui khyp nai bo. Nang i ngamhm ly juvo hawi cho chanauchi ai niu ngai y nai khumi ne. Nang hawi nang i ngamjo ngamnauchi ly atawm u i, nichi ly mymychi i juvochi hawi cho chanauchi ai niu ngai u y. Nang i ngamhm ly Hiti neampachy ne i, ngampo ly Amori cheng ne.

HOSEA 4:6

Kai i khumichi ly kai ai pany u y nai deaungkho y, pajeng naira avum u ai. Nangchi pathyp pi nai keungchi ly kai ai pany y i, kai i thui pi nai leu ai py tangai u y nai deaungkho y, kai ly nangchi ai kang khai su bo. Nangchi i chapochi ai py, pathyp pi nai keungchi ne, nanai kang palawn pi ai ny y.

HOSEA 5:7

Nichi ly Areng i tlang tleaung y ka-ym by y bo. Nichi i cho chanauchi py mymy i chanauchi ny y. Hunai deaungkho y hini khumichi hawi nichi i khaileaung meingtymchi ly kra y naimy phra ai.

HOSEA 9:15

Areng my, “Nichi ly Kilakala mary y hawi y nairachi sa amteaung u bo. Huni neng dengdairei kai ly nichi ai kaniu ngai y bo. Nichi i sa nai sai hawi y nai molam y, kai i pri theung i dengdairei, nichi ai patheu vui ai. Kai ly nichi ai tamen y leang bo. Nichi i lu sa nai keung bawibawichi ly kai ai tiu u nai ne.

Levi 26:11

Kai ly kaimy i Tabynakora awm nai deaungkho y, nangchi hawi vanrei awm ai. Nangchi ai mana kha py kang khai su y leang mang.

Levi 26:30

Kai ly mawi aheungchira i, nangchi i chiu nai meingtymchi ai taphra pi pawn iy, mui katui leng patlum nai maichamchi py panawi pi pawn ai. Nangchi i veuchi ai anawi jawn nai mynchi salo y aphi chup ai. Kai ly nangchi ai kang paso nai deaungkho y,

Levi 26:44

Na i py huna nai tym hai nai khumichi ly paleung ka-echi i pri y awm nai thym khala, kai ly nichi ai khai su ryp ai ny y, taphra py taphra vui ai ny y. Kaimy nangchi ai khai su lawh teu baly, kai hawi nichi sala asa nai Leu Maikawm ly phra vui ai. Kai ly nichi i Areng Tameuh ne.

LUKA 12:50

Na i py kai baptisma nga ai nai awm rai, huni law y nai ryrei ly kai khri taho amchei na ly.

LUKA 19:14

Na i py mymy i khumichi ly ni ai niu ngai y i, ‘Hini khumi ai ly kaichi ai peang ai nai ngai y,’ napi ai nai kangkhym y savai pato.

JOHAN 15:18

“Khaileaung prichi my nangchi ai niu ngai y baly, nangchi ai niu ngai y rai khala y my kai ai niu ngai y nai bo, nanai nangchi pany.

JOHAN 7:7

Khaileaung prichi my nangchi ai ly niu ngai y ai nai awm thai y leang mang; kai naini nichi i atiti sa naichi ly hawi y, nanai thui pi pachai reng nai deaungkho y nichi ly kai ai niu ngai y.

Leu Thui Nai 32:19

“Areng my hunichi niu nai khala kado theu i, mymy i cho chanauchi ai khai su bo.

HEBRAI 10:38

Na i py kai i khumi kahawi ly ym naira deaungkho y heng ai; Ni ly nithun mang y anaw baly Kai i paleung ly den py ni ai kawn y ai.”