THEU NAI 9:16 - Khumi Common Language Bible

¹⁶ Na i py Khaileaung pri verei kai i sa thai naira niu u ai nai, kai ly nangchi ai deung sau hai nai ne.

THEU NAI 9:16 ပူးပေါင်းရင်းမြစ်များ

2 SAMUELA 7:23

Mani cheng py nang i khumi Israela cheng hawi pata pajau y. Nang ly nangmy i khumichi tavai amsa nai thym khala y, takhra khumichi hawi nichi i tameuhchi ai patheu pi pawn nai ne. Aikupta pri y miseaung i nai lawira nga nai khumichi ai, nangmy i khumi lawm hai bo.

2 ARENG KEH 19:35

Huni vum y Areng i kani pri amtaw thau leaungrei ly Asuria khumichi i tai naira mang y chei iy, tavaimi risa leaung 185,000reichi ai pajeng i, kani pa-nyh khawn mang ly huni khumi bawibawichi dei u nai ne.

1 NENG SATANG 16:24

Khumi cheng cheaungkhangchi teng y mymy i nang parai nai ai py, khumi bawibawichi teng y mymy i lyh ai nairachi py, amthang hai u.

NEHEMIA 9:10

Samrang Pharao i bangtangchi hawi khumi mipuichi ly nang i khumichi ai pahyp y naimy ana nai deaungkho y, nichi teng y nang ly lyh ai hawi parai nai ka-ma-rachi patei iy, pajengra tym hai bo. Huna nai y nang ly vaini khrairei amthang nai ne.

SAM 106:8

Na i py mymy ly mymy i sa thai naira khri pa-rei len parai nai patei pi ai nai adeu yb nai kamta nichi ai atleu bo.

SAM 64:9

Huni khumi bawibawichi ly jei hyn naimy Tameuh i sa nai dawn pasym iy, mymy i sa nai kalop satangchi thui u ai.

SAM 76:10

Khumichi i kado theu nai ly nang ai palo tleaung palora naira lawn hai ai; tavai keung y dei y naimy heng rai naichi ly nang i pawi sa naichi typ u ai.

THEU NAI 14:17

Kai ly Aikupta chengchi ai paleung tang hai nai deaungkho y, nichi ly Israela chengchi nithun hui u kathiu ai. Kai ly samrang hawi vanrei ni i tavaimichi, keaungngo ka-richi ai eaung nai khala ly kai i nang parai nai saichi niu u ai.

THEU NAI 14:4

Kaimy samrang i paleung tang hai cheng nai deaungkho y, ni ly nangchi ai ang hui ai; naibaly samrang ly kai i eaung naira niu ai i, ni i tavaimichi py kai i nang parai nai saichi niu u ai. Huna nai khala Aikupta chengchi py, kai ly Areng ne, nanai pany u ai,” napi. Israela chengchi ly Areng my leu pei nai kamta sa u bo.

THEU NAI 18:11

Areng ly Aikupta chengchi my Israela chengchi tlang tleaung y mei aniu y nai saichi sa nai molam y, Areng ly tameuhchi bawibawi tleaung y sa thai naira len, nanai vai kai pany bo,” napi.

THEU NAI 9:15

Kaimy i kiuban pheu ai i nang hawi nang i khumichi teng y no michi kang tym hai lawh baly, nangchi bawibawi dei thleng ai.

THEU NAI 9:17

Na i py nang ly tahm apasang veangveang i, kai i khumichi ai chei ai nai pei y lawh.

LEU KACHENG 16:4

Areng i sa nai ati cheaungkhangchi i vui ly paran yb nai awm. Khumi hawi y naichi i vui malawn py, patang naira avum hai ai nai paran yb nai awm.

JEREMIA 32:20

Nang ly Aikupta pri y lyh ai hawi naichi hawi, rengrang ka-ma-rachi patei pi. Vaini khrairei huni atitichi ai Israela chengchi theung y py, khumi cheng cheaungkhangchi theung y py, patei pi nai deaungkho y nang i satang ly meingtym tleirei y ahei nai ne.

Ezekiela 39:21

Areng my, “Khumi cheng cheaungkhangchi ly kai i nang parai nai haiho niu u ai. Kai i ka-dyh ka-dawi tara chih naichi leu pacheang naira y, kai ly kaimy i sa thai naira ai ati mana teaung mo, nanai nichi teng y patei pi ai.

MALAKHI 1:11

Khaileaung katemra y khrairei, khumichi ly kai ai tahm khai nai palo u bo. Nichi ly meingtym tleirei y mui katuichi patawi iy, paleung ka-nora hawi nai kapathyprachi kai teng y talam u. Nichi bawibawi py kai i amyn palo u bo!

MALAKHI 1:14

Nangmychi i beram kanghuchi theung y, no-na by y nai beramchi awm i py, kai ai tapawp iy vang teng y nai tawnbawi ai talam nai khumi ly amsawi lawi na sy. Ati mana nai mo na baly kai ly nang parai nai samrang ne iy, kai i amyn ai khumi cheng cheaungkhangchi my tahm khai jei u nai deaungkho y ne,” napi.

Kati Nai 14:21

Na i py kai ly heng nai keung ne iy, kai i nang parai nai sa thai naira ly khaileaung pri verei y ahei nai kamta,

ROM AVANGCHI TENG Y PAWLA I CHA PA NAI 9:17

Naibaly Tameuh i cha-iu ly Pharao teng y, “Nangmy y ly kai i sa thai naira kapatei thai ai nai hawi, khaileaung pri verei y kai i amyn amthang hai thai ai nai py nang ai kang khai yb khyp bo,” napi.

ROM AVANGCHI TENG Y PAWLA I CHA PA NAI 9:22

Naibaly Tameuh ly pahen naira laawm, nang parai naira nga ai nai sa rym naichi i tlang tleaung y ly mymy i nang parai naira nawi nai sai patei thai ai nai,

JOSUA 4:24

Hini lyh ai hawi nai ka-ma-ra molam y, khaileaung pri y awm nai khumi bawibawichi ly Areng i nang parai nai sai pany u ai. Nangchi py nangmychi i Areng Tameuh ai jei kaji naimy tahm khai u jojo ai,” napi nai ne.

I PETERA 2:19

Ami my Tameuh ai dawn nai deaungkho y patang ai nai avo y naira y paleung mawn nai patang tanga baly, huni ly kawn ai nai awm lawh veng.

I PETERA 2:8

“Atlym naira lengseaung hawi paka naira lengseaung pui py lawn ai,” nanai ne. Ati mana nai mo nabaly nichi ly leu tangai y nai deaungkho y atlym u lawh reng; huna nai kamta awm ai nai nichi ai khai yb nai ne.

JUDA 1:4

Ati mana nai mo nabaly khumi amichi mo ly kangviu y kun lawh i, nichi ai ly hini sum naira nga hai ai nai jangni y khai rym naichi ne; nichi ly Tameuh ai tahm khai y i, achi i Tameuh i pahenra ai ly paleaung naira palawn u iy, achi ai Peang nai Keung hawi Areng leaungrei awm khyh nai Isu Krista ai ly apha u vui.

1 SAMUELA 4:8

Huni sa thai naira len nai tameuhchi kiu i, ami my atleu ai mo? Huni tameuhchi ly Aikupta chengchi ai daichi ka-vym y tleh chauchau nai tameuhchi ne na a!