THEU NAI 8:22 - Khumi Common Language Bible

²² Na i py kai i khumichi awm nai Kosen meingtym y ly takhawi vui i, hunira y pathauchi awm ai ny y. Huna nai kasa khala naini, kai Areng ly hini pri y awm, nanai nang pany ai.

THEU NAI 8:22 ပူးပေါင်းရင်းမြစ်များ

ATITI AWM ANGCHEI NAI 46:34

Kaichi ly amsi pajochi deung i dengdai vaini khrairei, beram hawi sichi khawn u nai ne, nanai thui pi. Huna khala naini nangchi ai Kosen meingtym y awm ai nai ang pei ai,” nanai thui pi bo. Aikupta khumichi ly beram typ nai keungchi ai paso nai deaungkho y, Josepha my huna nai kamta thui hai nai ne.

SAM 110:2

Areng ly nang i sa thai naira ai Zion mary i dengdairei, meingtym tleirei y tym pa-rei khaw hai ai. Mymy ly nang ai, “Nang i paleung ka-echi ai peang ba,” nanai leu pei bo.

SAM 74:12

Na i py aw Tameuh, nang ly angchei khala i dengdairei kaichi i samrang ne. Nang ly kaichi ai neng neangneang atleu pi bo.

THEU NAI 10:23

Aikupta khumichi ly leaung leaungrei aniu y nai deaungkho y, kani thomrei sala ly mymychi yhm i nai asyh-aryh thai y na pa-rei my awm. Na i py Israela chengchi i awm nai mang y ly khuveng theu hai y leang.

THEU NAI 12:13

Nangchi i yhmdeaung tleirei katheu laibeaung y thi kaleu nai ka-ma-ra niu baly nangchi i yhm katlen vui ai. Kai ly Aikupta chengchi ai kapajeng nai khala y nangchi ly lawi naira nga u ai.

THEU NAI 19:5

Vai nangchi ly kai i leu tangai iy kai i Leu Maikawmchi patawm baly nangchi ly kai i khumichi lawm u ai. Khaileaung bomverei ly kai i ne; na i py nangchi ly kaimy vawi takhra nai kai i khumichi lawm ai.

THEU NAI 20:11

Kai Areng ly kani tariurei sala y my kani khusang, khaileaung, pangli hawi huni theung y awm nai cheaungkhangchi ai sa iy saryh kani y anawn nai ne. Naibaly Areng my huni Anawn nai kani ai ly amtheaung hai iy kani kachai palawn bo.

THEU NAI 7:17

Samrang awi, Areng i leu pei nai ly ‘Kai ly Areng ne,’ nanai vai, kai i sa nai molam y nang pany ai, ang napi. Kai ly hini cheaungvawi hawi Naing tavo tui y pakhau baly, tui ly thi lawm be ai.

THEU NAI 7:5

Huna nai Aikupta chengchi ai kai i kiu pheu iy, Israelachi ai kapatheu nai khala, kai ly Areng ne, nanai Aikupta chengchi pany u ai,” napi.

THEU NAI 8:10

Samrang ly “Khawndam mang y kai i vui chiu so pi,” napi. Mosi my, “Nang i ngai nai kamta chiu kang sa pi ai; kaichi i Areng Tameuh atawm nai tameuh takhra by y, nanai nang pany ai.

THEU NAI 8:21

Theu ai nai pei y lawh baly nang hawi nang i bangtangchi, khumi mipuichi teng y pathauchi kapato ai. Aikupta khumichi i yhmchi hawi khaileaung verei ly pathauchi kawi hai be ai.

THEU NAI 8:23

Kai ly nang i khumichi hawi kai i khumichi ai patleh takhra ai. Hini rengrang ka-ma-ra ly khawndam kang patei ai, nanai kaimy leu kang pei,’ nanai thui pi,” napi.

THEU NAI 9:26

Na i py Israela chengchi i awm nai Kosen meingtym y ly ji mang tlo y leang.

THEU NAI 9:29

Huna nai khala Mosi my, “Kai ly mary i nai theu iy kiu jaha naimy Areng teng y chiu kasa ai. Areng ly khaileaung pri verei y peang nai keung ne, nanai nang pany ai nai kani pajyh nai hawi ji mang tla nai anawn ai.

THEU NAI 9:4

Na i py kai i khumi Israela chengchi i tawnbawichi hawi Aikupta chengchi i tawnbawichi ai patleh takhra iy, Israela chengchi i tawnbawichi ly ha py dei y ai.

THEU NAI 9:6

Kani pa-nyh khawn Areng ly mymy i leu thui nai kamta sa nai deaungkho y, Aikupta khumichi i tawnbawi ngierei dei bo. Na i py Israela chengchi i tawnbawichi ly ha py dei y nai ne.

Ezekiela 30:19

Hina nai kamta Aikupta pri ai pajeng nai khala, kai ly Areng ne, nanai nichi pany u ai,” napi.

MALAKHI 3:18

Huni bo y kai i khumichi ly khumi kahawi hawi, khumi hawi y naichi i avum nai ka-dawn atawm y nai py, kai ai chiu nai khumi hawi chiu y nai khumichi i avum nai ka-dawn atawm y nai py pany u ai,” napi.