THEU NAI 9:23 - Khumi Common Language Bible

²³ Naibaly Mosi ly kani mang y cheaungvawi pheu i, Areng my kani pajyh hai, amlosadi theu hai, ali pakang tla hai, ji mang tla hai bo.

THEU NAI 9:23 ပူးပေါင်းရင်းမြစ်များ

ATITI AWM ANGCHEI NAI 19:24

Areng my Sodom hawi Komora mary salo y tlenrei khyh my kan mai kani nai hai bo.

JOBA 37:13

Tameuh ly khaileaung salo y tui nga ai nai kani nai hai bo; mymy ly khumichi ai kamngo pajeng ai nai py ne sy, hawi hai ai nai py ne sy, kani nai hai nai ne.

SAM 147:17

Mymy ly kani amaichi ai lengseaungdeichi kamta tla hai bo; mymy i pato nai kasavai ly ami py kham pajau y na!

SAM 148:8

kani amai hawi khupanymchi awi, mymy i leu tangai nai ali kamchaichi awi, khaileaung mang dengdairei Areng ai palo u.

SAM 18:13

Areng ly kani mang dengdairei kani pajyh hai; salo kangteng keh nai keung i raawi theu bo.

SAM 29:3

Areng i raawi ly panglichi salo y amsau bo. Nang parai nai hawi angym nai Tameuh ly kani pajyh hai. Mymy i raawi ly suida pangli salo y avah na bo.

SAM 77:18

Nang i alipakang katyn ly amsau na i, amlosadi kangvang py, khaileaung pri verei y ang teaung na; khaileaung ly amchyh neung na bo.

THEU NAI 19:16

Kani pa-thom khawn ly kani pajyh iy amlosadi py theu hai i, mawi salo y tamai beu hai cheng bo; naibaly baw eng nai katyn pajeng parai nai thai; huna nai khala tai theung i khumi bawibawichi ly jei nai kaso theu u bo.

THEU NAI 20:18

Khumi mipuichi ly kani pajyh nai katyn, baw eng nai katyn hawi amlosadi theu nai, mawi verei mai khyh theu naichi ai niu nai, thai nai khala jei hyn u i, kamlo mang y angdo u bo.

THEU NAI 9:18

Khawndam hini neng y Aikupta pri y tlenrei py tlo vai y nai ji mang kang tla hai ai.

THEU NAI 9:24

Huni ly khri pa-rei ho nai kamchai ne nai deaungkho y, Aikupta pri razavang y pany vai y nai ho keh nai kamchai ne. Hunai kamta Aikupta pri y tlen py theu vai y nai ly theu hai bo.

ISAIA 30:30

Areng ly khumi bawibawichi teng y phum-ang angym nai raawi thai hai iy, mymy i kado theu nai haiho avum hai ai. Mai kadeu kangveaungchi, kani pajyh nai, ji amaichi tla nai hawi, khri pa-rei kani nai hai ai.

Ezekiela 38:22

Kai ly haisau tamo, no michi hawi ni ai parip ai. Ni hawi vanrei, ni i tavaimichi, abang nai khumi cheaungkhangchi tlang tleaung y kan hawi mai raurei, kani hawi ji akawi puichi khrikhri pa-rei nai hai ai.

JOSUA 10:11

Israela risachi my tiu nai deaungkho y, Amori risachi ly mawi aleaung lam mang y preang u nai khala, Azeka mary tym pa-rei, lam jeungrei kani mang i ji amai kalen puichi, nichi i tlang tleaung y Areng my tla hai bo. Ji amai tla hai nai deaungkho y dei naichi ly Israela chengchi my padei iy dei nai tleaung y nawi keh nai ne.

AMTENG HAI NAI 16:18

naibaly amlosadichi hawi, katynchi hawi, kani pajyh naichi py awm iy, kaleih py tlenrei khrikhri pa-rei ho; khaileaung pri y khumichi awm khyp kha i dengdairei huna nai kamta ty nanai hawi khrikhri pa-rei ho nai kaleih ly awm vai y.

AMTENG HAI NAI 16:21

Naibaly amai amairei beisa phairei tahm ji nai ji kalen pui ly kani mang i dengdairei khumichi i tlang tleaung y tla bo; naibaly ji tla nai patang hai naira deaungkho y khumichi ly Tameuh ai thui tamawn: ati mana nai mo nabaly patang hai naira ly ka-teng ny y nai he!

AMTENG HAI NAI 8:7

Naibaly kangman keh nai ly eng i, ji hawi mai, thi hawi abawi paraw para naimy awm tamangtang bo; hunichi ai ly khaileaung y aphi kathiu bo; naibaly khaileaung phy thomrei y phyrei ly kang bebe bo, dengkeaungchi py phy thomrei y phyrei ly kang bebe bo, acha kangheng bawibawi py kang bebe teang bo.