THEU NAI 9:3 - Khumi Common Language Bible

³ Kai ly nang i keaungngochi, keaungngo kano kasauchi, Kula-iuchi, sichi, beramchi mi-ichi ai ka-jei awm nai no kanghawi y dei hai ai.

THEU NAI 9:3 ပူးပေါင်းရင်းမြစ်များ

ATITI AWM ANGCHEI NAI 47:17

Naibaly nichi ly Josepha teng y syn u i, Josepha ly nichi i keaungngochi, sichi, mi-ichi, beramchi, keaungngo kano kasauchi ai chohchi hawi katheung pi bo. Huni saneng y mipuichi ly mychi i tawnbawichi hawi choh katheung u nai ne.

SAM 39:10

Kai i tlang tleaung y kamngo pajeng bi moh kyh ba! Nangmy pei nai tamo kalemchi molam y, kai ly kadei vi na bo.

THEU NAI 5:3

Naibaly Mosi hawi Aron nini my, “Hebrai chengchi i Tameuh ai kaini ly niu nai ne. Kaichi i Areng Tameuh teng y apathyp ai nai kani thomrei ka-teng daichi ka-vym y chei ai nai pei tanga kyh; kaichi ly huna nai so y baly tavai keung y mo, no kanghawi y mo, kaichi ai ang padei ai,” napi.

THEU NAI 8:19

Huna nai khala atam kakawpchi my samrang teng y, “Hini ly Tameuh my sa nai ne!” napi. Na i py samrang ly paleung tang cheng jojo i, Areng my thui nai kamta, Mosi nini Aron i leu tangai pi y nai ne.

AMOS 4:10

“Kaimy Aikupta pri y tym hai nai kamtang ly nangchi teng y py tym hai bo. Nangchi i thawndeang deaungdichi ai, tavai keung y kaimy padei nai ne. Nangchi i keaungngochi py la pi veng. Nangchi i tavai taichira y, nangmychi mang i khumi tlaiveu kamui ly nangmychi teng y amseaung hai bo. Na i py nangchi ly kai teng y jeu y naimy awm u nai ne.

AMTAW 13:11

Naibaly vai ly khen cham, nang i tlang tleaung y Areng i kiu ang tym nai bo he, nang ly mei paju ai i, kani kangvang niu y ai rai,” napi. Hunaibaly tamai hawi kaveng my mymy ai ly tabawm praw i, kiu y pahawi ai nai keung hau nai aleaung ryry.

1 SAMUELA 6:9

Ka-ri ly mani mang y chei mo, nanai khen u patawm; Beth Sheme mary mang y chei lawh baly, Israela chengchi i Tameuh ly achi tlang tleaung y, ka-jei awm parai nai no mi tym hai ai, nanai pany u; na i py ka-ri ly huni mary mang y chei y lawh baly, mymy ly achi teng y no mi tym hai ai ny y; no mi ly mymy ngai ngai ang tym nai ne, nanai achi pany u ai,” napi.