TITA 2:11 - Khumi Common Language Bible

¹¹ Ati mana nai mo nabaly khumi bawibawichi teng y paheng naira tym hai ai nai, Tameuh i pahenra ly amteng bo.

TITA 2:11 ပူးပေါင်းရင်းမြစ်များ

SAM 67:2

Huna i naini khaileaung pri y awm nai khumi bawibawichi ly nang i kangai pany u ai; khumi cheng bawibawichi ly nang i atleu pi nai pany u ai.

SAM 84:11

Areng ly achi ai ama hai nai keung, phum-ang len nai samrang ne; mymy ly achi ai pahen iy tahm pasang bo. Mymy ly kateng sa nai khumichi ai hawi naira pei ai nai akhi y leang.

SAM 96:10

“Areng ly samrang ne! Mymy ly khaileaung pri y khaw hai nai deaungkho y asyh thai y bo; mymy ly khumi bawibawichi ai leu meitang naimy tara chih ai, nanai khumi cheng cheaungkhangchi teng y thui pi u.

ISAIA 45:22

“Khaileaung pri verei i khumi bawibawichi awi, Kai teng y jeu u ly atleu naira ngo u! Harei awm khyh nai Tameuh ly kai ne.

ISAIA 49:6

Areng my kai ai, “Kai i miseaung, kai ly nang ai kalop kalenra y sa hai ai. Dei kamthum Israela chengchi sa thai naira haiho nga u ali teang nai khyh chang y i, khaileaung pri verei malawn py atleu naira nga ai nai, kai ly nang ai khumi cheng cheaungkhangchi i kangvang lawm hai ai,” napi.

ISAIA 52:10

Areng ly chai parai nai kiu hawi, pri tleireichi mo y mymy i khumichi ai atleu nai deaungkho y, huni atitichi ai khaileaung pri vereichi my niu u nai ne.

ZEKHARIAH 12:10

“Kai ly Davida i kangpreangchi hawi Jerusalem mary i takhra khumichi ai pahen ai nai phailo, chiu sa ai kawp nai phailo hawi angym hai ai. Nichi ly mychi i haisau hawi thun iy padei nai khumi ai khen iy, chapo leaungrei awm khyh nai i vui y vo tangam nai kamta, huni khumi i vui vo tangam u ai. Nichi ly chapo chalu dei nai khumichi kamta, khri pa-rei vo tangam u ai.

ZEKHARIAH 4:7

Mawichi kamta khri pa-rei rai nairachi ly nang i mo y tama vui ai. Nang ly Achura yhm sa palum teang ai. Yhm taki i lengseaung tleangleang nai sa chum nai khala y, mipuichi my, ‘Apu parai na a, apu parai na a!’ nanai aeu u ai,” napi.

MATTHAI 28:19

Hunaibaly cheng cheaungkhangchi ai abang nai khumi palawn ai nai chei u ly, nichi ai Ampo hawi Chapo hawi Philo Kaichai i amyn y baptis so u:

MARKA 16:15

Naibaly mymy ly nichi teng y, “Khaileaung pri verei y chei u ly, Tameuh i sa naichi bawibawi teng y Satang Kahawi thui u.

LUKA 24:47

naibaly mymy i amyn y uikhei ai nai leu hawi, kamngo pahen ai nai leu py Jerusalem y pateaung iy, cheng cheaungkhangchi teng y thui pi ai nai tla, nanai tajiu nai awm.

LUKA 3:6

Khumi bawibawichi my py Tameuh i paheng naira niu ai,’ napi,” nanai ne.

JOHAN 1:14

Naibaly Leu ly ngan lawn i, pahen naira hawi leu meitang hawi kawi iy, achi teng y awm bo: Ampo i Chapo leaungrei awm khyh nai nang parai nai sai kamta, achi ly mymy i nang parai nai sai niu bo.

JOHAN 1:9

Khumi bawibawi angvang hai nai kangvang tatang ly khaileaung pri y ang jeu bo.

AMTAW 11:23

Naibaly mymy hu y tym nai khala y ly Tameuh i pahenra niu i khri pa-rei kawn na, nichi bawibawi ai Areng ai hawihai palai amkhaw cheng ai nai pachei;

AMTAW 13:43

Naibaly achu naichi ly amprei nai bo y Judachi hawi, mymychi i suibang kammeaung Tameuh ai tahm khai parai nai khumi neangneangchi ly Pawla hawi Bernaba teng y abang; nini ly nichi hawi arum i, Tameuh i pahengra y awm jo ai nai pachei.

AMTAW 13:47

Hunai kamta Areng my leu ang pei i, ‘Khuteng taki y tym pa-rei nang paheng keung y awm thai ai nai, Cheng Takhrachi ai angvang hai ai nai keung y kang khai mang,’ nanai tajiu nai kamta ly,” napi.

AMTAW 17:30

Hunaibaly Tameuh my achi i pany y khala i neng ly dawn pi y leang; na i py vai ly meingtym tleirei i khumi bawibawichi ai uikhei ai nai leu ang pei bo;

AMTAW 20:24

Na i py kai i angpreng acham ai nai lam motawn angym ai nai hawi, Tameuh i pahenra Satang Kahawi pany hai ai nai, kai Areng Isu teng i krykeung kalop nga nai sa be ai nai ly kai i hengra tama ai nai kamawn y leang.

ROM AVANGCHI TENG Y PAWLA I CHA PA NAI 10:18

Na i py kai ly napi, Nichi ly thai u y nai sai a? Thai u chy y; “Nichi i katyn ly meingtym tleirei y amthang iy Nichi i leu ly khuteng taki y tym pa-rei amthang bo,” napi nai ne.

ROM AVANGCHI TENG Y PAWLA I CHA PA NAI 5:15

Na i py huni atiti jawm pei nai ly kamngo naira hawi atawm y leang teang. Khumi leaungrei ly kamngo nai deaungkho y malawn py khumi neangneang dei baly, Tameuh i pahenra hawi, huni pahenra i pei nai khumi leaungrei Isu Krista py khumi neangneangchi i tlang tleaung y bawn nai awm khyp bo.

ROM AVANGCHI TENG Y PAWLA I CHA PA NAI 5:2

mymy i saho y teang, achi i hini pahenra kakhaw angdo naira y ly ym naira deaungkho y kun bo; naibaly Tameuh i nang parai naira ai phy nga ai nai athang khai iy kawn u sina.

II KORINTH 6:1

Hunaibaly kaichi ly mymy hawi sa ahawi nai, nangchi ly Tameuh i pahenra ai ly chawn hai y naira ngo u y ai nai kaichi kang takeng.

KALATIA 2:21

Tameuh i pahenra ly kataphra y leang, Reita deaungkho y hawi naira awm lawn baly, Krista ly jawm dei atyhtyh nai tla bo.

EPHESI 2:5

achi my taphra naira y dei nai thym khala i nai py, Krista hawi vanrei ang paheng teang (pahenra y nangchi ai paheng nai bo),

EPHESI 2:8

Ati mana nai mo nabaly nangchi ym nai deaungkho y pahenra y hengra nga u veng bo; huni py nangmychi teng i theu nai ny y leang, Tameuh i jawm pei nai teu;

KOLOSA 1:23

nangchi ly ym naira y awm u jojo i, amchym naira nga u iy khaw parai pa-rei awm u naimy, nangchi i Satang Kahawi thai nai athang khai naira i dengdairei asyh vui y baly; huni ly kani anui y atiti sa nai bawibawichi theung y aeu hai nai ne chy bo; naibaly kai, Pawla ai ly huni ai kry ai nai keung y ang palawn nai ne.

KOLOSA 1:6

nangchi py meitang khyp naimy Tameuh i pahen nai sai thai u iy, nangchi i pany nai kani dengdairei nangmychi y py, khaileaung pri verei y py athai iy peung dudu nai ne.

II THESALONIKA 2:16

Hunaibaly achi i Areng Isu Krista kypkyp hawi, Tameuh achi i Ampo, achi ai ang tamen nai keung py pahenra deaungkho y deungtasarei awmnem naira hawi athang khai naira kakhaw ang pei nai keung my ly,

I TIMOTHEI 1:14

naibaly achi Areng i pahenra hawi, Krista Isu y ym naira hawi tamen naira py khri pa-rei lem na bo.

I TIMOTHEI 2:4

khumi bawibawichi ly paheng naira nga ai nai hawi, leu meitang angym pa-rei pany ai nai py ang ngai.

II TIMOTHEI 1:10

na i py vai ly achi ai Paheng Keung Krista Isu i amteng nai deaungkho y amteng hai bo: ni ly deira ai tama hai iy Satang Kahawi y hengra hawi veaung thai y naira ly amteng hai bo;

II TIMOTHEI 4:17

Na i py aeu nai leu ly kaimy deaungkho y thui pi angym thai ai nai hawi, Cheng Takhra bawibawichi ly thai ai nai py Areng ly kai ai ama hai i, ham hai:khrangsi takai i labeaung i nai py kai ai ang tleaung hai.

HEBRAI 12:15

hawihai palai amkym u, ti y baly ami mo Tameuh i pahenra ai kai y nai awm lawh na i, kho naira tangjyn ampho iy ang khrukhra hai lawh na; hunira y ly khumi neangneangchi ai chai hai y nai awm lawh iy,

HEBRAI 2:9

Na i py kani pri i amtaw thau naichi i tleaung y anui y panem nai Isu ai ly Tameuh i pahenra saho y khumi leaung leaungrei i vui y dei naira pateng hai ai nai, dei naira y patang nai deaungkho y nang parai naira hawi tahm khai naira amym hai nai achi my niu lawh veng.