ZEKHARIAH 1:6 - Khumi Common Language Bible

⁶ Kai ly kaimy i amochi dengdairei, nangchi i amsi pajochi teng y leu pei naichi hawi pany hai nai leuchi kapei pi nai ne. Na i py nichi ly kai i leu ai dawndan u y nai deaungkho y, avo nai kamta pajeng naira avum u. Huna nai khala nichi ly uikheih u. Ati cheaungkhang sa thai nai kai, Areng ly kaimy i dawn yb nai kamta, nichi ai kamngo vang kamlau parip nai ne, nanai py pany u ai,” nanai nichi teng y thui pi ai nai leu pei nai ne.

ZEKHARIAH 1:6 ပူးပေါင်းရင်းမြစ်များ

2 ARENG KEH 15:12

Hunai deaungkho y Areng my Jehu teng y, “Kai ly nang i katu chanauchi ai deung palyh tym pa-rei,Israela pri peang hai ai,” nanai leu pei nai kamta bo.

JOBA 6:29

Nangchi ly anawn ai nabaly, anawn ai nai avo bo. Avo akheang y nai leu thui u moh jau. Kai i tlang tleaung y kamngo pajeng ai nai so u reng moh. Kai teng y kamngo by y leang.

ISAIA 21:17

Huni cheng theaungchi theung y sorai paleung awm keh nai thailiho pa naichi py, maidenreichy awm khyh ai. Hini ly Israela chengchi i Tameuh kai, Areng my thui pi nai leu ne,” napi.

ISAIA 44:26

Na i py thui pi yb nai sai sairei ai kai i miseaung my sa nai khala py, kai i dawn tau naichi pany hai ai nai, amtaw thau leaung leaungrei ai kapato nai khala py, kai ly dawn pasym naichi hawi thui yb naichi, katym hai khyp nai ne. Jerusalem mary y khumichi awm u ali teang ai. Juda marychi sa palum u teang ai, nanai huni mary tleirei y, kaimy thui pi bo. Huni marychi phra naira i nai, lo-pa ali teang ai.

ISAIA 55:1

Areng my, “Tui ahai nai khumi bawibawichi awi, jeu u; hi y tui awm! Paisa tangka by y nai khumichi awi jeu u ly, choh van iy cho u! Kanu tui hawi kreip hang vang u! nangchi ati sai py vang tlo y leang!

ISAIA 55:11

Kai i thui nai leuchi py, hina nai kamta tym hai ai. Huni leuchi ly kai i dawn pasym naichi angym hai ai. Kai i pataw nai kalop ngiereichi sa ai.

JEREMIA 23:20

Huni kado theu naira ly mymy i sa ai tau nai ngiereichi amcheang y ryrei ly rym lawh ai ny y. Hunichi ai mymy i khumichi ly tym ai nai neng kani khala y, chaipyn pa-rei pany u ai,” napi.

JEREMIA 26:15

Na i py kai ai padei ai nai tau u lawh baly, nangchi hawi hini mary i khumi bawibawichi ly kamngo by y nai khumi ai padei nai molam y kamngo tla u ai, nanai hawihai palai apany u. Ati mana nai mo nabaly kai ai pato iy nangchi teng y hini leu thui hai nai keung ly Areng ne nai deaungkho y ne,” napi.

JEREMIA 28:17

Naibaly amo ananiah ly huni saneng saryh lo y my dei vui bo.

JEREMIA 32:24

“Babulon khumichi ly hini mary ai katanmeuh iy tiu vui thai ai nai, abyhra amkeuchi mary kamki sa u. Nichi ly tiu u dudu bo. Tavai takai, tahum takang hawi no kanghawichi deaungkho y, hini mary ly nichi i kiu y tym vui ai. Aw Areng, nang ly nangmy i leu pei nai ngiereichi teng khyp, nanai niu nai ne.

JEREMIA 36:28

“Nang ly takhra cha aeang harei la iy, samrang Jehojakim my mai leng veng nai cha aeangra y abawi nai leu sai ngiereichi ai tajiu ba.

JEREMIA 39:16

Mymy ly “Nang ly Ethiopia cheng Ebedmeleh teng y, Israela chengchi i Tameuh, ati cheaungkhang sa thai nai keung Areng my, kai ly vaichi khala y thui pi yb nai kamta, hini mary phra seaungkhrang hai ai. Hini mary ai nang chawn hai ai ny y. Neng tym nai khala y hini atitichi tym nai niu ai nai nang ly huni mary y awm ai.

JEREMIA 4:4

Nangchi i Areng, napi nai kai hawi nangchi i Leu Maikawm asa nai ly patawm u. Nangchi Juda mipuichi hawi Jerusalem mary i khumichi awi, kai teng y nangchi i tlang a-au u. Huna nai kamta so y lawh baly nangchi i sa tamang nai kamngo deaungkho y, kai i kado theu naira ly mai kamta angveaung ai. Huni mai pathym ai nai khumi leaungrei py awm ai ny y,” napi.

JEREMIA 44:2

Israela chengchi i Tameuh, ati cheaungkhang sa thai nai keung Areng my, “Jerusalem mary hawi takhra Juda marychi ai kaimy ka-jeira tym hai nai ly nangmychi kypkyp my niu chum bo. Huni marychi ly vaini khrairei phra seaungkhrang iy khumi angso savai tlang jo nai ne.

JEREMIA 44:28

Na i py nangchi theung i maidenreichychi ly dei y naimy, Aikupta pri i dengdairei Juda pri y vawi u ai. Huna nai khala y Aikupta pri y tym u nai Juda khumi heng rai naichi ly mychi i leu hawi kai i leura y, ami i leu ly teng keh mo, nanai pany u ai.

JEREMIA 44:29

Kai ly hini meingtym y nangchi ai kang pajeng ai, nanai py nangchi ai kang tamyh ai, nanai kai i leu teng khyp ai, nanai py nangchi teng y kai Areng my pany hai ai.

JEREMIA 44:6

Hunai deaungkho y kai ly Juda marychi hawi Jerusalem lamchi salo y, kai i kado theu naira kaleih iy, huni marychi ai mai kang hai ai. Huni marychi ly phra seaungkhrang naimy awm iy, vaini niu nai kamta khumichi i mei ka-niu y ka-jeira lawm bo.

JEREMIA 5:14

Ati cheaungkhang sa thai nai keung Areng Tameuh my, “Jeremia awi, huni khumichi ly hina nai thui nai deaungkho y, kai i leu ly nang i labeaung y mai kamta lawm iy, nichi ly theng kamta lawm ai; mai ly nichi ai kang ai,” napi.

TANGAM NAI LEU 1:18

“Na i py Areng ly leu meitang adyh adawi nai ne. Kai ly mymy i leu pei nai tangai y. Meingtym tleirei y awm nai khumichi awi, kai i leu tangai u; kai i patang nai khen u cham. Kai i chapo thawndeangchi hawi chaniu anglochi ly langheng y hawi nai avum u bo.”

TANGAM NAI LEU 2:17

Kangkhym y ly Areng ly mymy i leumo pei yb nai kamta, sa pi khyp bo. Mymy ly jangni i ka-so ang pany hai nai kamta khyp, achi ai pahen y naimy ang taphra be bo. Mymy ly achi i paleung ka-echi ai eaung naira pei i, achi atlym nai molam y amo theu hai bo.

TANGAM NAI LEU 3:42

“Kaichi ly kamngo sa tamang u bo; nang ai kang tiu u bo. Aw Areng, nangmy py, kaichi i kamngochi palawi pi y nai ne.

Ezekiela 20:43

Huna nai khala y nangchi ly nangmychi i sa nai amso ngai nairachi molam y, amymy ai apaso iy nangmychi ai mana tanrei chai y na mo, nanai adawn vau ai. Huna nai khala y nangmy ai nangmy apaso ai.

Ezekiela 37:11

Tameuh my kai teng y, “Nang khumicho awi, Israela chengchi ly huni hiuchi hawi atawm teang. Nichi my kaichi ly hiu kapeaungchi ne i, dei nai teu bo; mo mang i vui athang khai naira by y leang bo, nanai thui u nai ne.

DANIELA 4:28

Huna nai thui pi nai kamta ly samrang Nebukhadnezar i tlang tleaung y tym bo.

HOSEA 5:9

Kamngo pajeng nai kani ang tym bo i, Israela chengchi ly phra u ai. Israela khumichi awi, hini ly tym takengkei ai!

HOSEA 9:15

Areng my, “Nichi ly Kilakala mary y hawi y nairachi sa amteaung u bo. Huni neng dengdairei kai ly nichi ai kaniu ngai y bo. Nichi i sa nai sai hawi y nai molam y, kai i pri theung i dengdairei, nichi ai patheu vui ai. Kai ly nichi ai tamen y leang bo. Nichi i lu sa nai keung bawibawichi ly kai ai tiu u nai ne.

AMOS 9:10

Kai i khumichi theung i, ‘Tameuh ly achi ai kamtang pei ai ny y,’ nanai thui nai kamngo awm nai ngiereichi ly tavai keung y dei u ai.”

ZEKHARIAH 1:7

Empara samrang Dari i peang nai pa-nyh saneng, Shebet lo napi nai lo holai ha, kani apom phai palyhrei kani y, Areng ly vum y kai teng paleung mei y amteng pi bo.

MALAKHI 3:18

Huni bo y kai i khumichi ly khumi kahawi hawi, khumi hawi y naichi i avum nai ka-dawn atawm y nai py, kai ai chiu nai khumi hawi chiu y nai khumichi i avum nai ka-dawn atawm y nai py pany u ai,” napi.

Kati Nai 23:19

Tameuh ly khumi kamta ka-chawi leu thui y leang; mymy ly khumi kamta paleung ali vui y leang. Mymy ly leu adeu nai kamta sa khyp; mymy i leu pei nai kamta py ne khyp.

Kati Nai 32:23

Na i py nangchi ly leu adeu nai taphra baly, Areng i tlang tleaung y sa tamang nai lawm ai. Huna nai khala nangchi ly pajeng naira avum takengkei ai. Hini molam y tamang u moh.

Kati Nai 33:56

Nangchi ly huni pri i khumichi ai patheu pawn y lawh baly, kai ly nichi i tlang tleaung y tym hai ai nai pajengra ly nangchi i tlang tleaung y kang tym hai lawh ai,” napi.

MATTHAI 24:35

Kani khaileaung ly tama ai i, kai i leu ly tamo y ai.

Leu Thui Nai 28:15

“Vaini nangchi teng y kang thui pi nai Areng Tameuh i reita leu pei nai ngiereichi ai paleung hawi verei patawm u y baly, nangchi i tlangtleaung y hina nai taham si nairachi tym hai ai:

Leu Thui Nai 28:2

Nangchi i Areng Tameuh i leu tangai u baly, mymy ly hina nai amtheaung naira cheaungkhangchi nangchi teng y tym hai ai:

Leu Thui Nai 28:20

“Nangchi ly hawi y naichi sa iy Areng ai khai u su baly, nangchi i sa naira tleirei y sum naira, paleung bi naira hawi ngari kamtangchi tym hai ai. Hunai deaungkho y nangchi ly myh u kasa ai.

Leu Thui Nai 28:45

“Nangchi teng y hini ka-jeirachi tym ai; nangchi ly nangmychi i Areng Tameuh i leu tangai u y, mymy i reitachi py patawm u y baly, nangchi myh kang nai pa-rei, hina nai ka-jeirachi avum u ai.

I THESALONIKA 5:4

Na i py amjo amnauchi awi, huni kani ly kangviu kamta nangchi ai ang kai ai nai kaveng y awm u y leang bo;