ZEKHARIAH 10:9 - Khumi Common Language Bible

⁹ Kai ly nichi ai khumi cheng cheaungkhangchi theung y ahei hai teu i py, huni palo parai nai meingtymchira i nai, nichi ly kai ai pany u jo ai. Nichi hawi mychi i cho chanauchi ly dei y naimy heng u i, mymychi i pri y vawi u ai.

ZEKHARIAH 10:9 ပူးပေါင်းရင်းမြစ်များ

NEHEMIA 1:9

Na i py nangchi ly kai teng y ali teang iy kai i leu pei nai tangai u lawh baly, khaileaung pri khuteng y khrairei ahei phro teu i py, nangchi my kai ai chiu ai nai khai takhra nai meingtym mang y kaimy kang pahawi ali teang ai.’

ESTHER 8:17

Samrang i leu pei nai satang tym nai pri khu ka-peang hawi mary neangneangchira y Juda chengchi ly amo theu parai naimy cha nei u i, amo theu nai pawichi sa u nai ne. Cheng takhra neangneangchi ly Juda chengchi ai jei u nai deaungkho y Juda reita y kun u bo.

ISAIA 44:21

Areng my, “Israela chengchi awi, hini satangchi pany u jo ba; nangchi ly kai i miseaung ne, nanai pany u. Nangchi ai kai i miseaungchi lawm ai nai kaimy sa nai ne. Hunaibaly kai ly nangchi ai mana khala py tami vui ai ny y.

ISAIA 64:4

Nangmy ai kadeaung u nai khumichi i vui y, hina nai kalopchi ai nang kamta sa pi nai Tameuh ai ly ami py niu vai y. Huni Tameuh satang thai py thai vai y.

ISAIA 65:23

Nichi i kalop ly chawn ai i, nichi i cho chanauchi ly patang naira avum u ai ny y. Kai ly nichi hawi nichi i kangpreangchi ai deung kangthau tleirei amtheaung hai jojo ai.

ISAIA 65:9

Juda chengchi ai amtheaung naira pei ai. Juda kangpreangchi ly mawi tleaung pri napi nai kai i pri amtym u ai. Kai i miseaung, kai i khumichi ly huni pri y awm iy amtym u ai.

JEREMIA 31:27

“Kai, Areng my, Israela pri hawi Juda pri y khumichi, tawnbawichi kawi hai nai neng kaimy tym hai ai,” napi.

JEREMIA 51:50

Areng my Babulon mary y awm nai mymy i khumichi teng y leu pei nai ly “Nangchi ly deira i nai law tleaung u bo! Vaimy theu u! Kaneu u moh! Nangchi ly nangmychi i pri hawi palo parai teu i py, nangchi i Areng napi nai kai ai pany u. Jerusalem mary ai py pany u.

Ezekiela 6:9

Nichi ly huni meingtym y pri palara avum nai khumi kamta awm u ai. Huna nai khala law tleaung nai khumichi ly kai ai pany u ai. Mymychi i ka-ym by y nai paleung hawi kai ai khai su iy, mynchi ai kai tleaung y paleung bie u keh nai deaungkho y, kai ly mana tanrei paleung si na mo, nanai pany u ai. Hunaibaly mymychi i sa nai hawi y naichi molam y mymychi naimy apaso u ai.

HOSEA 2:23

Kai ly kaimy i khumichi ai pri theung y awm hai iy, nichi ai nang chawn hai ai. Kai ly “tamen y” nanai amyn angam nai khumichi ai tamen ai. “Kai i khumichi ny y” nanai amyn angam nai khumichi ai kaimy ‘Nichi ly kai i khumichi ne’ nanai thui iy, nichi my, “Mymy ly kaichi i Tameuh ne,” nanai thui u ali teang ai.

AMOS 9:9

“Paho tleaung y chohnei alai nai kamta, kai i leu hawi Israela khumichi ai alai vui ai. Khumi cheng cheaungkhang theung y alai chum baly, ataing y nai khumi ngiereichi ai ly kaimy charyh vui ai.

MIKHA 5:7

Dei kamthum Israela chengchi ly Areng my tla hai nai kadam kamta, pri neangneangchi ai atho awm hai ai. Thengthai keungchi salo y, nai hai nai kanitui kamta lawm ai. Hunichi ly khumichi i leu tangai y i, Tameuh i leu naini tangai khyh nai ne.

AMTAW 8:1

Naibaly huni kani ly Jerusalem i awm nai palau takhra kamkawmchi ai khri pa-rei ana ai nai amteaung bo; hunaibaly amtaw thau naichi ny y baly nichi ly Judai pri hawi Samari pri meingtym tleirei y ahei bebe bo.

AMTAW 8:4

Naibaly ahei naichi ly meingtym tleirei y chei iy leu thui pi preiprei.

ROM AVANGCHI TENG Y PAWLA I CHA PA NAI 11:24

Nang ai ly amy i reita kamta awm nai oliv karam dengdairei ang do peu vui nai malawn py, reita kamta ny y naimy oliv keung kahawi y patawm naira awm baly, huni changpi tatangchi ai ly mymychi i oliv keung kypkyp y patwm nai mana tanrei ne ai mo?