TITA 3:14 - Khumi Common Language Bible

¹⁴ Naibaly achi i khumichi ly athai y naimy awm y ai nai, avaw iy aeang nai ka-vo takhra takhra i vui y atiti kahawi sa jojo ai nai amtiu u sy.

TITA 3:14 ပူးပေါင်းရင်းမြစ်များ

ISAIA 61:3

Zion mary i paleung si vo tangam nai khumichi teng y, vo tangam nai i jeng y amo theu naira py, paleung mawn nai i jeng y palo nai khulym py, pei ai nai mymy ly kai ai pato bo. Nichi ly Areng i nang parai nai amteng hai ai nai, Tameuh my ui nai, hawi naira napi nai Ngopraibiu keungchi kamta cheang u sau ai.

MATTHAI 21:19

Naibaly mymy ly lam teng y thaidu keung niu i chei tapai iy, ngam ny y baly ati sai py niu y; naibaly mymy ly huni teng y, “Vai dengdairei deungtasa khrairei athai moh sy,” napi.

MATTHAI 7:19

Athai hawi y nai keung tleirei ly paliu iy mai y aphi reng.

JOHAN 15:16

Nangchi my kai ai vawi nai ny y leang, kaimy nangchi ai vawi nai teu; nangchi ly kai i amyn y Ampo teng y ati cheaungkhang hnei nai ngierei ly ang pei ai nai, nangchi ly chei iy athai ai nai hawi, nangchi i athai awm jo ai nai py kaimy kang khai takhra bo.

JOHAN 15:8

Nangchi neangneang athai baly Ngaai ai ly palo u nai ne; hunaibaly nangchi ly kai teng y abangnaichi lawn u khyp ai.

AMTAW 18:3

Naibaly mymy i kalop sa nai sai vanrei ne nai deaungkho y myni teng y anga ryp i kalop sa hawi teang; myni i kalop ly kanih yhm sa ai nai kanih sa nai ne.

AMTAW 20:35

Ati cheaungkhang kai i sa naira ngierei y ly kang patei reng ly, hunai kamta sa akawm u nai tarawi y ham y naichi ai sabawm ai nai tla; naibaly Areng Isu kypkyp my ly, ‘Atiti nga nai tleaung y atiti pei nai taham hawi keh,’ nanai thui nai ly nangchi pany jo ai nai tla,” napi.

ROM AVANGCHI TENG Y PAWLA I CHA PA NAI 12:13

khumi kachaichi i avaw naira y ly sabawm u ly; angvynchi ai ly kawn u jojo.

ROM AVANGCHI TENG Y PAWLA I CHA PA NAI 15:28

Hunai deaungkho y kai ly huni kasa iy, huni athai py mymychi i vui kapajaw hai typ iy, nangmychi ai de nai Spain pri y kachei veangveang ai.

EPHESI 4:28

Paviu nai khumi ly paviu bi moh jau sy; huna nai ny y naimy avaw nai khumi teng y atiti pei ai nai awm thai ai nai, mymy i kiu y atiti kahawi akawm pa-rei so sy.

PHILIPI 1:11

Tameuh ai tahm pasang ai nai hawi palo ai nai py, Isu Krista i saho y hawi naira athai nai ly kawi nai awm u.

PHILIPI 4:16

Thesalonika avang y kaawm nai thym khala y py kai i avaw nai sabawm ai nai tlenrei khyh ny y i, nangchi ly tlen nyhrei pa u bo.

PHILIPI 4:17

Kai ly atiti pei sy, nanai kahau nai ny y leang; nangmychi mang y athai peung ai nai kahau nai teu.

KOLOSA 1:10

nangchi ly atiti kahawi sa nai cheaungkhangra y athai iy, Tameuh ai pany naira y py chawn ryh chawn ryh iy, ati cheaungkhangra y mymy i paleung i kangai sa ai nai, Areng teng y abang ai ataing nai lawn u thai ai nai, chiu kang sa pi nai hawi kang hnei pi nai py anawn y leang.

I THESALONIKA 2:9

Amjo amnauchi awi, kaichi i sa akawm nai sai hawi, khri pa-rei kalop sa nai sai ly nangchi ly pany jo mang; kaichi ly Tameuh i Satang Kahawi thui pi nai tarawi y nangmychi theung y ami ai py myn pho hai y ai nai vum kanithun kalop sa reng.

II THESALONIKA 3:8

kaichi ly ami i kiu i nai py jawm my kang cho vai y leang; huna ny y naimy nangchi theung y ami ai py myn pho hai y ai nai, kaichi ly vum kanithun khri pa-rei akawm naimy kalop sa reng;

TITA 2:8

nang ly ati cheaungkhangra y kahawi sa nai lam y khen pata naira kahawi ne, nanai amteng hai ba; nang i patiu naira y ly nang i leu meitang patiu nai sai hawi, nang i tahm awm nai sai hawi, nang i chih pajau y nai leu thui nai sai kateng py amteng hai ba.

TITA 3:8

Huni leu ka-ym awm nai ne. Naibaly Tameuh ai ym chum naichi ly atiti kahawi sa ai nai dawn u jojo thai ai nai, nang ly huni satang vam parai naimy thui pi ai nai kangai. Huni atitichi ly khumichi i vui y hawi py hawi, chawn py chawn:

II PETERA 1:8

Hunichi ly nangchi i ne iy peung dudu lawh baly, achi i Areng Isu Krista ai pany naira ly nangchi ai atho si y nai hawi, athai y nai ny y nai py ang sa hai reng nai ne.