ZEKHARIAH 1:14 - Khumi Common Language Bible

¹⁴ kani pri amtaw thau naimy py kai teng y, “Ati cheaungkhang sa thai nai Areng my, kai ly chai parai nai Jerusalem mary pui ai khri pa-rei tamen iy kapahen nai ne.

ZEKHARIAH 1:14 ပူးပေါင်းရင်းမြစ်များ

ISAIA 37:32

Jerusalem mary hawi Zion mawi salo y khumichi ly dei y naimy awm u ai. Ati mana nai mo nabaly huna nai awm asai ai nai, ati cheaungkhang sa thai nai Areng ly dawn yb nai deaungkho y ne.

ISAIA 38:22

Naibaly samrang Hezekia my, “Kai ly Achura yhm y chei pajau ai, napi nai ly ati ka-ma-ra deaungkho y pany pajau ai mo?,” nanai deng.

ISAIA 40:1

Nangchi i Tameuh my, “Kai i khumichi ai paleung pahawi u; nichi ai paleung pahawi u!

ISAIA 40:2

Jerusalem mary i khumichi ai atho pei u. Nichi ly ngari kamtang kra parai pa-rei avum nai deaungkho y, nichi i kamngochi ai vai, kaimy pahen pi bo, nanai nichi teng y thui pi u. Kai ly nichi i kamngo nai ai pajeng nai tym angym hai bo,” napi.

ISAIA 40:6

Huni raawi my, “A-eu!” napi nai deaungkho y, “Ati amjy aeu ai mo?” nanai kaimy deng baly, “Khumi angso bawibawichi ly acha keung atawm iy, daichi kaseaung kamta akan y, nanai aeu!

ISAIA 42:13

Areng ly sorai kamta, tavai atiu ai nai amsa bo. Mymy ly tavai atiu ai nai a-eng yb iy, paleung pade na bo. Mymy ly tavai kachyh nai raawi aeu iy, mymy i paleung ka-echi teng y, sa thai naira patei pi bo.

ISAIA 59:17

Mymy ly ka-dyh ka-dawi napi nai tamo baichu amchiu iy, atleu naira napi nai tamo lukhym adeung ai. Khri pa-rei tamen naira napi nai ateaung kangjiu ai py, khumichi i avum nai teng y nairachi molam y vawitheung tha naira hawi pajeng naira napi nai ateaung py amthyp ai.

ISAIA 63:15

Aw Areng, chai parai iy phum-ang angvang nai kani pri, napi nai, nangmy awm nai meingtym i dengdairei kaichi ai khen kathiu kyh ba. Kaichi i vui nang i paleung mawn hai nai ly ma y mo? Nang i sa thai naira ly ma y mo? Nang i tamen naira hawi pahen naira ly ma mang y mo? Kaichi ai khai su moh kyh ba.

ISAIA 9:7

Ni i sa thai naira haiho ly hlo veangveang iy, ni i pri py tlamsa jojo ai. Ni ly samrang Davida i yhmtheaung amtym iy vai i dengdai deungtasa tem pa-rei leu meitang adyh adawi naimy peang ai. Ati cheaungkhang sa thai nai Areng ly hina naichi tym angym hai ai nai leu pacheang yb veng nai ne.

Ezekiela 36:5

Sa thai naira angym nai kai, Areng ly tengpang prichi hawi, Edom pri tlang tleaung y khrikhri pa-rei kado theu hai i, hina nai leu thui bo. Nichi ly kai i pri y mei anui y nai paleung, amo theu seu nai paleung hawi sui tlairachi raurei, kai i pri la u vui nai ne.

HOSEA 11:8

“Aw Israela, kai ly nang ai mana kang paleang su ai mo? Kai ly nang ai mana khai su thai ai mo? Kai ly Adamah mary ai taphra nai kamta py, Zeboim mary ai tamyh hai nai kamta py, nang ai mana taphra thai ai mo? Nangchi i tlang tleaung y kai i tamen naira ly len parai nai deaungkho y, kai i paleung ly huna nai kamta kaso vam y.

JOELA 2:18

Naibaly Areng ly mymy i pri vui, paleung mawn nai amteng hai iy, mymy i khumichi ai pahen nai ne.

NAHUM 1:2

Areng Tameuh ly mymy ai ka-keng ka-awi sa naichi ai kham pi ai ny y; mymy ly ka-awi sa nai khumichi ai pajeng nai ne. Kado theu iy nichi i tlang tleaung y vawitheung tha bo.

ZEKHARIAH 1:13

Areng ly kani pri amtaw thau nai teng y paleung pahawi nai leuchi thui pi nai deaungkho y,

ZEKHARIAH 1:17

Kani pri amtaw thau naimy kai teng y, “Ati cheaungkhang sa thai nai Areng ly mymy i marychi bi-ai ali teang ai nanai py, mymy ly ang jeu ali teang ai i Jerusalem mary ai sabawm iy, mymy i peang nai mary pui palawn vui ai nanai py, amthang hai ba,” nanai ang thui pi bo.

ZEKHARIAH 1:9

Kaimy ni teng y, “Areng awi, hini keaungngochi i awm nai sai ly ati mo?,” napi. Ni my, “Nichi ly ati mo, nanai kaimy thui pi ai.

ZEKHARIAH 4:1

Kai hawi leu arum nai kani pri amtaw thau nai ly ang jeu bi iy, i ngym nai khumi ai i palaw nai kamta, kai ai i palaw chum baly,