ZEKHARIAH 10:5 - Khumi Common Language Bible

⁵ Juda khumichi ly lamchira i aneaung kapan theung y, paleung ka-echi ai chiu piupa nai tavaimichi kamta, eaung naira nga u ai. Areng ly nichi hawi vanrei awm nai deaungkho y, nichi ly paleung ka-e keaungngo atang nai risachi ai malawn py tiu nai pajau vui ai.

ZEKHARIAH 10:5 ပူးပေါင်းရင်းမြစ်များ

2 SAMUELA 22:43

Kai ly nichi ai tamyh nai deaungkho y, nichi ly spryh kamta dei lawm u na bo; lam salo i aneaung kapan chiu nai kamta, kai ly nichi ai kachiu bo.

2 SAMUELA 22:8

Hunaibaly Tameuh i kado theu nai molam y khaileaung ly amchyh na; kani mang i atitichi ly ahyn u bo.

2 ARENG KEH 9:33

Jehu my nichi teng y, “Tuni neampachy ai nui praw!,” napi. Naibaly nichi my Jezabela ai ly nui praw i, thichi ly samrang yhm angpang y hawi keaungngochi salo y achen khrikhra na bo. Jehu ly Jezabela i veu salo y my i tavai ka-ri hawi amli iy,

SAM 18:42

Ali my hm iy ahei pawn nai spryh kamta lawm hai ai nai nichi ai kaimy tamyh pawn bo. Lam salo i aneaung kapanchi kamta, nichi ai kaimy chiu piupa bo.

SAM 20:7

Phyrei khumichi ly mychi i tavai ka-ri hawi keaungngochi ai a-ym u. Na i py achi ly achi i Areng Tameuh ai a-ym u nai ne.

SAM 33:16

Samrang napi nai ly my i tavaimi kamkawm pui deaungkho y, tavai eaung nai ny y; Tavaimi risa py my i atho haiho molam y eaung nai ny y.

SAM 44:5

Kaichi ly nang i sa thai naira molam y, paleung ka-echi ai pajau nai ne.

SAM 45:3

Sa thai naira len parai nai keung awi, haisau atai ba; samrang ly sa thai naira hawi phum-ang kawi angym nai ne.

ISAIA 10:6

Tameuh by y nai cheng hawi, kai ai kado ang theu hai nai khumichi ai tiu ai nai Asuria chengchi ai kapato bo. Nichi ly lawm nai hawi paviu naimy, huni khumichi ai spryh kamta lamchira y chiu piupa ai nai, kaimy kapato nai ne,” napi.

ISAIA 25:10

Areng ly Zion mawi ai ama hai ai. Na i py Moba pri khumichi ly sieichi hawi angtlen nai chohphi kamta, ati piupa nai avum ai.

ISAIA 31:1

Aikupta pri mang y kasabawmra hnei ai nai chei naichi ly taham si! Nichi ly keaungngochi, tavai ka-richi hawi keaungngo atang nai risachi, napi nai Aikupta pri i tavai atho len nai ai ym u nai ne. Na i py Israela chengchi i chai parai nai Areng Tameuh ai ly ym u y. Kasabawmra nga ai nai mymy teng y py hnei u y.

ISAIA 41:12

Nichi ly khaileaung salo i nai tama u ai.

ISAIA 41:25

“Kai ly nisi pri mang i khumi leaungrei ai vawi yb bo. Ni ai palau iy tosyh mang dengdairei tiu hai ai. Laawm beu nai keung ly khaileaung laikan ai kheu hawi ati piu nai kamta, ni ly pri peang nai samrangchi ai chiu piupa ai.

ISAIA 8:9

Nangchi pri takhra khumi bawibawichi awi, jei hyn naimy akachu u! Kamlora i khumi bawibawichi awi, tangai u! Tavai atiu ai nai angvei u rym. Na i py kaso theu u! Nangchi ly huna nai angvei u rym teu i py, jei hyn u nai ne.

Ezekiela 38:15

nang ly nangmy i awm nai tosyh ngan mang dengdairei amsa ai. Khumi cheaungkhang abawi iy atho len nai keaungngo atang nai tavaimi risa kanghu pui hawi tavai thau ai;

AMOS 2:15

Thailiho pa nai khumichi py khaw u pajau ai ny y. Khri pa-rei angpreng rang nai khumichi py law tleaung ai ny y; keaungngo tleaung i khumichi py, mychi i tlang tleaung u pajau ai ny y.

MIKHA 5:8

Daichi mawi kanghu theung y tym nai khrangsi kamta py, beram kanghuchi theung y tym nai khrangsi kamta py, dei kamthum Israela chengchi ly cheng takhrachi theung y tym ai. Khrangsi ly beram kanghuchi theung y kun iy, beramchi ai kei piupa ai i, ami my py atleu pajau ai ny y.

MIKHA 7:10

Huna nai khala, “Nangchi i Areng Tameuh ly ma mang y awm mo?,” nanai panui hai naimy deng u nai, kaichi i paleung ka-echi ly hinichi niu i, kangji nga u ai. Nichi ly sum u nai deaungkho y, lamra i aneaung kapan kamta chiu piupa nai, kaichi niu ai.

HAKAI 2:22

pri bawibawichi ai taphra iy, nichi i sa thai naira jum hai ai. Tavai keaungngo ka-richi atang nai keungchi hawi vanrei akhum hai meuh ai; keaungngochi ly dei ai. Keaungngo atang nai risachi py, mychi tengtawi atleh u ai.

ZEKHARIAH 12:4

Huna nai khala kai ly huni khumichi i keaungngochi ai, kapajei iy keaungngo atang nai risachi ai pathu hai ai. Juda khumichi ai kaimy kry ai. Paleung ka-echi i keaungngochi ai ly mei paju hai ai.

ZEKHARIAH 12:8

Huni neng khala Jerusalem mary y awm nai khumichi ai, Areng ly kry ai. Hunaibaly nichi theung i atho di keh naichi malawn py, Davida kamta atho ham ai. Davida i katu chanauchi ly kani pri i amtaw thau nai kamta py, Tameuh mymy kypkyp py, nichi ai lu sa iy pahawi ai.

ZEKHARIAH 14:13

Huna nai khala y Areng ly khumichi ai khri pa-rei khrukhra hai iy jei hai ai i, khumi luteng ly mychi sahawi y avum nai khumichi ai tiu iy patiu u ai.

ZEKHARIAH 14:3

Naibaly Areng ly jangni neng khala i kamta theu iy, huni khumichi ai tiu ai.

ZEKHARIAH 9:13

Kai ly Juda pri ai tavaimi risa i thailiho kamta py, Israela pri ai thailiho chynchi kamta py teaung ai. Krik pri y tiu ai nai kai ly Zion mary i khumichi ai haisau palawn iy teaung ai,” napi.

MATTHAI 28:20

leu kang pei nai bawibawi tangai ai nai nichi ai patiu u. Naibaly khen cham, kaimy kypkyp ly neng tem pa-rei py nangchi teng y kang awm jojo ai,” napi.

MATTHAI 4:3

Naibaly parawi nai keung ly tym i mymy teng y, “Nang ly Tameuh i Chapo ne nabaly hini lengseaung ly tako lawn ai nai leu pei bei,” napi.

LUKA 24:19

Naibaly ni my ly nini teng y, “Ati satang mo?” napi. Naibaly nini ly ni teng y, “Nazaret Isu i satang; mymy ly Tameuh hawi khumi bawibawi i mei ka-niu y leu y hawi atiti sa naira y py amo amyn amthang parai nai ne;

AMTAW 18:24

Naibaly Juda leaungrei amyn Apolo napi nai, Aleksandria avang y tapen nai, leu thui kawp parai nai khumi ly Ephesi avang y tym, mymy ly Tameuh i leu py khrikhri pa-rei pany.

AMTAW 7:22

“Naibaly Mosi ai ly Aikupta pri khumichi i cheng naira bawibawi patiu i, mymy i leu y hawi atiti sa naira y py khrikhri pa-rei ham na.

II KORINTH 10:4

(kaichi i tavai ateaungchi ly tlang y awm nai ny y leang, apai khaw parai naichi aphrei ai nai ly Tameuh i saho y atiti sa thai nairachi ne);

Leu Thui Nai 20:1

“Nangchi ly paleung ka-echi ai tiu naira y, nangchi tleaung y atho len nai ka-ri kamkawm, keaungngo kamkawm, tavaimi kamkawmchi hawi avum nai khala, nichi ai jei u moh. Nangchi ai Aikupta pri i dengdairei atleu nai keung Areng Tameuh ly nangchi hawi vanrei awm hai ai.

II TIMOTHEI 4:17

Na i py aeu nai leu ly kaimy deaungkho y thui pi angym thai ai nai hawi, Cheng Takhra bawibawichi ly thai ai nai py Areng ly kai ai ama hai i, ham hai:khrangsi takai i labeaung i nai py kai ai ang tleaung hai.

II TIMOTHEI 4:7

Angpreng acham naira y atho kasa iy tem pa-rei kangpreang bo: ym naira ai ly katyp me chum veng bo.

JOSUA 10:14

Areng ly khumicho leaungrei i leu ai, huni kani y tangai pi nai ne. Huna nai kamta tlenrei py awm vai y, mo mang py awm ai ny y. Areng ly Israela chengchi mang y sabawm iy, tavai tiu pi lawh ly!

JOSUA 10:42

Israela chengchi i Areng Tameuh ly Israela chengchi mang y asa hai nai deaungkho y, Josua ly huni samrang bawibawichi hawi, nichi i prichi ai tiu i eaung veangveang nai ne.

AMTENG HAI NAI 19:17

Naibaly kanito y angdo nai kani pri i amtaw thau nai leaungrei ai kaniu; naibaly ni ly kani laileaung y angkheng nai tavo bawibawichi teng y ly tao pajeng parai naimy,

1 SAMUELA 16:18

My teng y awm nai miseaung leaungrei my, “Bethlehem mary y awm nai Jesai teng y, taro beu kawp nai chapo leaungrei awm; ni ly sorai paleung awm nai, mo-cha hawi nai, tavai atiu kawp nai, leu haidau awm nai khumi ne. Areng ly ni hawi vanrei awm,” napi.