Mymy i khumichi ai taphra iy ahei hai phro nai peang nai keungchi i tlang tleaung Areng my khai yb nai tara chih naira ly mana tanrei jei ai hawi na mo ly!
Nang i amochi ly ka-chawi leu ny y baly, nang teng y takhra leu thui u thai y leang. Nichi i thui nai ngiereichi ly nang ai li-tapawp nai teu; nang i kamngo mana khala py, amteng hai y nai deaungkho y, nang ly uikheih ai nai aly ngai y, nanai athang khai nai ne.
Sa thai naira awm nai Areng my, “Hini amo ka-khumchi ly taham si! Nichi ly kai i phailo my pany hai nai ngo y naimy, mymychi paseng amang iy thui u bo.
Vang teng y nai beram typ keung ka-khum ly taham si! Ni ly my i beram kanghuchi ai khai su bo. Tavai takai deaungkho y ni i sa thai naira bawibawi ai taphra vui ai. Ni i kiuban ly jeirawm vui iy, lamtang mei py paju ai,” napi.
Nichi ai paka u reng moh; lam patei nai keung mei kamju teu. Hunaibaly mei kamju ai mei kamju my lam patei baly angawm y tla mei ai,” napi. Naibaly Petera my niteng y,