ZEKHARIAH 11:11 - Khumi Common Language Bible

¹¹ Hunai deaungkho y Leu Maikawm ly huni kani y phra veng nai ne. Beramchi ka-jo ka-van sa nai khumichi ly kai ai khen u. Nichi ly kai i sa nai sai khen iy, Areng my leu pei nai awm, nanai pany u bo.

ZEKHARIAH 11:11 ပူးပေါင်းရင်းမြစ်များ

2 NENG SATANG 9:14

Arabia samrangchi hawi Israela khu ka-peang i aripeangchi my py, muku hawi tangkachi pei pi.

SAM 69:33

Areng ly ngari kamtang avum nai khumichi i, chiu sa hnei takeng nai tangai pi bo; theaung tla nai mymy i khumichi ai tami pi vui y leang.

ISAIA 14:32

Philistin pri i dengdairei ang jeu nai savaichi teng y, achi ati mana pathang ai mo? Areng ly Zion mary ai palum bo i, huni maryra y patang naira avum nai mymy i khumichi ly chymme naira nga u ai, nanai satang nichi teng y thui pi u sina.

ISAIA 40:31

Na i py Areng i kasabawmra ai ym nai khumichi ly atho kangtha nga u ai. Nichi ly ahmtlau kamta akheang thai ai. Angpreng i py akawm u ai ny y. Khuleaung chei i py paha u ai ny y.

ISAIA 8:17

Areng ly mymy i khumichi teng y meimai patei pi y; na i py kai ly mymy ai ym iy athang khai ai.

JEREMIA 32:8

Hunaibaly Areng i thui nai kamta, kai i amnau Hanamela ly kai i awm nai theaung theung y ang jeu iy, “Benjamin khu ka-peang theung y awm nai kai i li van ba. Nang ly kai hawi abi keh nai amjo amnau ne nai deaungkho y, huni khaileaung van ai nai avo keh,” napi. Huna nai khala y kai ly huna sa ai nai Areng my leu pei nai kapany i,

MIKHA 7:7

Na i py kai ly Areng ai ajeng ai. Kai ai atleu ai nai Tameuh ai ym naimy ajeng ai. Kai i Tameuh ly kai i chiu sa nai tangai pi ai.

ZEPHANIAH 3:12

Paleung apanem, neaung hawi nai khumichi ai, huni meingtym y kaimy khai ai. Nichi ly kai teng y jeu iy, abyh u ai.

LUKA 19:48

Na i py khumi mipuichi my ly mymy i leu hawihai tangai nai deaungkho y sa ai nai sai ngo u y.

LUKA 2:25

Naibaly khen cham, Jerusalem y ly amyn Simeon khumi leaungrei awm: huni khumi ly khumi kahawi hawi, Tameuh ai dawn parai nai khumi ne: Israelachi ai awm hai nem nai keung ai ly ajeng: mymy teng y Phailo Kachai awm.

LUKA 2:38

Hunai thym khala y mymy ly jeu khyp i Tameuh teng y kawn nai leu thui i, Jerusalem atleu ai nai athang khai nai ngiereichi teng y ly ni i satang thui pi.

LUKA 23:51

(Mymychi i tara chih nai hawi atiti sa nai py avo tapi y nai bo.) Judachi i avang Arimathai i khumi ne, Tameuh i peang nai ly tym ai nai athang khai reng nai ne.

LUKA 7:22

Naibaly mymy ly nini teng y, “Tako hawi ali teang ly, nangni i atiti niu nai hawi thai nai ly Johan teng y thui pi; mei kamjuchi py mei angvang u bo, kheu kangbaichi py tako u bo, keaungsichi ai py pachai bo, kano kapangchi py kano ha ali u bo, kadeichi ai py pathau bo, khumi kamawnchi teng y py Satang Kahawi thui pi bo.

Leu Thui Nai 31:21

ka-jei awm nai patangrachi khri pa-rei avum u ai. Na i py nichi i pany nai ka-ma-ra lawm ai nai hini khulym ly thui u ai nai tla. Kaimy pei ai adeu nai pri y kapahawi y rai khala my, nichi i paleung theung y dawn naichi kapany,” napi.

Leu Thui Nai 31:29

Kai dei nai bo y hini khumichi ly khumi hawi y naichi lawm u ai i, kaimy patiu pi nai ngiereichi khai su ai, nanai kai kapany. Vai mo mang y nichi ly Areng my paka nai hawi y naichi sa u nai deaungkho y, kado theu hai ai i, nichi ly ka-jeira avum u ai,” napi.