ZEKHARIAH 1:5 - Khumi Common Language Bible

⁵ Huni amochi hawi nangchi i amsi pajochi ly dei u be veng bo.

ZEKHARIAH 1:5 ပူးပေါင်းရင်းမြစ်များ

2 ARENG KEH 13:14

Amo Elisa ly khri pa-rei no nai ne. Ni ly ira tleaung y aseaung naimy dei enten nai thym khala, Israela samrang Jehoasa ly ni ai no de ai nai tym i, “Kai i ngaai, kai i ngaai! Nang ly khri pa-rei len parai nai atho haiho hawi, Israela pri y ama hai nai keung ne na a!,” nanai thui i vo bo.

2 ARENG KEH 13:20

Naibaly Elisa ly dei i up bo. Moba pri khumichi ly saneng tleirei, Israela pri y kun i tiu reng nai ne.

SAM 90:10

Kaichi ly saneng vui saryhrei naini heng khyh; tlang atho awm naichi ne u lawh baly, saneng vui tajarei heng pajau; na i py huna nai heng nai ly patang naira hawi, paleung bi nairachi avum bo; kra y nai sala y dei i, kaichi ly tama u ryp nai ne.

Parip nai leu 1:4

Khumi kangpreangchi ly deungrei bo y deungrei peung u teu i py, tama vui nai ne. Na i py khaileaung pri ly hina nai kamta awm jojo.

Parip nai leu 12:5

Nangchi ly ka-sangra lyn ai nai jei u iy, lam aleaung nai khala py ka-jeira awm ai. Nangchi i sam ly pau ryh ai; nangchi ly nangmychi i tlang ai apako pajau y na pa-rei awm ai; ati sai py ngai nai paleung awm ai ny y. Achi ly amychi kangkhym i anawn ai nai meingtym y tako u ai; huna nai khala vo hai kawp nai khumichi ly lamchira y vo tangam naimy awm u ai.

Parip nai leu 12:7

Hunaibaly achi i tlang ly khaileaung spryh mang y tym ali teang ai i, achi i hengra py, achi ai ang pei nai keung Tameuh teng y tym ali teang ai.

JEREMIA 36:28

“Nang ly takhra cha aeang harei la iy, samrang Jehojakim my mai leng veng nai cha aeangra y abawi nai leu sai ngiereichi ai tajiu ba.

TANGAM NAI LEU 5:7

Kaichi i amsi pajochi ly kamngo sa tamang iy, dei u pawn nai deaungkho y, kaichi ly nichi i kamngo mynji pho ai nai tla.

JOHAN 8:52

Naibaly Judachi my ni teng y, “Nang ai vawinam my nam bo, nanai vai ly kaichi pany bo. Abraham hawi amochi py dei veng bo. Nang ly, ‘Ami py kai i leu tangai baly deungtasa khairei deira pany ai ny y,’ na lawh ly.

AMTAW 13:36

Davida ly Tameuh my thui pi nai kamta mymy heng ahawi naichi ai kry pajau nai bo y i ngym iy, mymy i kangpreangchi teng y up i, veaung veng bo he;

HEBRAI 9:27

Naibaly khumi i vui ly tlenrei dei ai nai khai yb nai ne i, huni bo y ly tara chih ai tla nai kamta ly,

1 SAMUELA 25:1

Samuela dei vui nai deaungkho y Israela cheng bawibawichi ly jeu achu iy vo tangam u bo. Naibaly nichi ly ni ai Ramah mary, mymy i yhm y up u nai ne. Huna nai up chum nai bo y Davida ly Paran daichi ka-vym mang y theu jo bo.