THEU NAI 8:8 - Khumi Common Language Bible

⁸ Huna nai khala samrang ly Mosi hawi Aron nini ai palau bi i, “Hini uiphochi tama pawn ai nai Areng teng y chiu so pi; hunaibaly nang i chengchi Areng teng y chei iy apathyp ai nai kang pei mang,” napi.

THEU NAI 8:8 ပူးပေါင်းရင်းမြစ်များ

1 ARENG KEH 13:6

Samrang Jeroboam ly amo teng y, “Pahen parai naimy kai i kiuban hawi teang ai nai, nang i Areng Tameuh teng y chiu so pi ba!” nanai takeng. Amo ly Areng teng y chiu sa pi i, samrang i kiuban ly hawi ali teang bo.

SAM 66:3

“Nang i sa nai saichi ly khrikhri pa-rei lyh ai hawi parai na ly! Nang i sa thai naira ly khri pa-rei len parai nai deaungkho y, paleung ka-echi ly nang i mo y jei naimy, abyh kajeaung kaji na bo.

THEU NAI 10:16

Huna nai khala samrang ly Mosi nini Aron ai palau kaliki i, “Kai ly nangni hawi nangchi i Areng Tameuh i mo y kamngo sa bo.

THEU NAI 10:17

Vai hini tlenrei nai ly Kai i kamngo pahen kyh ly dei ai nai pa-rei pajengra i nai lawi hai pi ai nai, nang i Areng Tameuh teng y kai i vui chiu so pi,” napi.

THEU NAI 10:18

Naibaly Mosi ly samrang teng i nai theu iy, Areng teng y chiu sa pi.

THEU NAI 14:5

Aikupta samrang ly Israela chengchi preang pan nai thai nai khala, ni hawi ni i bangtangchi ly paleung ali vui i, “Achi ly achi i miseaungchi ai tleaung hai vui lawh ly!,” nanai thui u bo.

THEU NAI 32:11

Na i py Mosi ly my i Areng Tameuh teng y khri pa-rei ahui naimy takeng nai ly “Aw Areng, nang ly Aikupta pri i dengdairei sa thai naira len parai nai hawi atleu pi nai, nang i khumichi ai khri pa-rei kado theu hai lawh ai bo a?

THEU NAI 5:2

Samrang my ly “Huni Areng ly ami mo? Kai ly ati mana nai y huni Areng i leu tangai iy, Israelachi ai chei ai nai pei ai mo? Kai ly huni Areng ai pany y nai deaungkho y Israela chengchi ai pato pajau y leang,” napi.

THEU NAI 8:15

Samrang my uiphochi dei be nai niu baly, mymy i paleung tang rah i, Areng my leu pei nai kamta Mosi hawi Aron nini i leu py tangai y ai, nanai thui yb nai ly teng khyp bo.

THEU NAI 8:29

Mosi my, “Khawndam ly nang hawi nang i bangtangchi, nang i khumichi teng i pathauchi tama ai nai vai, nang teng i nai theu phai theu baly Areng teng chiu kang sa pi ai. Na i py nang ly kaichi ai tapawp bi moh, Areng teng y apathyp ai nai molam chei ai i paka bi moh,” napi.

THEU NAI 8:32

Na i py samrang ly hini tlenrei nai py paleung tang tleaung tang ra i, Hebrai Khumichi ai chei ai nai pei y bi nai ne.

THEU NAI 8:9

Mosi my pathang nai ly “Nang i vui py, nang i bangtangchi i vui py, nang i chengchi i vui py, Naing tavo y ny y baly, uiphochi by y ai nai mani neng y chiu kang sa pi ai nai ngai mo, nanai thui ba,” napi.

THEU NAI 9:27

Hunaibaly samrang my Mosi nini Aron ai palau i, “Vai hini tlenrei nai ly kai kamngo nai bo, Areng ly meitang ne. Kai hawi kai i khumichi ly tamang bo.

THEU NAI 9:28

Kaichi ly ali pakang hawi ji mang tla nai ly kham pajau y na bo! Hunai deaungkho y Areng teng y chiu so pi kyh! Kai ly nangchi ai theu ai nai kang pei praw ai; kang patawn veangveang y leang bo mang,” napi.

THEU NAI 9:33

Naibaly Mosi ly samrang teng i nai theu iy mary angam mang y theu i, kiu pheu naimy Areng teng y chiu sa. Naibaly kani nai nai, kani pajyh nai, ji tla naichi py aham ryp bo.

Kati Nai 21:7

Hunaibaly khumi mipuichi ly Mosi teng y chei u i, “Kaichi ly Areng hawi nang ai py ka-awi sa iy katamang u bo. Hini pavuichi la pi pawn ai nai Areng teng y chiu so pi kyh,” nanai takeng u. Naibaly Mosi my nichi i vui Areng teng y chiu sa pi.

AMTAW 8:24

Naibaly Simon ly, “Nangchi i atiti thui naichi ly kai i tlang tleaung y ati sai py tym y ai nai Areng teng y chiu so pi kyh,’. nanai pathang.

1 SAMUELA 12:19

Naibaly nichi my Samuela teng y, “Areng awi, kaichi dei y ai nai nang i Areng Tameuh teng y, kaichi i vui chiu so pi kyh ba; kaichi ly samrang hnei nai deaungkho y, kamngo tleaung y kamngo kasa u ra lawh bo,” napi u.