ZEKHARIAH 11:1 - Khumi Common Language Bible

¹ Aw Lebanon, nang i saitleang keungchi ly mai my kang ai nai nang i apai katheu pa-khochi paeaung ba.

ZEKHARIAH 11:1 ပူးပေါင်းရင်းမြစ်များ

JEREMIA 22:23

Nangchi ly Lebanon mawi i syn nai saitleang keungchi sala y chymme naimy awm u ai. Na i py deaungdi tapen ai achai nai neampachy kamta, no patang naira avum nai khala, nangchi ai ly khri pa-rei pahen ai nai hawi ai.

Ezekiela 31:3

Nangchi ly atho ham nai Asuria hawi atawm; huni pri ly Lebanon mawi i saitleang keung hawi atawm; huni keung ly khupanym y angteu vi na pa-rei asang i, changpichi angvai iy khen apu parai nai ne.

HABAKKUK 2:17

Nangchi ly Lebanon thengreungchi paliu u bo. Vai ly nangmychi kypkyp ai paliu nai avum u ai. Nangchi ly huni thengreung theung i amso tawnbawichi ai tleh u bo. Vai ly amso tawnbawichi my nangchi ai jei hyn hai ai. Nangchi my sa tamang nai khumi ai padei nai molam py, khaileaung pri y awm nai khumichi hawi marychira awm nai khumichi ai khrukhra hai naichi molam py, hina naichi tym ai.

HABAKKUK 2:8

Nangchi ly pri neangneangchira i khumichi ai tiu iy lawm u bo. Vai dei kamthum khumichi ly nangchi my khumi ai padei nai molam py, khaileaung pri i khumichi hawi, marychi ai tiu nai molam py, nangchi ai tiu iy lawm u ai.

HAKAI 1:8

Vaimy mawichi mang y chei u iy, dengkeaungchi lo u ly Achura yhm so u teang. Hunaibaly kai ly kawn ai; cheang baly avo nai kamta kai ai chiu u pajau ai.

ZEKHARIAH 10:10

Kai ly nichi ai Aikupta pri hawi Asuria pri dengdairei hawi ali teang iy, mychi i saleaung khutengra y meingtym tahyh pi ai. Nichi ai Kilead pri hawi Lebanon prira y py, meingtym tahyh pi ai. Naibaly khumichi awm naira meingtym akeaung y na pa-rei awm ai.

ZEKHARIAH 11:2

Aw maicha keungchi awi, vo tangam u; saitleang keungchi ly aheng pawn veng bo; apu parai nai huni keungchi ly phra pawn bo! Aw Basanra i ngopraibiu keungchi awi, vo tangam u; thengreung atu ai ly ateng biu vui bo.

ZEKHARIAH 12:6

“Naibaly kai ly Juda nupaichi ai, kangmaru mai kamta py, choh myn jawn nai hlau y kang nai mai kamta py lawm hai ai. Nichi ly mychi tengpang sahawi i awm nai khumi cheng bawibawichi ai tamyh u pawn ai. Jerusalem mary i khumichi ly mychi i mary theung y chymme naimy awm u ai.

Leu Thui Nai 32:22

Kai i kado theu nai ly mai kamta angveaung ai i, khaileaung tleaung y awm nai ngierei kang hai ai. Kado theu nai mai kangveaung ly tavau pri khrairei py, mawi kheutang khrairei py kang hai ai.