TITA 2:14 - Khumi Common Language Bible

¹⁴ mymy ly achi i taphra naira bawibawi i dengdairei achi ai atleu thai ai nai hawi, mymy i vui y atiti kahawi sa ai nai dawn kheng naichi, mymy i khumi kypkyp lawn iy amy i kavui y pachai thai ai nai py achi i vui y apei bo.

TITA 2:14 ပူးပေါင်းရင်းမြစ်များ

ATITI AWM ANGCHEI NAI 48:16

Kai ai vaini khrairei ang typ nai keung Tameuh, rai naira cheaungkhang i nai kai ai atleu nai keung Angel my nini ai amtheaung hai sy! Nichi ly kai i amyn hawi, amsi Abraham, kai i ampo Isaka nini i amyn khaw hai jo sy! Nini ly chanau neangneang sa iy, kangpreang neangneang peung u sy,” napi.

SAM 130:8

Mymy ly mymy i khumichi napi nai Israela ai kamngo bawibawira i nai atleu pi ai.

SAM 135:4

Mymy ly Jakob ai mymy i vui hawi Israela chengchi ai, mymy i peang nai lawn ai nai py vawi takhra bo.

THEU NAI 15:16

Huni khumi bawibawichi ly jei hyn u nai ne. Aw Areng, nichi ly nang i sa thai naira niu i, miseaung i nai nangmy alaw hai nai nang i khumichi tako prei nai thym khala, nichi ly jei hyn i khuma phau u na bo.

Ezekiela 36:25

Kai ly nangchi ai tui kachai hawi katheng iy, nangchi i mynchi hawi nangchi ai chai hai y nai ngiereichi ai py chai hai bawibawi ai.

Ezekiela 37:23

Nichi ly amso ngai nai mynchi hawi, mymychi ai chai hai y nai awm bi ai ny y. Kamngo sa nai molam y kamhi kamtlau apu y nai awm moh. Kai ly nichi ai kamngo sa nai hawi, sa tamangra i nai chai hai ai. Nichi ly kai i khumi lawm ai i, kai py nichi i Tameuh lawm ai.

Levi 25:41

Huni neng tym nai khala ni hawi ni i cho chanauchi ly mymychi i amjo amnauchi awm nai saleaung khutengra vawi hai teang ai nai tla.

MALAKHI 3:3

Mymy ly ei chaipyn hai ai nai tangka patlawn nai keung kamta, ang jeu iy tara chih ai. Muku ateaung, tangka ateaung thip kawp nai keung my, muku hawi tangka ai patlawn nai kamta, Areng i amtaw thau naimy ly pathyp nai keungchi ai chai pa-rei sa ai. Huna nai kamta sa nai ly pathyp pi nai keungchi my Areng teng y avo nai kapathyprachi syn pajau ai nai ne.

Kati Nai 25:13

Ni ly kai ny y baly tameuh takhra ai niu ngai y nai deaungkho y, Israela chengchi i kamngo lawi ai nai sa pi nai molam y, ni hawi ni i kangpreangchi ly pathyp pi nai keung y amtym hai jojo ai,” napi.

MATTHAI 1:21

Mymy ly chapo tapen ai i, nang ly amyn Isu pathi ai nai tla; ati mana nai mo nabaly ni ly mymy i Khumichi ai nichi i kamngo i nai palawi ai,” napi.

MATTHAI 20:28

hunai kamta teang khumi i Chapo ly mymy ai sabawm ai nai hau nai ny y i, kalangchi ai sabawm ai nai hawi khumi neangneangchi ai atleu ai nai mymy i hengra pei lawh ai nai py ang jeu nai ne,” napi.

MATTHAI 3:12

Mymy i paho ly kiu y awm, naibaly mymy ly mymy i ho nai meingtym pachai pan iy, mymy i choh ly chenghi y adyh ai, choh ali naini padei pajau y nai mai y leng ai,” napi.

JOHAN 10:15

Ampo my kai ai pany nai kamta hawi, kai ly Ampo ai pany nai kamta py, kaimy i ly kaimy pany, kaimy i py kai ai pany teang; naibaly beramchi i vui ly kaimy i hengra kapatlaw pi.

JOHAN 6:51

Kani pri mang i dengdairei satla kathiu nai heng nai tako kai ne, ami py hini tako cha baly deungtasarei heng jojo ai; ne, khaileaung pri heng ai nai kai i kang pei ai nai tako ly kai i ngan ne,” napi.

AMTAW 15:14

“Amjo amnauchi awi, kai i leu tangai u; Angchei y ly Tameuh my mymy i amyn apu ai nai mymychi theung i dengdairei khumichi ai vawi takhra ai nai Cheng Takhrachi ai de nai sai satang ly Sumeona ly thui bo.

AMTAW 15:9

naibaly achi hawi nichi hawi patle takhra y naimy, ym naira deaungkho y mymychi i paleung chai hai bo.

AMTAW 20:28

Tameuh i palau takhra kamkawm, mymy i thi y van nai ai ly pacho ai nai amkym u, kanghuchi ai py typ u; Phailo Kachai my ly nichi tleaung y nangchi ai peang nai keung y ang khai nai bo.

AMTAW 9:36

Naibaly Joppa avang y amyn ly Tabitha napi nai abangnai leaungrei awm; (Tabitha nanai sai ly Dorka ne;) huni neampachy i atiti kahawi sa nai hawi, atiti sabawm nai py neangneang awm.

KALATIA 1:4

mymy ly achi i Tameuh hawi Ampo i kangai y vai dymkhawn i khaileaung pri kamngo parai naira theung i nai achi ai alaw hai thai ai nai, achi i kamngochi i jeng y mymy ly apei bo;

KALATIA 2:20

Kai ly Krista teng y tahen nai awm bo; na i py kai ly heng nai ne; na i py kai ly ny y leang bo, Krista kaimy y heng nai ne; naibaly vai kai i tlang heng nai ly ym naira y kaheng nai ne, Tameuh i Chapo my kai ai ang tamen nai kai i jeng y apei nai keung ai ym naira y.

KALATIA 3:13

Hunaibaly Abraham ai amtheaung hai naira ly Krista Isu y ly Cheng Takhrachi i tlang tleaung y awm thai ai nai, Krista ly achi i jeng y amsawi lawi nai ne i, Reita i pasawi naira i dengdairei achi ai atleu bo;

EPHESI 1:11

Ati cheaungkhangra y mymy i kangai tau nai kamta sa nai keung i kangai y ka-vo khai rym nai kamta, kaichi,

EPHESI 2:10

Achi ly mymy i kiu i theu nai ne i, achi ai atiti kahawi sa ai nai vui Krista Isu y ly sa nai ne, huni atiti sa naira y achi i tako ai nai Tameuh my sa rym nai ne. nai

EPHESI 5:2

Naibaly Krista my ang tamen nai hawi, Tameuh teng y miu katui lawn ai nai atiti talam naira hawi apathyp naira y achi i jeng y ang pei nai kamta ly tamen naira y tako u.

Leu Thui Nai 14:2

Areng ly khaileaung pri khumi cheng bawibawichi theung i, nangchi ai mymy i khumi palawn ai nai vawi takhra nai deaungkho y, nangchi ai nangchi i Areng Tameuh my peang nai ne.

Leu Thui Nai 26:18

Areng ly adeu nai kamta, nangchi ai mymy i khumi ne, nanai vaini pany pi bo. Nangchi ly reita leu pei nai ngiereichi tangai ai nai leu pei nai ne.

Leu Thui Nai 4:20

Na i py nangchi ly tamang mai kangveaung kamta lawm nai Aikupta pri i dengdairei Areng my pahawi nai khumichi ne. Mymy i khumichi lawm ai nai nangchi ai pahawi bo. Hunai deaungkho y nangchi ly mymy i khumichi lawm iy, vaini khrairei khaw jo nai ne.

Leu Thui Nai 7:6

Nangchi i Areng Tameuh ly nangchi ai peang nai deaungkho y, huna nai sa ai nai tla. Khaileaung pri y awm nai khumi cheaungkhangchi theung i nangchi ai, mymy i khumi y palawn ai nai Areng my vawi patyp nai ne.”

I TIMOTHEI 1:15

Krista Isu ly khumi kamngochi ai paheng ai nai khaileaung pri y ang jeu, nanai ly ka-ym awm i, khrikhri pa-rei ym ai nai hawi; kai ly nichi theung y kamngo keh nai ne he:

I TIMOTHEI 2:10

Tameuh ai kadawn ryhryh, napi nai neampachy ly hawi khyp nai ryrei ly atiti kahawi sa naira amthyp i khyly kangai

I TIMOTHEI 2:6

mymy py khumi, Isu Krista ne, ni ly khumi bawibawichi i atleu naira lawn ai nai apei bo; huni ly neng khyp nai khala y pany hai nai awm bo;

I TIMOTHEI 6:18

Nichi ly atiti kahawi sa iy, hawi naira my kawi sy; atiti paawh y iy sabawm ai nai ngai praw nai keung py awm u sy:

TITA 2:7

Makeng mang asa naichi theung i ami my achi i tlang tleaung y leu hawi y nai thui ai by y nai deaungkho y kaji thai ai nai,

TITA 3:8

Huni leu ka-ym awm nai ne. Naibaly Tameuh ai ym chum naichi ly atiti kahawi sa ai nai dawn u jojo thai ai nai, nang ly huni satang vam parai naimy thui pi ai nai kangai. Huni atitichi ly khumichi i vui y hawi py hawi, chawn py chawn:

HEBRAI 1:3

Ni ly mymy i nang parai naira kangvang sangso hawi awm nai sai atawm khypkhyp nai ne, naibaly mymy i atiti sa thai nai leu deaungkho y ati cheaungkhang khaw hai; naibaly ni ly kamngo pachai nai bo y salo mang y Tahm Asang Keh Nai i lamtang mang y ateh bo;

HEBRAI 10:24

naibaly tamen naira y hawi atiti kahawi sa naira y py apachei ai nai dawn u leungtang sina;

HEBRAI 9:14

deungtasarei Phailo i saho y meimai cheh ai by y nai Tameuh teng y atalam nai Krista i thi my ly Tameuh kangheng i kalop sa ai nai, nangchi hawi nai hawi y nai pany naira ai ly hini hengra abawi y nai atiti sa naira y ly mana tanrei pachai ai mo?

JAKOB 4:8

Tameuh hawi kasa u, hunaibaly ni py ang kasa ai mang. Khumi kamngochi awi, nangchi i kiu ly asi u pan; atiti sa nai bawibawira y so tangei chei y naichi awi, nangchi i paleung apachai u.

I PETERA 1:18

nangchi i amsi sangumchi i pei pateang nai, nangchi i ati sai py ny y nai reita i dengdairei ly atiti mawn thai nai amjychi, tangka hawi muku y ny y naimy,

I PETERA 1:22

Amjo amnauchi ai tamen tatang ai nai leu meitang patawm u iy, nangchi i phailo ai chai hai u chum nai deaungkho y paleung y hawihai palai atamen u leungtang:

I PETERA 2:12

Cheng Takhrachi theung y nangchi i amhi amtlau nai sai ly apu parai nai ne sy, hunaibaly nangchi ai kamngo sa nai keungchi kamta ang thui tamawn naira y ly nangchi i atiti kahawi sa naichi niu nai deaungkho y, de nai kani y ly Tameuh ai ang palo thai ai.

I PETERA 2:9

Na i py kaveng theung i nai mymy i kangvang rengrang tlai naira y kun ai nai nangchi ai ang palau nai keung i hawi parai nai sai nangchi ly amteng hai thai ai nai, nangchi ai ly cheng vawi takhra nai, pathyp pi nai keung tahm asang parai nai, theaung kachai, Tameuh i khumichi kypkyp ne;

I PETERA 3:18

Ati mana nai mo nabaly Krista ly achi ai Tameuh teng y ang pahawi thai ai nai kamngo nairachi deaungkho y tlenrei patang, khumi kahawi ly hawi y naichi i vui y; tlang mang y padei nai awm i, phailo mang y paheng nai bo;

I JOHAN 1:7

na i py mymy ly kangvang y awm nai kamta achi py kangvang y tako baly, achi ly vanrei amkawm leungtang nai ne, naibaly mymy i Chapo Isu i thi my achi i kamngo bawibawi ang pachai pi.

I JOHAN 1:9

Achi ly achi i kamngochi ahui baly, mymy ly achi i kamngochi pahen ai nai hawi, achi i hawi y naira bawibawi pachai ai nai py ka-ym nai hawi, hawi nai py ne.

I JOHAN 3:2

Ngai parai naichi awi, achi ly vai ly Tameuh i chanauchi ne i, achi ly mana awm ai mo, nanai ly amteng y leang rai. Mymy ly amteng baly achi ly mymy kamta awm ai, nanai ly achi pany; ati mana nai mo nabaly mymy ly awm nai kamta khypkhyp naimy achi ly niu ai.

AMTENG HAI NAI 1:5

pany hai nai keung ka-ym Isu Krista, deira i tapen man nai hawi khaileaung pri i samrangchi ai tara chih nai keung teng i dengdairei py pahenra hawi awmnem naira ly nangchi teng y awm sy.

AMTENG HAI NAI 5:9

Naibaly nichi ly khulym kangtha thui iy, “Nang ly huni cha-iu aeang la ai nai hawi, huni i pajawp typ naira ka-ma-ra su ai nai py ataing: Ati mana nai mo nabaly nang tleh nai amteng i, cheng cheaungkhangchi hawi, leu cheaungkhangchi hawi, khumi cheaungkhangchi hawi, theaung cheaungkhangchi theung i nai Tameuh i vui y nang i thi hawi van bo;