ZEKHARIAH 11:16 - Khumi Common Language Bible

¹⁶ Kai ly kaimy i beram kanghuchi i vui typ keung leaungrei khai pi i py, ni ly deira avum nai beramchi ai sabawm y; tama nai beramchi ai hau y; tamo nga nai beramchi ai hawi so pi y; dei kamthum beramchi ai py pacho y. Huna nai sa ai nai tleaung y ly veung hawi nai beram ngan cha iy, muikenchi py takheaung nai ne.

ZEKHARIAH 11:16 ပူးပေါင်းရင်းမြစ်များ

ATITI AWM ANGCHEI NAI 31:38

Kai ly nang hawi vanrei saneng apomrei awm ahawi bo; nang i beramchi hawi mi-ichi peung y ai nai taphra nai py by y; nang i tawnbawi kanghu theung i beram katai tleh iy cha vui nai py awm vai y.

ATITI AWM ANGCHEI NAI 33:13

Jakob my ly “Nang i niu nai kamta deaungdichi ly theangtlai rai i, tawnbawichi hawi chochi ai py kadawn hai: nichi ai kani khengrei tako hai baly kanghu verei dei be ai.

ISAIA 40:11

Mymy ly beram typ nai keung kamta, mymy i beram kanghu ai pacho panei iy kry ai. Mymy ly beramchochi ai pangym iy, kiu hawi tapawm naimy nichi i amhmchi ai lam patei iy pahawi kajai ai.

JEREMIA 23:2

Mymy i khumichi ai kry ai tla nai samrang kangsochi teng y, Israela chengchi i Areng my, “Nangchi ly kai i khumichi ai khen y; kai i khumichi ai patheu iy ahei hai bo. Huna nai nangchi i hawi y sa nai molam y, nangchi ai pajeng ai.

JEREMIA 23:22

Nichi ly kai i kangviu y dawn tau naichi pany u lawh i khyly, kai i leu pei naichi kai i khumichi teng y thui pi ai i, mychi i hawi y sa naichi hawi, mychi i kamngochi khai su pajau ai.

Ezekiela 34:10

Sa thai naira angym nai kai, Areng ly nangchi i paleung ka-e ne iy, kai i beramchi ly nangmy kry ai nai kalop ne, nanai angchi khyp thai hai nai bo. Kai ly kaimy i beramchi ai nangchi teng i nai la vui ai. Nangchi ly mana khala py nichi ai kry ai nai hawi, nangmychi ai naini akry ai nai py kang pei ai ny y. Beramchi ly nangchi i teicha lawm y pa-rei, kai ly kaimy i beramchi ai nangchi kiu i nai atleu ai.

Ezekiela 34:16

“Kai ly tama nai beramchi ai hau iy, lam tamang nai beramchi ai palau teang ai. Tamo nga nai beramchi ai kanih hawi bam iy, no nai beramchi ai asi sa pi ai. Na i py veung hawi iy atho awm nai beramchi ai tleh ai. Ati mana nai mo na baly kai ly kateng sa reng nai beram typ keung ne nai deaungkho y ne.

Ezekiela 34:21

Nangchi ly no nai beramchi ai tengpang mang y ie vui iy, beram kanghu theung i nai, taki hawi deng u phro bo.

DANIELA 11:36

“Suria samrang ly mymy i paleung y ngai nai kamta sa ai. Mymy ly tameuhchi bawibawi tleaung y len keh nanai py, tahm asang parai nai Tameuh tleaung y len nanai py, amlyh nai leu katheu ai. Ni ly mymy ai Tameuh my kamngo pajeng nai neng tym nai ryrei, hina nai amlyh pajau ai. Ati mana nai mo na baly Tameuh ly mymy i dawn nai kamta, sa ai nai deaungkho y ne.

JOHAN 10:1

“Meitang khypkhyp kang thui pi, ami py beram hai y katheu pa-kho mang kun y naimy, takhra mang lyn iy kun nai ly mymy kypkyp ly kangviu khumi hawi damra teu.