THEU NAI 9:14 - Khumi Common Language Bible

¹⁴ Khaileaung pri verei y kai ny y baly kai ka-tawm ami py by y, nanai nang pany ai nai nang hawi nang i bangtangchi, nang i khumichi teng y pajeng naira kaimy tym hai ai.

THEU NAI 9:14 ပူးပေါင်းရင်းမြစ်များ

2 SAMUELA 7:22

Aw Areng, nang ly khri pa-rei nang parai na ly! Kai i thai nai ryrei nang hawi atawm nai Tameuh, nang ny y baly Tameuh takhra by y.

1 ARENG KEH 8:38

nichi i chiu sa nai ly tangai pi kyh ba. Nang i khumi Israela cheng phyreichi ly khri pa-rei paleung si paleung mawn naimy, hini Achura yhm mang y kiu pheu iy chiu sa hnei takeng lawh baly,

1 NENG SATANG 17:20

Aw Areng, nang hawi ly ami py atawm y. Nang leaungrei naini Tameuh ne, nanai kaichi my pany jojo bo.

SAM 86:8

Aw Areng, nang kamta Tameuh ly by y; nang i sa nai kamta mani tameuh py so vai y.

THEU NAI 15:11

“Aw Areng, tameuhchi theung y nang hawi atawm nai ami awm vai mo? Nang kamta chai parai iy lyh ai awm nai ly ami awm mo? Nang kamta rengrang naichi hawi nang parai naichi sa thai nai ami awm mo?

THEU NAI 8:10

Samrang ly “Khawndam mang y kai i vui chiu so pi,” napi. Mosi my, “Nang i ngai nai kamta chiu kang sa pi ai; kaichi i Areng Tameuh atawm nai tameuh takhra by y, nanai nang pany ai.

THEU NAI 8:6

Hunaibaly Aron ly tui salo y cheaungvawi syn naimy kiu jaha i pri verei y uipho theu hai ma mang bo.

THEU NAI 9:15

Kaimy i kiuban pheu ai i nang hawi nang i khumichi teng y no michi kang tym hai lawh baly, nangchi bawibawi dei thleng ai.

ISAIA 45:5

“Kai ly Areng ne; kai ny y baly tameuh takhra by y. Nang ly kai ai pany y teu i py, kai ly nang i aly ngai nai atho haiho kang pei ai.

ISAIA 46:9

Jangni jangkhawn khala i awm nai atitichi pany u. Kai leaungrei naini Tameuh ne, nanai py, kai hawi atawm nai tameuh takhra by y, nanai py pany u jo ba.

JEREMIA 10:6

Aw Areng, nang ka-tawm Tameuh harei py by y. Nang ly ati cheaungkhang sa thai nai keung ne. Nang i amyn ly nang parai iy phum-ang kawi angym nai ne.

JEREMIA 10:7

Khumi cheng cheaungkhangchi i samrang lawm nai nang ai tahm khai y nai ami awm ai mo? Nang ai tahm khai ai nai ataing parai nai ne. Khumi cheng cheaungkhangchi theung i khumi kachengchi theung y py, nichi i samrangchi theung y py, nang hawi atawm nai leaungrei py by y.

JEREMIA 19:8

Kai ly hini mary tlang tleaung y ka-jei awm parai naichi tym hai iy, huni sahawi mang tako nai khumichi ly huni mary i taham si nai niu u panui u ai. Paleung hawi y iy mynkym u ai.

DANIELA 5:21

Ni ly khumi kamkawm theung i nai patheu vui nai avum iy, amso tawnbawi paleung kun bo. Ni ly daichi keaungngo kano kasau karamchi hawi vanrei awm iy, si kamta acha cha nai ne. Abyhra by y naimy, kadam theung y i ai nai tla bo. Kangkhym y ly tahm asang parai nai Tameuh my khaileaung pri verei ai peang iy, mymy i ngai nai khumi ami ai py ne sy, huni prichi ai pei pajau, nanai samrang ly adawn vau nai ne.

Levi 26:18

“Nangchi ly huna tanrei pajeng naira avum u i py, kai i leu tangai y asai baly, kai ly nangchi i tlang tleaung y pajeng naira phy tlen saryhrei kang tym hai panawi bi ai.

Levi 26:21

“Nangchi ly kai ai ka-awi sa iy kai i leu tangai y asai baly, kai ly pajeng naira phy tlen saryhrei kang tym hai panawi bi ai.

Levi 26:28

kai ly kado theu kang tlau ai i, vaichi khala i tleaung y ty keh nai pajeng naira phy tlen saryhrei kang tym hai panawi bi ai.

MIKHA 6:13

Hunai deaungkho y kai ly nangchi i kamngo nai molam y, vaimy nangchi ai pajeng iy phra hai ai; leu ka-chawi katheu u bo.

Leu Thui Nai 3:24

“Sa thai naira awm nai Areng awi, nang i sa ai nai nang parai iy lyh ai hawi naichi ly kai ai pany huihai nai ryrei patei kyh ba. Kani mang py, khaileaung mang py nang ka-tawm nang parai nai Tameuh by y leang!

Leu Thui Nai 4:35

Areng naini Tameuh ne, nanai, tameuh takhra by y, nanai, hunichi hawimy nangchi ai pany hai bo.

AMTENG HAI NAI 18:8

Hunai deaungkho y kanirei y ly mymy ai patang hai nairachi, dei naira hawi, paleung mawn naira hawi, takang theu nai py tym bawibawi ai:naibaly mymy ai ly mai y kang hai bebe ai; ati mana nai mo nabaly ni ai tara chih pi pawn nai Areng Tameuh my ly ham parai nai ne.

AMTENG HAI NAI 22:18

Hini cha-iu thui yb nai leu sai thai nai ngiereichi teng y kang thui pi: Amimi py hini leu sai panawi baly, hini cha-iu y tajiu nai patang hai nairachi ly Tameuh my ni i tlang tleaung y panawi teang ai:

1 SAMUELA 4:8

Huni sa thai naira len nai tameuhchi kiu i, ami my atleu ai mo? Huni tameuhchi ly Aikupta chengchi ai daichi ka-vym y tleh chauchau nai tameuhchi ne na a!